حلويات درتهم اليوم

zamilio · 2014-03-12, 00:50

رانى عييت غدوة انشاء الله انكمل
السلام عليكم
اليوم خدمت حلوة ساهلة 250غ مارغرين انا درت لابال+3صفار بيض+فانى+كاس سكر قلاصى +1/2كاس مايزينة +1خميرة+الفرينة حت تصبح عجينة طرية ملازمش تكون قاسية باه اجيك اهشيش ومتخلطيش فيهابزاف قيس ما تتلم لعجينة ولوكان نعركها بزاف راهى الحلوة تاعى رايحة تتكمش كى اتطيب المهم نحل عجينة تاعى ونطبع بالمول الى يعجبك وبعدها نطيبها ونلصقهم بالمعجون وندرلهم شكولا

وبمغطى قرعة ماء السعيدة اطبعى دوائر من نفس لعجينة وطيبيهم وخليهم بجيه وجبدى مول السليكون ندير حبة شكولةفى كل وردة وندخلو للمكروند وكى تدوب نحركهابالمغرف ونوصل الشكولة الدائبة الى جميع اطراف المول وندخلها الى الثلاجة لمدة 5دقائق
نخرج المول ونحشى الحبات بنسلى كراميل+شوية حلوة الترك +شوية كاوكاو مرحى او حبة لوز او اى مكسرات ونزيد حبة القاطو الصغيرة الى قلتلك خليها بجيه ثم ندوب شكولا فوق النار بشوية حليب ونديرها من الفوق يعنى نغلق كل حبة وهده الصور تفهمكم

انشاء الله تكونو فهمتو راهى حاجة ساهلة وبنينة

manal20 · 2014-03-12, 00:56

الله يبارك يعطيك الصحة

manal20 · 2014-03-12, 00:57

حنونة لوكان تعطيني الوصفة

zamilio · 2014-03-12, 01:01

اقتباس:

المشاركة الأصلية كتبت بواسطة manal20

حنونة لوكان تعطيني الوصفة

غدوة انشاء الله انحط لوصفة ضرك رانى عيانة وراهى الوحدة تع الليل ليلة سعيدة خت منال

manal20 · 2014-03-12, 01:03

مرسي ليك انا كتبتلك برك باش غدوة تعطيني الوصفة ماشي اليوم على بالي عيانة ربي يعاونك تصبحي بخير

zamilio · 2014-03-12, 01:04

شكرا على تفهمك ربى يحفظك

khnafnaf · 2014-03-12, 01:30

mmm ya3tik assa7a, raw3a

أم أحمد عبد الصمد · 2014-03-12, 07:54

ما شاء الله روعة في انتظار الوصفتين ، الله يعطيك الصحة

أم محمد تاج · 2014-03-12, 09:57

الله يبارك يعطييييك الصحة

zamilio · 2014-03-12, 15:15

رانى حطيت الوصفات كما طلبتو منى وشكرا

magni · 2014-03-12, 15:23

مساء الخير
انا ندير هذا الحلوى لكن موش بهاذ الطريقة والمشكل ماتجينيش تلمع واللي عطيتلهم لاروسات تاعي كامل يجيه يلمع غير انا مافهمتش علاه جاوبوني وشكرا