قضية المعدل في البكالوريا

[✗ ┋ وَړْﮃَةُ آلـﭴَزآئـړْ ┋ ✗]

قبل شهر جانا أستاذ التنمية البشرية (مختص نفسي) باش يساعدنا نحضرو مليح للبكالوريا

كانت حصة روعة درنا تمارين استرخاء كيفاه نحيوا الخلعة تع الباك كيفه نظموا وقتنا باه نقراو

ومبعد سقسا كل واحد فينا شحال حاب يجيب المعدل؟؟

كاين اللي قالو 18 واللي قالو 16 واللي قالو 11 واللي قالو يا ربي نجيب 10 المهيم نديه

تعرفو واش قالنا

قالنا من سابع المستحيلات تجيبوا المعدلات اللي تطمحوا ليها

قالنا اللي يحب يجيب 16 راح يجيب 14 أو 15 واللي حاب 12 راح يجيب 10 واللي حاب 10 بالاك ماش راح يدي خلاص بعيد الشر


حنا قلقنا وبدينا نعيطوا واش بيه هاذ الأستاذ وما نعرف


قالنا استناو نكمل هدرتي


مستحيل تجيبوا هاذ المعدلات إلا في حالة واحدة فقط


ديروا في بالكم معدل أكبر من هاذ المعدل


قالنا لازم ديروا في بالكم شعار واحد


لازم نجيب الباك ب: 20!!!!!!!!!!!!!!!!!!!!

حاجة باينة مستحيل واحد يجيب الباك ب 20 وهذا هو المقصود قالنا عقلكم راج يحاول بكل جهدو يوصل للعشرين صحيح ماراهوش راح يجيب 20 لكن راح يجيب أقل بشوي

يعني اللي حاب المعدل 16 لازم يدير في بالو لازم نجيب 17 أو 18

واللي حاب يجيب الباك ب 10 لازم يحط في بالو 11 ولا 12

وباش يتحقق هاذ الشيء لازم تكون عندو الإرادة


أنا حطيت هاذ الموضوع لكثرة المواضيع اللي تقول شحال حاب تجيب في الباك ؟؟؟

ديرو في بالكم ديما أكثر شوي من المعدل اللي حابين تجيبوه ولازم تكون عندكم الإرادة باش تجيبوا هذاك المعدل وديروا جهدكم وتحطوا ديما هذاك المعدل في بالك باش يخدم عقلكم عليه



طبعا تبقى هناك استثناءات على هاذ الكلام وهو ليس كلامي بل منقول عن أستاذ التنمية البشرية اللي جا عندنا

أريد رأيكم في هذا الكلام وهل هو صحيح بالنسبة لكم؟؟

بالنسبة لي هو صحيح مئة بالمئة

ديما كي نحط معدل في بالي نجيب قل منو

في السيزيام حطيت نجيب 19 جبت 18

في الأهلية حطيت نجيب 18 جبت 16؟؟

في الباك إن شاء الله 20

[asma1856]

هههههههه فكر مليح ان شاء الله 20 زعما نطلع في المورال برك راهو هابط شوية

[هدال ياسين]

انشاء الله يوفق الجميع لما يحب ويرضاه انا باغي مالا 14 برك هههههههههههه
بالتوفيق للجميع

[s_m!ley]

السلام عليكم أختي وردة
و الله قضية المعدل هذي أنا ما نحبش نتدخل فيها خلاص
أنا دايما غير يسقسيوني طيلة أطواري الدراسية نقول اللي يجيبو ربي فيه الخير المهم أنا نخدم اللي نقدر عليه و نبذل مجهودي كاملا و الحمد لله
موفقين بإذن الله

[نونو05]

يعطيك الصحه اختي وشكرا على هادا الموضوع الشيق انشاء الله راح ندو الباك ونرفعو راس والدينا ورايه بلادنا انا حابه نجيب 13

[nan89]

hadi kane meneha serat toujour le fo9e

[اميرة الابتسامة]

ههههه مليح ...

بصح كاينة حالات شاذة كيفي ... نقرى دون
اي طموح يذكر ...ولا حتى معدل راهو في بالي ..

[امين التقرتي برشا]

انشاء الله يوفق الجميع لما يحب ويرضاه

[DUOHBO]

السلام عليكم
كلام الاستاذ صحيح مائة بالمائة و صراتلي هاذ العفسة شحال من مرة ان شاء الله حنا نديرو كامل مجهوداتنا و الباقي على مولانا الي جابها فيها الخير بالتوفيق للجميع

[نسيبةB]

بالتوفيق للجميع

[✗ ┋ وَړْﮃَةُ آلـﭴَزآئـړْ ┋ ✗]

شكرا للجميع على المرور إن شاء الله كامل نجيبو اللي نطمحو ليه

[achour idoughi]

امالا انا راح نجيبو ب 18 نشا الله

[oussama-dz]

فكرة صحيحة 100/100 و مشهووورة في التنمية البشرية
فالإنسان لا يصل إلى ما يفكرفيه لأنه ليس مثااليا
و هاذي قريناها في انطباق الفكر مع نفسه و انطباق الفكر مع الواقع
لأن الأفكار لما تنزل للواقع التجريبي تنحرف مصداقيتها قليلا
/
/
/
/
//
/
أناا أريد 20
إن شاء الله

[sali12]

سلام مشكورة اختي وردة
انا باغية نجيب 19

20 بزاف

بالتوفيق

[دراغاو]

ندير في بالي نجيب 25 باه نجيب 20
مليحة هذي