ضروري الانتخاب

معدنوس · 2012-04-01, 17:46

R]ربي يهديكم
انا ما قلتش انتخبوا السراقين والكدابين
نقولكم حاجة انا واحد الوقت ولد عمي ترشح قال للعائلة قاع فوطيو عليا نعاونكم
واحنا فوطينا عليه
بصح كي نجح واش دار
لي يروحلو من العائلة ما يستقبلوش
تعرفو واش صرالو جاء قرار نحاوه من المنصب قبل ما يقفل عام
ياو ربي خير
كي تحط ظرف فارغ واش خاسرينعلاه انا حاب نفوطي
راهم داولي حقي ونخدم كيفكم عقد ما قبل التشغيل بالسيف باش جبتو بعد عامين من التخرج وكنت ماجور برومو حتى الماجستير ما مدوليش
انا كلاولي حقوقي كتر منكم بصح وكلت ربي عليهم نزيد نقولكم حاجة واحد ما يستاهل نفوطي على جالو بصح نروح نحط ورقة فيهاوالله ما تربحو من عندي

سرب النحل · 2012-04-01, 17:56

ايه لازم ننتخبو .......ضروري من اجل استمرارية السراقين والفاسدين
نقولك يوم10 ماي ان شاء الله مانروحش خاطر كاينة ناس تخم عليا هي لي راح تفوطي في بلاصتي .

hadou_os · 2012-04-01, 18:00

لازم علاجال الاقامة ميخرجوهاش غير ب la carte vote

المقاومة · 2012-04-01, 18:02

في بلاد الشكارة
حتى هاد الحق ومتنازلين عليه

virusm2003 · 2012-04-01, 18:26

ضروري عليك و على امثالك اما نحن فلا جمل و لا ناقة لنا بها

محبة للتغير · 2012-04-01, 18:25

اقتباس:

المشاركة الأصلية كتبت بواسطة hadou_os

لازم علاجال الاقامة ميخرجوهاش غير ب la carte vote

لا تصدق فهي كذبة فقط ليخرجوكم للاقتراع فقط

layalii · 2012-04-01, 18:32

في ميزكم كاش واحد في هادي البلاد راه يخدم خدمته بضمير حتى لو كل ورقة نحتاجوها ولازم فيها بطاقة الناخب حتى واحد ما راح يشوف فلان انتخب او لا لانه حتى حد ما راه يخدم خدمته نيشان في ميزكم راح يضيعو وقتهم باش يشوفو ادا انتخبنا اولا وحتى لو كان في الانتخاب الحياة للميت ما راحش ننتخب ما راحش نمد منصب في البرلمان لواحد كل همه قداش راح يستفاد من المنصب قبل ما يهمه مساعدة الناس وادا ما انتخبتش ما راحش تخرب البلاد اصلا راهي مخربة ما كان لاش تعاودو تجبدو على الانتخاب يرحم العزيز عندكم لانها اكبر كدبة عرفها الانسان عبر كامل الدول مشي الجزائر فقط

سفيان31 · 2012-04-01, 19:14

تبا لهده الاعضاء التي كل يوم تدخل بمواضيع تافهة

1 - ضروري الانتخاب

زيادة المنحة

ادماج العمال والخ......

Salem Dz · 2012-04-01, 20:09

ما كانش منها
حياتي كالمة و انا نفوطي و داير هاد الحساب
لكن جامي قالولي جيب الكارطة تاع الفوط
ما نحلفش على هطرة في شهادة الاقامة برك
المهم تكون عندك كارطة و صايي باسكو ما يشوفوش للكاشي

fawzi18018 · 2012-04-01, 20:14

هادي كدبة افريل ولا راك تحكي صح البلاد راهي هاملة و حنا علاه نهار يتفكرونا و 5 سنين ناسيينا هاتو الجديد خاليونا من التبلعيط ياو فاكووووووووووووووووووووووووووووووووووووووووووووووو وو

ahmedbz84 · 2012-04-01, 20:25

شيت مليح يا واحد الشيات , خليك من الأنانية إذا كنت لاباس عليك في حالك , خمم على الناس الزوالية
أنت باين لاباس عليك و تريد بقاء هذا العفن لأنه جوك المفضل (جو الاختلاس و جو الحقرة) خذ مقابل ممن يمارسون الحقرة على ولاد الناس.
روح انتخب على الفساد و عل الحقرة و نهار يسالك ربي علاش انتخبتك على الفاسد و أنت تعلم أنه فاسد فماذا تقول .
يا أخي انا على الأقل ما نشاركش على واحد و عارف أنه رايح يسرق و يحقر.

khaled1976 · 2012-04-01, 21:18

]الانتخاب يعني الاستمرارية كيما قال الرايس والاستمرارية من التمرر يعني حاب يقول نمروا عليكم حياتكم ..........ادا اخوتي الحل في المقاطعة ومت تخافوش لوكان كامل الناس تقاطع مايلقاوش فرصة للتزوير[

zlatan18 · 2012-04-02, 00:05

طز فيهم كامل والله مانفوطي

SIDAHMED187 · 2012-04-02, 08:50

و الله العظيم ما نفوطي نفوطي على السفهاء والفساد ونعطيلهم الشرعية .فوطي أنت و أمتالك من الجهال وبالنسبة لزعمك أ،ه ماتخرجش شهادة أقامة فهده كدبة المهم يكون عندك بطاقة الناخب وهي تبين مقر أقامتك

معدنوس · 2012-04-02, 11:08

ربي يهديكم
انا ما قلتش انتخبوا السراقين والكدابين
نقولكم حاجة انا واحد الوقت ولد عمي ترشح قال للعائلة قاع فوطيو عليا نعاونكم
واحنا فوطينا عليه
بصح كي نجح واش دار
لي يروحلو من العائلة ما يستقبلوش
تعرفو واش صرالو جاء قرار نحاوه من المنصب قبل ما يقفل عام
ياو ربي خير
كي تحط ظرف فارغ واش خاسرينعلاه انا حاب نفوطي
راهم داولي حقي ونخدم كيفكم عقد ما قبل التشغيل بالسيف باش جبتو بعد عامين من التخرج وكنت ماجور برومو حتى الماجستير ما مدوليش
انا كلاولي حقوقي كتر منكم بصح وكلت ربي عليهم نزيد نقولكم حاجة واحد ما يستاهل نفوطي على جالو بصح نروح نحط ورقة فيهاوالله ما تربحو من عندي