راني وليت.........(صلة الارحام)

مريم الصابرة · 2012-03-22, 13:25

.................................

نجمة ساطعة · 2012-03-22, 13:34

بصراحة حاليا الاقارب عقارب حاشا اللي ما يستاهلوش

~~فقير و باغي نطير~~ · 2012-03-22, 13:35

اهلا باختنا

الحمد لله على سلامتك و نتمنى انك تتحسني في لقرب وقت ياااااااااااااااااااا رب

فتـ حييةـاة · 2012-03-22, 13:41

الحمد لله على السلامة اختي
تخيلي كانت تخدم معايا وحدة مرة وراتلي سلسلة تاع ذهب شابة كي قلتلها شحال شريتيها وخبرتني اتني رخيصة قلتلها راكي شريتيها رخيصة قالتلي شريتها من عند اختي قلتلها اختك علاش باعتها شابة قالتلي راهي حامل وعندها مشكل لازم تتدخل للسبيطار وتدير تحاليل وعملية جراحية وهي ماعندهاش دات تبيعها للصياغ وانا قلت فرصة نشريها
كنت نحتارمها ونبغيها بصح ملي سمعت هذا الكلام منها كرهتها قلت كيفاش استغلت اختها من المفروض الدراهم اللي شرات بيهم السلسلة مانقولوش تعطيهملها ماعليش غير تسلفهملها تنقذ اختها من الموت وجنين اختها كي قلتلها لماما قالتلي انتي علاش كرهتيها ياخي اختها وتدبر راسها قلتلها هاذي اختها وما حنتش عليها ووقفت معاها في وقت الشدة كيفاش تحني عليا انا اللي مانعرفها ماتعرفني

مريم الصابرة · 2012-03-22, 13:55

اقتباس:

المشاركة الأصلية كتبت بواسطة نجمة ساطعة

بصراحة حاليا الاقارب عقارب حاشا اللي ما يستاهلوش

السلام عليكم اختي كيف الحال؟ صح حاشا الي ما يتسهالهاش تستناي منهم حاجة نتاع الشر محال يحبو الخير شكرا

مريم الصابرة · 2012-03-22, 14:01

اقتباس:

المشاركة الأصلية كتبت بواسطة amal2000

الحمد لله على السلامة اختي
تخيلي كانت تخدم معايا وحدة مرة وراتلي سلسلة تاع ذهب شابة كي قلتلها شحال شريتيها وخبرتني اتني رخيصة قلتلها راكي شريتيها رخيصة قالتلي شريتها من عند اختي قلتلها اختك علاش باعتها شابة قالتلي راهي حامل وعندها مشكل لازم تتدخل للسبيطار وتدير تحاليل وعملية جراحية وهي ماعندهاش دات تبيعها للصياغ وانا قلت فرصة نشريها
كنت نحتارمها ونبغيها بصح ملي سمعت هذا الكلام منها كرهتها قلت كيفاش استغلت اختها من المفروض الدراهم اللي شرات بيهم السلسلة مانقولوش تعطيهملها ماعليش غير تسلفهملها تنقذ اختها من الموت وجنين اختها كي قلتلها لماما قالتلي انتي علاش كرهتيها ياخي اختها وتدبر راسها قلتلها هاذي اختها وما حنتش عليها ووقفت معاها في وقت الشدة كيفاش تحني عليا انا اللي مانعرفها ماتعرفني

السلام عليكم اختي شكرا على إتصالك الهاتفي أسعدني كثيرا
شغتي صح هذا صرا معايا انا ماشي أختي مي خويا لما مرضت فالبداية مانت امي ما تعملش وتلزم دواء علبة ب 300 ألف العلبة تشد نهار ونصف يعني لازمني تقريبا كل يوم علبة امي حارت وما عرفتش واش دير كانت عندي سلسلة ذهب كانت كادو نتاع الباكالوريا من امي خويا سمع اني راحا نبيعها على جال مريضة شراها من عندي لمرتو وراهي ديرها كي نشوفها بيها نحب نموت نقولك الصح ماشي حسد لالا بيني وبينها غير الخير لا إحتكاك راهي بعيدة عليا بنت الناس اللوم في خويا ربي يهديهم
الموقف نتاعك هذاك هو ما رحمتش ختها ترحمك إنت
شكرا عزيزتي

رقة الحياة · 2012-03-22, 14:04

اهلا اختي مريلينا يا رب تكوني بصحة و عافية

في الحقيقة صلة الرحم رباط مقدس ما يصحش ننتقدو هذي الصلة مهما كان بيناتنا

اب ام اخ خال عم مهما يدير يبقى قريب و يبقى من دمك و لحمك

و المهم احنا كلنا اخوتك و اخواتك ما تخممي ما تقولي راني وحدي

و ارجوكي ما تعامليش اي واحد له صلة رحم معك بسوء و لا تقطيعها حتى و ان اساؤو لك

=============== نتمنى لك الشفاء العاجل و ترجعي كما سبق

مريم الصابرة · 2012-03-22, 14:04

اقتباس:

المشاركة الأصلية كتبت بواسطة فقير و باغي نطير

اهلا باختنا

الحمد لله على سلامتك و نتمنى انك تتحسني في لقرب وقت ياااااااااااااااااااا رب

السلام عليكم اخي واش راك ربي يخليك والله حتى انا توحشتكم كامل شكرا على وقوفكم معايا
ربي يخليك خويا البارح كنت نحكي أنا وامال 2000 عليك قلتلها فقير وباغي يطير راح يهبل الأعضاء مي ماشاء الله قاطع في رايك تعجبني شخصية هكذا شكرا
والله اليوم مريضة بزاف وتعبانة ما قدرتش نوض من الفراش مي الحمد لله ربي يخليك
اللهم آميييييييييييين شكرا

مريم الصابرة · 2012-03-22, 14:10

اقتباس:

المشاركة الأصلية كتبت بواسطة مجيد حـ

اهلا اختي مريلينا يا رب تكوني بصحة و عافية

في الحقيقة صلة الرحم رباط مقدس ما يصحش ننتقدو هذي الصلة مهما كان بيناتنا

اب ام اخ خال عم مهما يدير يبقى قريب و يبقى من دمك و لحمك

و المهم احنا كلنا اخوتك و اخواتك ما تخممي ما تقولي راني وحدي

و ارجوكي ما تعامليش اي واحد له صلة رحم معك بسوء و لا تقطيعها حتى و ان اساؤو لك

=============== نتمنى لك الشفاء العاجل و ترجعي كما سبق

السلام عليكم خويا مجيد اهلا كسف حالك ربي يخليك والله حتى أنا توحشتكم بزاف
راني الحمد لله تعبانةاليوم ومريضة مي الحمد لله
أنا ما ننتفدهمش فالحقيقة أنا من النوع اللي تاكل على ربي وديما نخلق أعذار للناس نقول الدنيا تلاهي وكل واحد لاهي في همو مي بيني وبين نفسي تغيضني بزاف خاصة لما يكون المرض فالوسط عندي عمي واحد بنتو راهي تقرا فامريكا ووليدو في إسبانيا السيارات بلا حساب يا ترى وين راحي نيبانو دراهم العملية قدام واش عندو والوالد نتاعي زمان هو صرف عليه وقراه جدي قالو ما نقريكش وبابا قالو انا نتكلف حتى وصل لمنصب مهم ربي يهديه
مانعاملهمش بسوء على جال ربي وفلعيد نروح ليهم واليامات لخرين الله غالب أنا مريضة وما نقدرش نمشي
ربي يخليك مجيد خويا اللهم آمين

"زينب" · 2012-03-22, 16:44

السلام عليكم
نتمنى تكوني أحسن الآن و ربي يسر أمورك و تشفاي بإذن الله

نادرا ما أدخل هذا القسم لكن الموضوع عجبني بزاف فالحقيقة الأقارب في غالب الأحيان لا يففون مع ذويهم و يتعذرون بأسباب واهية , لكنهم يظهرون شفقتهم ما دمتي تعانين أما إذا مسكي الخير و كنتي بصحة و عافية و من الله عليكي بالمال هنا ترين الحسد و الغيرة و البعد

نصيحتي ليك مريلينا ثقي في الله وحده وهو من يسخر لكي العباد سواء كانو أقارب أصدقاء أم غرباء

محمد...عبد النور · 2012-03-22, 17:28

السلام عليكم أختي ميري
ربي يحفظك و يخليك و الحمد لله راكي رجعتيلنا و الله خبر جد صار و اقول كل الأعضاء في المنتدى يحبونك و تواصلهم معك و دعاؤهم أكبر دليل على المحبة
و كما يقال رب أخ لم تلده أمك ، قد تجدين الأباعد أحن من الأقارب و كل شخص و حظه في رحمه
ربي يهدينا و يذكرنا و يفتح مسامع قلوبنا
ربي يخليك و يشافيك
ســـــــــــــــــــــــــــــــلام

مريم الصابرة · 2012-03-22, 18:05

اقتباس:

المشاركة الأصلية كتبت بواسطة "زينب"

السلام عليكم
نتمنى تكوني أحسن الآن و ربي يسر أمورك و تشفاي بإذن الله

نادرا ما أدخل هذا القسم لكن الموضوع عجبني بزاف فالحقيقة الأقارب في غالب الأحيان لا يففون مع ذويهم و يتعذرون بأسباب واهية , لكنهم يظهرون شفقتهم ما دمتي تعانين أما إذا مسكي الخير و كنتي بصحة و عافية و من الله عليكي بالمال هنا ترين الحسد و الغيرة و البعد

نصيحتي ليك مريلينا ثقي في الله وحده وهو من يسخر لكي العباد سواء كانو أقارب أصدقاء أم غرباء

السلام عليكم زينب اختي ربي يخليك شكرا على السؤال
أنا الحمد لله داير ثقة في ربي وربي يخليلي يمى وإنتم والحقيقة ام خطيبي رحمه الله ما راهيش مخلية عليا ربي يعطيها حجة إن شاء الله
ربي يخليك على النصيحة العالية وربي دايرة فيه ثقة الحمد لله انا ممكن ما عنديش الصوارد مي عندي إيمان كبير وعندي ماس بزاف راهم يدعولي راني اعنى من الاعنياء شكرا اختي وبارك الله فيك

مريم الصابرة · 2012-03-22, 18:08

اقتباس:

المشاركة الأصلية كتبت بواسطة لذريق

السلام عليكم أختي ميري
ربي يحفظك و يخليك و الحمد لله راكي رجعتيلنا و الله خبر جد صار و اقول كل الأعضاء في المنتدى يحبونك و تواصلهم معك و دعاؤهم أكبر دليل على المحبة
و كما يقال رب أخ لم تلده أمك ، قد تجدين الأباعد أحن من الأقارب و كل شخص و حظه في رحمه
ربي يهدينا و يذكرنا و يفتح مسامع قلوبنا
ربي يخليك و يشافيك
ســـــــــــــــــــــــــــــــلام

السلام عليكم خويا الغالي نقولها لكل اللي يقرا فينا لذريق هو رب اخ لم تلده امي ربي يخليط يا خويا ويفرحك ربي بزوجة صالحة تكون مأصلة كيما إنت لو يعرفو الاعضاء شعال إنت عاقل ومتربي وراجل بمعنى الكلمة يتمناو تكون خوهم
خويا الحند لله لقيت الطاكسيات ههههههه راك فاهم ياخي وليت نحاف المشرف همر هذي المرة يحاوزني من القسم وأنا وعدتو ما نزيدش ندير الشغب هههههههه
ربي يخليك خويا وشكرا شكرا ملايير المرات على كل شي
اميرة ما زال ما جاتش جماعة المشاعبون ناقصة ههههههههه
سلام عليكم

sarl02 · 2012-03-22, 21:07

عودة ميمونة اختي وان شاء الله اتكوني بالف صحة وعافية.

جسور المحبة · 2012-03-22, 21:52

الحمد لله على سلامتك وان شاء الله راكي بخير اختي وربي يكون معاك ويشافيك عاجلا غير اجل