تســـــآؤلات مبدئية .. قبـل الخـِطبة !

RIQUELMISTA+1 · 2012-03-21, 21:48

السلام عليكم و رحمة الله

أرجوا المساعدة لمن يفقه من الأمر الكثير ، فـ أخـوك في طريقه الى بناء النصف الثاني من الدين

و لمن ساعده فـ أجره على الذي خلقه .!

لكي لآ أطيل الحديث ..

و كما يعلم من شاهد موضوعي السابق .. أني أنوي الخطبة في بادئ الأمر

التساؤل الأول : أيهم أفضل في الحديث الأول " يعني كي نجي نقولهم جاي نخطب "

الأفضل والد الفتآة أم أخوها الأكبر ؟؟؟

التساؤل الثاني : هل يجب علي أن آخد واحد من أفرآد عائلتي أم لآ ؟ خصوصا أني صغير السن نوعا ما 25 عام ؟؟؟

التساؤل الثآلث : لمن خطب فتاة منكم من قبــــل ؟

عند قولك 'أني جآي نــُخطب'

الفترة بين هاته المقولة لأهل الفتاة و مرحلة أن يطلبوا منك المجيئ مع أهلك "كم تدوم "؟؟؟

بانتظاركم و بارك الله فيكم ..

و منكم نستفيد

جسر الأمل · 2012-03-21, 22:04

أولا الف مبروك أخي وربي يهنيك ويرزقك في كل خطوة نووووووور ويرزقك اكيييييييد ببنت الحلااااااااال
التساؤل الأول : أيهم أفضل في الحديث الأول " يعني كي نجي نقولهم جاي نخطب "

الأفضل والد الفتآة أم أخوها الأكبر ؟؟؟

أكيد ولي امرها وهو الأب روحله ديراكت وأكيد ماراحش يرفض فالبتوفيق[
التساؤل الثاني : هل يجب علي أن آخد واحد من أفرآد عائلتي أم لآ ؟ خصوصا أني صغير السن نوعا ما 25 عام ؟؟؟

ان شاء الله بعد موافقة الأب والزوجة المستقبلية طبعا، تأخذ معه موعدا، واكيد تدي معاك الوالدة الكريمة والاخت، او الخالة، كل واحد وكيفاش *المهم مشي وحدك*
التساؤل الثآلث : لمن خطب فتاة منكم من قبــــل ؟

عند قولك 'أني جآي نــُخطب'

الفترة بين هاته المقولة لأهل الفتاة و مرحلة أن يطلبوا منك المجيئ مع أهلك "كم تدوم "؟؟؟

ماعليش نتخيل روحي في بلاصة الاخوة :
مكانش مدة زمنية محددة، انت ووقت ماوجدت روحك .
المهم اخي نقولك الف مبروووووووووووووووووووووك وربي يرزقك الذرية الصالحة وماتكثرش على روحك حاجة بسيطة وهي فرات، عمرنا ماشفنا او سمعنا بلي التضخيم والتكليف في الزواج يضمن السعادة.
ونتمنى نكون وفقت في جوابي.
وفرحنا معااااااااااااااااااااااااااك اخي.

bbc · 2012-03-21, 22:10

السلام عليكم
بالنسبة للسؤال فطبعا و اكيد والدها
في المرة الاولى كامل تقدر تروح وحدك ول تبعث بباك يهدر مع باباها
بين الطلب و الجواب كل واحد كيفاش ممكن اسبوع

RIQUELMISTA+1 · 2012-03-21, 22:48

اقتباس:

المشاركة الأصلية كتبت بواسطة جسر الأمل

[
التساؤل الثاني : هل يجب علي أن آخد واحد من أفرآد عائلتي أم لآ ؟ خصوصا أني صغير السن نوعا ما 25 عام ؟؟؟

ان شاء الله بعد موافقة الأب والزوجة المستقبلية طبعا، تأخذ معه موعدا، واكيد تدي معاك الوالدة الكريمة والاخت، او الخالة، كل واحد وكيفاش *المهم مشي وحدك*
التساؤل الثآلث : لمن خطب فتاة منكم من قبــــل ؟
.

ربي يبارك فيك اختي ، ان شاء الله

مي ممكن في التساؤل الثاني ما فهمتي مقصودي

قلـت أول مرة .. نحكي مع واحد من أفرآد عايلتها ...

في الخطبة الرسمية عبالي ندي معايا غاشي كبير

و نروح

ربي يحفظك ختي

)

RIQUELMISTA+1 · 2012-03-21, 22:50

اقتباس:

المشاركة الأصلية كتبت بواسطة bbc

السلام عليكم
بالنسبة للسؤال فطبعا و اكيد والدها
في المرة الاولى كامل تقدر تروح وحدك ول تبعث بباك يهدر مع باباها
بين الطلب و الجواب كل واحد كيفاش ممكن اسبوع

خويا مزوج و لآ لآ .. ؟؟ :d

اوك فهمتك خُو .. مي في الثاني .. بابا صعيبة شوية

لآ هو يعرفهم و لآ هوما يعرفوه + و حتى أنا ثاني ..

مي تظهرلي .. نديماري وحدي .. و لآ وآش رايك ؟

جسر الأمل · 2012-03-21, 22:56

اه صحا دوكة فهمتك الله ينورك ، لا احكي معاه وحدك مافيها والو هذه لخاطرش انت غادي تدي الموافقة وتحدد الموعد، قاع يديرو هاكا، صلي الاستخارة واتكل على ربي واحكم بوها في مكان مليح عس تروحله للقهوة ولا تحكمه في المرشي، باسكو كاين اللي حرموها على رواحهم، ومن بعد سهل انت والعائلة الكريمة انتاعك وبالتوفيق خويا. .

bbc · 2012-03-21, 22:56

يا اخي للعلم فقط انا بنت لست ولد وكنت قد اجبتك عن الموضوع السابق كوني اعرف جيدا اهل هته المنطقة رغم اني لست من هناك و لدلك نقولك لوكان يهد بباك خير بصح تقدر انت تروح فالاول باش يتعرفوا عليك وشنو هو لازم تهدر مع باباها خير و ربي يسهل ان شاء الله
اتكل على ربي و مبروك مسبقا

RIQUELMISTA+1 · 2012-03-21, 23:03

اقتباس:

المشاركة الأصلية كتبت بواسطة جسر الأمل

اه صحا دوكة فهمتك الله ينورك ، لا احكي معاه وحدك مافيها والو هذه لخاطرش انت غادي تدي الموافقة وتحدد الموعد، قاع يديرو هاكا، صلي الاستخارة واتكل على ربي واحكم بوها في مكان مليح عس تروحله للقهوة ولا تحكمه في المرشي، باسكو كاين اللي حرموها على رواحهم، ومن بعد سهل انت والعائلة الكريمة انتاعك وبالتوفيق خويا. .

اوك ، شكرا على النصح اختي لعزيزة

و المشكل ، عابالي نوصل قدامو تروحلي لهدرة كامل .. ما نلقى كيفاه نبداها

مي ربي يسهل ان شاء الله و يجيبها فـ صواب ..

RIQUELMISTA+1 · 2012-03-21, 23:06

اقتباس:

المشاركة الأصلية كتبت بواسطة bbc

يا اخي للعلم فقط انا بنت لست ولد وكنت قد اجبتك عن الموضوع السابق كوني اعرف جيدا اهل هته المنطقة رغم اني لست من هناك و لدلك نقولك لوكان يهد بباك خير بصح تقدر انت تروح فالاول باش يتعرفوا عليك وشنو هو لازم تهدر مع باباها خير و ربي يسهل ان شاء الله
اتكل على ربي و مبروك مسبقا

سآمحيني خيتـُو .. و الله ما انتيهت ..

ايه و رجعتيلي في زوج مواضيع .. ربي يعطيك ماتتمناي

اوك .. فهمتك .. بابا صعيبة شوية .. وحدي شوية تسهال

مي لو كان نعرف ندي معايا واحد كبير مثلا "وليد عمتي"

يعرف يبلعط

خير و خير

خطاك أنا "حشام شوية

"

ختي ربي يهنيك .. خدمة الراجل لي يجي يخطب

يشوفو ليها بزاف و لا المهم يحلل دراهمو ؟

bbc · 2012-03-21, 23:13

سآمحيني خيتـُو .. و الله ما انتيهت عادي
ايه و رجعتيلي في زوج مواضيع .. ربي يعطيك ماتتمناي بلا مزية خويا ان شاء الله نكون فدتك وعلى فكرة ناس هديك المنطقة اغلبهم ناس ملاح
مي لو كان نعرف ندي معايا واحد كبير مثلا "وليد عمتي"

يعرف يبلعط :d خير و خير

بالاك تعجب باباها كي يشوفك تحشم مع دلك مافيها والو ادا اديت وليد عمتك
بالنسبة للسؤال الاخير اهم شي انت تثق بلي راك خدام و كاين الي مشي خدام ثاني حاجة ادا شافوك ناس ملاح نظن مشي رح يقولوا لالا و على حساب الناس الي راك قاصدهم و ان شاء الله ربي يسهل

*بن عيسى* · 2012-03-21, 23:14

التساؤل الأول : أيهم أفضل في الحديث الأول " يعني كي نجي نقولهم جاي نخطب "

الأفضل والد الفتآة أم أخوها الأكبر ؟؟؟
ج : والد الفتاة بالطبع

التساؤل الثاني : هل يجب علي أن آخد واحد من أفرآد عائلتي أم لآ ؟ خصوصا أني صغير السن نوعا ما 25 عام ؟؟؟
ج: من الأفضل أنت و معاك شخص خبير في هده الأمور و دو لسان طويل ( عفوا على التعبير)

التساؤل الثآلث : لمن خطب فتاة منكم من قبــــل ؟

عند قولك 'أني جآي نــُخطب'

الفترة بين هاته المقولة لأهل الفتاة و مرحلة أن يطلبوا منك المجيئ مع أهلك "كم تدوم "؟؟؟
في حالتي دامت تقريبا شهر و نصف

بالتوفيق و مبروك مسبقا يا أخي

الواثق · 2012-03-21, 23:51

والله جاء موضوعم في وقته انا تاني راني محرج وعارف روحي نبدا نتلون مايقبض عليا حتى لون ...........سورتو المواقف المحرجة نحس روحي كيما الرسوم تروح كامل ملامح وجهي يبقاو لعينين مدورين برك ...................بصح هاذي الخطوة لازم ...........وتعرفو عقلية الاباء ياخي كي يبدا يقول............كيفاش ؟؟وكفاه ؟؟بصح مافهمتكش ؟؟....هو راهو فاهم بصح تعودنا على هاذي الاسئلة ......................المهم ديرو كيما باباك واصدم ...........................ربي يسلكها والله المستعان ...........خايف الواحد تروح ليه وتقلو السلام عليكم يرد عليك وتقعد تشوف فيه يقلك واش بيك واش تحوس تقلو انا ايه نحوس اااااااااوووووووووووو شكون لي يحوس ؟؟؟ ايه انا ؟؟ نننننننننححححححححححووووووسسسسس ننننننتتتتتقققققددددمممممم للللللببببنننتتتككككك...........على بالي ينفجر بالضحك ماعندك مادير اضحك واستر ماستر الله ههههههههههه

جسر الأمل · 2012-03-22, 00:02

هي صح تجيك صعيبة شوية مي انت كي تصلي الاستخارة وتتكل على ربي كل شي يفوت ساهل، باذن الله، ونوع الخدمة مشي شرط كي تكون شريفة وين راه المشكل.
انت ماتقعدش دير في العراقيل وترد علينا هههه، روحله غدوة راك مكبرها برك.ماتخممش بزاف، ازدم برك بالتوفيق اخي.

Mohamed12013 · 2012-03-22, 06:47

بالتوفيق
رب يسهل لينا أجمعين

مومي23 · 2012-03-22, 17:57

و هل الفتاة على علم بامرك و موافقة

اذا كانت لا تعلم من الافضل ان توكل امراة ثقة تفاتحها في امرك و تعرض عليها الموضوع و اذا وافقت خذ اهلك
اما اذا لم توافق فلا تبهدل اهلك و انسى الامر