الى من يخون زوجته..........

[اسلام انس]

قلي يا أخي لماذا تخون زوجتك ولماذا يا أختي تخوني زوجك فالمرأة التي ذهبت اليها يوجد فيها ما يوجد في زوجتك

والعكس بالنسبة لك يا أختي.............فما هو الشيء الزائد ؟أخبروني من فضلكم .................

اتعرفون ماهو.................ان الشيطان يزينه لك...................... فا تقوا الله...........وتأكدوا من هذه المقولة..............

كمـــــــــــــــا تديــــــــــــــــــــــــن تـــــــــــــــــــــــــدان


من يزني في بيت غيره بدينار ************يزنى في بيتــــــه بغيــــــــري دينــــار

[Rima mimi25]

الله يسترنا مانعرف علاه يزوجو و منبعد يخونو و يعذبو في المرأة ربي يهديهم و الأكثرية تأتي من الرجال

[ريمة89]

والله ياخي ياريت نلقى اجوبة بمصداقية برك انا تاني حبيت نعرف علاه الرجل يخون مرتوا علاه

[anes1970]

شكرا لكم على هذا الموضوع الهام و المنتشر بكثرة...في راي الشخصي ان السبب الاول يعود للمراة التي لا تلبي حجات الرجل فالزوجة دائما تكون لها حجج عديدة و متنوعة لا حصر لها فهنا يحدث فراغ كبير فيلجا الرجل الى الخيا نة...اما السبب الثاني و بدرجة اقل من المراة يعود للرجل فانه لا يتفهم وضع الزوجة فيكون ما يكون.....والخلاصة يرجع الى الوازع الديني والا بتعاد عن الله لان الزواج سترة لكلا الطرفين ويقي من المحرمات التي حرمها الله....وشكرا

[ام نسمة]

سواء كان رجل او امرءة من لا يخاف الله توقع منه كل شيئ ... اصلا عيب نربطو لكلمة خيانة كلمة اخرى اسمها مبررات وهل للحرام مبررات

[anes1970]

السلام للجميع..ان لا ابرر الخيا نة فهي حرام بكل المقا ييس وانما اردت ان انبه الى المغلا طات التي يقع فيه كلا من الطرفين اي الرجل والمراة فعندما يقع احدهما في المحظور فكل له مبرارت وحتى وان كانت غير منطقية..........وشكرا يازهور الفل

[adel90]

سترك ياربي

[ريمة89]

اصبحنا في مجتمع يبرر كلشيء فان وجدنا الرجل يخون زوجته الصقن التهمة بزوجته وعدم قيامه بها نهدر بالعامية خير
ياخوتي والله ليس السبب في الزوجة دائما انما ان الحرام بنين علاهدي ربي حرموا الرجل ماولاش يقدر يجكم روحوا انا من العاصمة وكنت ادرس والله انوا حتى البنات ماراهيش مقصرة اغلبية لابسين لبسة فاضحة وزيد راه جاي الصيف يالطيف الطف انا لوكنت في مكان اي رجل لنظرة ربما مهعجبا او مستغربا لجرئة البنات في وقتنا الحالي حتى الاباء والاولياء غابوا عن الساحة وكل وحدة تقول لبنتها لامودج حتى الحجاب لم يسلم والخمار وبدعوا فيه ونسالوا رحنا لمادا يخون الرجل زوجته ان بالنسبة لي الجواب ظاهر لانوا غياب الدين او نقص علمنا بديننا خلاتنا راح نولوا جهلاء انا لا اضع اللوم على المراة فقط بل بنيت كلامي بناءا على قصة سمعتها بام عيني من احد المقربات جدا الي حيث تقول ان زوجها كان قبل زواجه على علاقة مع احد البنات دات 16 عام ولكن بعد الزواج قرر ان زوجته وعمله هما حياته لكن الفتاة لم تنسى الزوج وقعدت موراه عي فيها اني تزوجت خلاص وهي والوا قعدت موراه حتى سمعت زوجتوا وجا وحكالها القصة كامل و هدرت مع الطفلة اماجيني الاجابة تاعها واش كانت قالت لزوجته انت ملرتوا فدار وانا صحبتوا مافيها والوا حتى انا مانيش تاع زواج مازلت صغيرة حتى انا تدخلت والله الطفلة ماراحت حتى وصلت كبيرة باه لراحت يعني انوا الخيانة وخاصة خيانة الزوج لاتغتفر لانو المراة تحمل الدل الفقؤ كلش الا الخيانة تعرفوا هديك الحكاية تاع الاسد والقطة كان بكري الاسد يمشي فالغابة شاف قطة مريضة وطايحة وسط الطريق رفدها حتى برات وكي راحت عند الحيوانات بعدما برات قعدت تحكيلهم على كرم الاسد قاتلهم السبع هايل عندوا كلش بصح فيه ديفوا واحد برك وكان الضبع معاهم قاتلهم فموا حاشاكم فايح راح الضبع يجري للسبع وقالو غضب السبع وراح للقطة ودا الفاس واقللها الضربيني فالجبهة قالتلوا علاه ياسيدي السبع مانقدرش وانت مولا خير قاللها لازم تضربيني ضرباتوا راح السبع زاد يمات وولى لقاتوا القطة قاتلوا سيدي السبع بريت قاللها شفتي الجرح اللي فجبهتي قدما يبقى ويجي نهار ويبرا والجرح اللي فقلبي من وكلامك طول عمروا مايبرا هدي الهدرة برك امالا ماادراك من الخيانة ومنين الزوج اعز انسان نصفك التاني يازوج بازوجة ارحموا ازواجكم والله نار الخيانة تكوي
قبل ماتخونها يازوج تفكر يالوكان حاجة مليحة دارتهالك وفكر لاتستاهل تخسر حياتك مع زوجتك وراحتك على جال نزوة برك

[anes1970]

حياك الله اما بعد انا اوافقك الراي لان الخيانة شيئ عظيم وهو محرم شرعا اما التي تحدث في مجتمعنا هذا فهو شيئ مخيف يتحمله الجميع...الا سرة....المدرسة......المسجد.....العامة الله يلطف

[soso sirin]

المراة ممكن تقبل انو يجي يقولها روحي راكي مطلقة و بلا سبة و ماتسمعش بيه انو عندو مراة وخدخرى لانو صعيب بزاف هي تتقلق كي تشوفو يشوف في غيرها امالا مابلكم بلي راه مع وخدخرى.الخيانة ماعندهاش مبررات سواء كان للرجل او المراة ياخي تزوجتو منبعد ماتفاهمتوش طلقو ياخي كاين حل مي باه يجو و يقولو عندنا اسباب هاذي مكانش منها.كي ولى الزواج ساهل و ماعندوش قيمة كثرت الخيانة الزوجية.و التبهديلة تاع الصح انو مرات الخيانة تكون في بيت الزوجية