اريد رايكم

مشكلتي · 2012-03-21, 16:50

السلام عليكم ورحمة الله وبركاته
انا فتاة الحمد لله لم اقم باي علاقة في حياتي بفضل ربي واهلي بارك الله لي فيهم
مند عامين تقريبا اتصل بي رقم جديد لم اعرفه رفعت السماعة فكان رجلا بدون تردد اغلقت الهاتف
صدقوني لحد الان لا زال يتصل بي صحيح اني لا اجيب حتى ولم اتكلم معه ولو حرفا الا اني اود معرفة صاحب الرقم لانه ابن مدينتي عرفت هدا من اللهجة اعيدها رفعت السماعة مرة واحدة ولم انطق بحف دكر خلالها اسمي لهدا انا متاكدة انه يعرفني
اود ان اعرف لمادا لا زال يتصل بي لحد اليوم
كيف اعرفه
بارك الله فيكم وسدد خطاكم

biba94 · 2012-03-21, 18:43

والله انا من رأيي أنك تجيبي على الهاتف مي متوليش في حلقة حاولي تعرفي شكون والنوايا تاعو
الا ناويك للخير قولو باب الدار قدامك وانتي أدرى بهذا
والا غير هاكا تعارف وحكايات وممبعد يجيك ماكان لاه هادا هوا وأنتي حرة حبيبتي مادام ملتزمة وعمرك ماعملتي علاقة غير شرعية والحمد الله اعتقد أن هذا يكفيك لاتخاذ القرار الصواب وعدم الوقوع في الخطأ

نجمة ساطعة · 2012-03-21, 18:59

ساهلة ماهلة بلا تكسار الراس هاذ المرّة ردّي بصح مش أنتِ اعط لخوك يرد صدقيني مش راح يزيد يدور بيك

ثانيا هو هذا وش يحوس ...يعرف اسمك معناها يعرفك معناها فضولي يحركني نعرف شكون ووش راه يحوس

انا نقولك اساسا متخسريش روحك معاه ان شاء الله بوتفليقة هذي مش حركة ظريفة اللي دارها علاه رانا

نمثلوا فيلم هندي ؟؟؟؟

بلال الرومنسي · 2012-03-21, 19:15

اووووووووووووووووف مند سنتين ومازلتي تتدكرينه هههههههههههههههههههههههههههههه
وشكون اعطى رقمك ليه ؟؟؟؟ حاصة انو من مدينتك يعني يعرفك ... لا اعتقد انها صدفة اتصل صدفة ووجدكِ
قوليلو من انت ومادا تريد ..........

لكنك كما قلتي لم تقومي بعلاقة من قبل فحداري يتلاعب بعقلك ههههههههههههههههه

السَّحابة البيضاءْ · 2012-03-21, 19:15

يا اختي هذا السيد فارغ شغل وحاب يجرب ويفوت الوقت برك ماطلعيها ماتهبطيها بدلي الشريحة وخلاص (( الا قلقك ))

على حساب حديثك راه يعرف اسمك لو كانت نية الحلال موجودة واحد بالمائة لو كان جاك للدار راه في ضرب عامين وهو يتصل (( على مافهمت من كلامك))

رزان. · 2012-03-21, 19:18

يا أختي خلاص راهي باينة هذا الشخص راه يعرفك و قلت اتصل منذ حوالي عامين ؟؟؟؟؟؟؟ في رأيك إن كان ناوي الحلال ماذا ينتظر ؟؟؟؟؟؟

عامين مازال يجرب ؟؟؟؟؟

خليها على ربي و لا تحاولي الإتصال به أو الرد ، بما أنه عـــــرف رقمك أكيد راه يعـــرف البــــــــــــــــــــــــاب

أتمنى لك التوفيق و تأكدي أن الزواج مكتوب

نورالهدى** · 2012-03-21, 19:21

روح لمركز نتاع لبيس نتاعك كيما جيزي مثلا وقولولهم حبيت نعرف لمعلومات نتاع نيميرو ديرونجاني يمدوهولك

جسر الأمل · 2012-03-21, 19:25

اقتباس:

المشاركة الأصلية كتبت بواسطة نجمة ساطعة

ساهلة ماهلة بلا تكسار الراس هاذ المرّة ردّي بصح مش أنتِ اعط لخوك يرد صدقيني مش راح يزيد يدور بيك

ثانيا هو هذا وش يحوس ...يعرف اسمك معناها يعرفك معناها فضولي يحركني نعرف شكون ووش راه يحوس

انا نقولك اساسا متخسريش روحك معاه ان شاء الله بوتفليقة هذي مش حركة ظريفة اللي دارها علاه رانا

نمثلوا فيلم هندي ؟؟؟؟

سبحان الله علاه ديما تقولي الكلام اللي نبغي نقوله امممممممممممممممم

:ro lleyes:
وانا لو كان جيت كيفك يامولات الموضوع نطبق كلام الاخت نجمة

ونوصلو الكذاب لباب الدار

، ياما دارولهم هدو العفايس

وشفنا النهاية الكارثية.
بالتوفيق حبيبة

بلال الرومنسي · 2012-03-21, 19:27

اقتباس:

المشاركة الأصلية كتبت بواسطة نورالهدى**

روح لمركز نتاع لبيس نتاعك كيما جيزي مثلا وقولولهم حبيت نعرف لمعلومات نتاع نيميرو ديرونجاني يمدوهولك

لالا لا يعطونك معلومات الشخص ممنوع .....

نورالهدى** · 2012-03-21, 19:51

اقتباس:

المشاركة الأصلية كتبت بواسطة بلال الرومنسي

لالا لا يعطونك معلومات الشخص ممنوع .....

سي كي يشوفو بللي عندو مدة وهو يديرونجي فيها يمدولها من حقها

faty203 · 2012-03-21, 21:00

اساسا اختي هوما اصلا يديرو بلعاني سيرتو كي تولي طفلة خاطيها العفايس هادو يولو حبين يطيحوها في الشبكة باسكو ما يعجبهمش الحال زعمة طفلة وفي وقت كيما وقتنا وماتهدرش مع الرجال
انا عندي تجاهليه من اساسو وما تهتميش
الى عندو صلاح بيك رح يقولك ديركت واش بيه وواش يحوس
والى باغيك تولي ليه ربي دار لكل بيت باب الحمد لله

~~ أغيلاس ~~ · 2012-03-21, 22:37

و عليكم السلام و رحمة الله و بركاته .

ابن مدينتك و يعرف اسمك، لو كان يبغي الخير لطرق باب المنزل .

كما ذكرت الأخت نجمة ساطعة، إن كلمك مرة أخرى فاطلبي من أخيك أن يرد .

و إن كان يريدك زوجة حقا فكوني على ثقة أنه سيطرق باب المنزل دون أن تغضبي الله بوقوعك في الحرام، و ستكبرين في ناظريه ( في عينيه ) .

الجواهر · 2012-03-21, 22:44

لا افهم لم تهتمين به ؟؟؟ لو كنت مكانك اغلق الهاتف في وجهه حتى بمل و ينسحب
لا احتمل الشاب الذي يتلاعب بالهاتف

أبوطه الجزائري · 2012-03-21, 23:12

يا هاتكا حرم الرجال وقاطعا ... سبل المودة عشت غير مكرم

لو كنت حرا من سلالة ماجد ... ما كنت هتاكا لحرمة مسلم

هذا المتصل قليل الدين و المروءة ... سلوك صبياني عبثي سفيه

الواجب ان كان هناك اتصال .. يكون الرد بأدب و حزم .. بالمختصر المفيد

فإن ظهر أن هذا الشخص يريد اضاعة الوقت بكلام فارغ ...

فلا تواصلي معه الحديث .. فإن اعاد الاتصال .. و تكرر منه ذلك ...

فأعلمي الاب أو الاخ بطبيعة المشكل .. ثم اتصلوا بمصلحةالهواتف لتحديد

رقمه ان أمكن .. أو قومي بتغيير رقم هاتفك ....

و للأسف أن بعض الناس عندهم وقت اضافي للازعاج و اللعب

و من عبث ببنات الناس عُبث بأهله و لو بعد حين .....

... كَمَا تَدِينُ تُدَانُ وَ كَمَا تَزرَعُ تَحصُدُ ...

حفظكم الله تعالى و رعاكم

ناشدة السؤدد · 2012-03-22, 00:35

لا تفتحي عليك بابا يصعب سده

كان من كان ما الفائدة في المعرفة؟