دبرو عليا

["راجية الجنة"]

سلام عليكم

وش راكم

حبيتكم تساعدوني

نهار اجيو يشفوا الطفلة برك
حايرة وش نديروا في القهوة وكما يدخلوا

نقلكم وش جا في بالي وقولولي مليحة ولالا

انا قلت ندرولهم جو مع بوتي فور نتع الكاوكاو ولا ندير لي مكارو

ومن بعد مع القهوة نديروا زوج قاطوات ولا 3 قاطوات برك يكونوا نتع قهوة وحليب وساهلين مع معجون نتع التشينة مدامها متوفرة دركة

دبرو عليا انا شايفتها فيها براكة مدامهم جايين اشوفوا برك

نتظر ردكم
تحياتي
سلالالالالالالالالالالالالالالام

[*ام رامي*]

اولا كل شيء مبروك وربي يتمم بالخير
شوفي اولا حطي العصير والفاكهة
وبعدها القهوة والحليب وكيما قلت قاطوات نتاع قهوة ساهلين وخفاف
تقدري تعملي بتي فور + قواوش نتاع الوردة شكلهم جميل + مقروط والبركة

["راجية الجنة"]

شكرا ام رامي مي مشي ليا ههههههههه راكي فولتي عليا بالخير ههههههه
بخصوص الجو والفاكهة
فاكهة مثلا تفاح ولا بنان ؟؟؟لان ماما قاتلي دركة بلي الجو الفاكهة مع بعض وكانها نفس الشيء ولالا
اما المقروط قلنا نديرو مقروط المقلة لا تعرفيه ساهل فيسع نحضروه وش قلتي فيها اختي
ومشكورة وربي يعيشك على الفال
سلام