مادا تاخد العروس عندكم يوم الفراش

[جوهرة الكون]

احنا في الشرق بصفة عامة و قالمة و عنابة و قسنطينة بصفة خاصة العروسة تخرج الفراش قبل يوم عرسها بنهار او بيومين و تدي معاها

مطارح حوالي 6 و بساطات حوالي 10 ال 12

اغلفة السرير و تتنوع فيهم تاخد من 3 الى 4 و يكونو من اغلفة تقليدية و عصرية مثل الكروشي و الطرز و اخرى عصرية فخمة

اغطية شتوية و نسموهم احنا الزور حوالي 2 الى 4

اغطية صيفية و نقولولهم الدراوات او الملاحف حوالي 8 الى 10 او 12حسب الامكانيات

الزربية الكبيرة 1 و المتوسطة 1 و الصغيرة 1

الستائر و عددهم حسب الغرف

الوسادات حوالي 6 الى 8

الكوسانات و هي وسادات التزيين من 6 الى 8


اغلفة المطارح

افرشة تقليدية كروشي و طرز و حساب و يحتوي الفراش على غطاء سرير و وسادات كبيرة و صغيرة و ليناب اي اغطية الطاولات و الموائد

السنيوات نتاع النحاس يكون واحد كبير و 3 صغار

لوازم السينية الترامس 2 واحدة نتاع الحليب و واحدة ناتع القهوة و حامل المناديل و حامل الملاعق و الرشاش و هو ما يوضع فيه ماء الزهر و السكرية

سلة الاحدية و سلة فيها كوسميتيك

حقائب فيها القنادر اللي وجدتهم اي الشورة

حقائب فيها لباسها المنزلي

حقائب فيها اشياءها الخاصة

صالون حسب الامكان اي الفوتايات

طاولة و معاها الكراسي ان امكن

و اشياء اخرى تختلف من عروس الى اخرى حسب الامكانيات



و انتم من اية منطقة و مادا تاخد العروس عندكم يوم الفراش