كيف انسى

مشكلتي · 2012-03-20, 21:32

سلام عليكم
مشكلتي هي اكبر مشكلة ممكن تواجه اي واحد فينا
المشكلتي من المفروض تكون حل لاغلب المشكيلات
مشكلتي في كلمة انسايا
لا خانك واحد يقولولك انساي
ولا قاسك واحد يقولولك انساي
ولا ظلمك واحد يقولولك انساي
حابا نعرف كيفاش ننسا

بلال الرومنسي · 2012-03-21, 19:22

فكري بالمستقبل وبأنو القادم سيكون احلى ان شاء الله .............. ستنسين بسهولة ............. وماتخميش في الدنيا وماتخميش في اي شخص ارمي عليك وعيشي حياتك ....... وارمي في الواد ...... يبدو انكِ تتأثيرن بسهولة بالناس

جسر الأمل · 2012-03-21, 19:32

اقتباس:

المشاركة الأصلية كتبت بواسطة بلال الرومنسي

فكري بالمستقبل وبأنو القادم سيكون احلى ان شاء الله .............. ستنسين بسهولة ............. وماتخميش في الدنيا وماتخميش في اي شخص ارمي عليك وعيشي حياتك ....... وارمي في الواد ...... يبدو انكِ تتأثيرن بسهولة بالناس

:1 9: يرحم هداك الفم

اختي النسيان اكبر نعمة من بها الله على الانسان ، صدقيني مع الوقت تنسي

اشغلي نفسك باي هواية ماتخليش الفراغ يجذبك لقاعه، اسمعي تيليشارجي الرقية الشرعية المضادة للاكتئاب والحزن، واقري القران ، وراني متاكدة بلي تنسي، وربي يحبك واه باسكو كاين ناس وصلو للهلاك وانت الحمد لله خرجت على خير بالتوفيق .
أسدل الله عليك ستائر الرحمة والرضوان

اسامة رحمون · 2012-03-21, 19:51

عليك بالقران والدعاء

arbkhay · 2012-03-21, 20:07

اقتباس:

المشاركة الأصلية كتبت بواسطة بلال الرومنسي

فكري بالمستقبل وبأنو القادم سيكون احلى ان شاء الله .............. ستنسين بسهولة ............. وماتخميش في الدنيا وماتخميش في اي شخص ارمي عليك وعيشي حياتك ....... وارمي في الواد ...... يبدو انكِ تتأثيرن بسهولة بالناس

عندك لحق نوافقك لحل

نجمة ساطعة · 2012-03-21, 20:14

انا نقولك كيفاه تنساي ....لازم باش تنسي تعرفي اصل المشكل .... اصل المشكل وين؟؟؟

الموضوع كل في راسي عبارة عن فكرة .... كبرتها كبرتها كبرتها حتى عادت موضوع و خلاص

منيش قادرة نعيش و الحياة بدونه نار و جهنم و مستحيل و مش عارف وشنهي في الاخير تلقايه

فلم هندي ... هذا المشكل كيفاش تنحيه عادي جدا كيما كبرتي كبرتي كبرتي ارجعي صغري

صغري صغري الموضوع في راسك يرجع فكرة طيشيها في مزبلة الذاكرة و خلاص و انتهى

يوم يومين تلقاي روحك تقدري تتنفسي بلا بيه و تقدري تعيشي بلا بيه و تتزوجي شخص اخر

و تنسايه تماما ...

faty203 · 2012-03-21, 20:55

ممكن عن تجربة
حاولي تبتعدي عن كل ما يدكرك بدلك الشئ
فكري في المستبل والاشياء الجميلة
اخرجي تفرهضي
تجنبي الجلوس وحدك
وننصحك بحاجة الى حسيتي روحك بديتي تتفكري جيبي ورقلة وستيلو واكتبي لحوايج المليحة باش ماتبقيش حاسة روحك حزينة اكتبي مثلا كلمة المستقبل - الصدق - الفرح - الضحك - السعادة - الزواج ............. اي حاجة تتبادر الى دهنك وتكون مليحة اكتبيها في ورقلة وفي نفس الوقت ارسمي في مخيلتك الحاجة هديك في المستقبل تتمني تعيشيها والله عن تجربة مريت بفترة مريرة وما ريحت غير بهد الشئ مع الاكثار من الدعاء وتوضاي عند كل صلاة وصلي بخشوع كبييييير رح تحسي براااااحة عمرك ما حسيتي بيها وراح تحبي الحياة ونتمنى ربي يزرع فيك الابتسامة ويبعد عنك كل شر يا رب ويخفف عليك
امين يرب

lilou f lilou a · 2012-03-22, 09:01

عليك بالقران والدعاء

selma29 · 2012-03-22, 17:49

il faut du temps pour oublier , les blessures gurissent mais il reste toujours les cicatrises

khouloud88 · 2012-03-22, 18:25

راني حاسة بك يا
اختي لكن تأكدي بأن الزمن كفيل بأن ينسيك كل شيئ

ashley simpinson · 2012-03-22, 22:36

ســــــــاهلة طـــــــــــــــــــــــــــــــول انســـــــــــــــــــــــــــــــــــــاي

fatah0099 · 2012-03-24, 21:32

سلام...
الكل يقول انسى
لماذا؟؟؟
هل كنت السبب في الم انسان اخر؟؟
هل كانت لدي نوايا سيئة تجاه الاخرين؟؟
اذن لماذا ننسى؟؟
ربما اسامح لكن لا انسى
ربما اترفع لكن لا انسى
قلبي مليئ بالحب وبالغفران
لكن هذا لايعني ان انسى
ربما اتعامل مع الحياة ببساطة
لكني لا انسى

سيدتي

اذا كان قلبك مليئ بالايمان
سيغفر ويسامح
لكن لن ينسى

سلام

gana djamel · 2012-03-24, 22:44

إقرئي كتاب لا تحزن للشيخ عائض القرني ربما يخفف عنك مما أنت فيه لكن أجمل نصيحة لك هي أنساي ههههههههههه

Fatma-48 · 2012-03-25, 10:55

والله عن تجربة كنت كيفك كانت دموعي دابما على خدي نبكي بحر من الدموع على حاجة متستاهلش من بعد بديت نروح للنات نقضي فيها كامل وقتي بصح في مواضيع تخص الدين حتى لقيت وحد الموضوع فيه دايرين "تجربتك مع الاستغفار" تبعتو و الحمد لله نسيت كلشي داومت عليه شهرين شعبان و رمضان والله تقول ما عرفت هداك الانسان كنت منطيقش نعيش لحظة بلاما نخمم فيه و درك الحمد لله

Fatma-48 · 2012-03-25, 10:56

الفراغ و البعد على ربي يديرو الكابة و الحزن