|
|
|
|||||||
| قسم الأطباق الرئيسية الأطباق الرئيسية حصرية لأعضاء المنتدى |
في حال وجود أي مواضيع أو ردود
مُخالفة من قبل الأعضاء، يُرجى الإبلاغ عنها فورًا باستخدام أيقونة
( تقرير عن مشاركة سيئة )، و الموجودة أسفل كل مشاركة .
| آخر المواضيع |
|
 |
|
|
أدوات الموضوع | انواع عرض الموضوع |
2012-06-03, 16:15
|
رقم المشاركة : 1 | ||||
|
خبز الموسكوتشو روعة
السلام عليكم أخواتي هذه الوصفة نتاع وحد الأخت جزاها الله خيرا انا شخصيا جربتو قبل ما نحطو جاني روعة وراني كل يوم نديرو نتمنى تجربوه هذا خبز الموسكوتشو خبز خفيف و لذيذ وتحضيرو سريع وحتى طيابو سريع وما يكلفش يؤكل مع الشربة والمراقي ومع القهوة وشكلو مثير للشهية  وهذي صورتو  امّا الوصفة 2حبات بيض + مغرف ونص صغيرة ملح + 1مغرف كبيرة سكر + كاس ماء دافي + كاس ونص حليب دافي + نص كاس زيت + 2مغارف كبيرة خميرة الخبز + 2ساشيات خميرة الحلوى حطي المقادير الواحد تلو الآخر في صحن الخلط فرغي بيد وباليد الأخرى ضربي بالخلاط في نفس الوقت حتى يتخلطو مليح مع بعض ابداي تزيدي في الفرينة ملاحظة: الخميرة تاع الحلوى حطيها مع الفرينة زيدي الفرينة المغربلة بالشوية وفي نفس اللوقت خلطي بالخلاط حتى تصبح العجينة شوية ثقيلة على عجينة الموسكوتشو امسحي صينية الفرن الكبيرة بالزيت وذري عليها الفرينة وفرغي عجينتك كاملة وشمخي يدك بالزيت وساويها جيدا خليها تخمر لمدة 10 دقائق فقط وسخني الكوشة في هذه الأثناء كي تجوز الـ10 دقائق خذي صفار حبة بيض + شوية قهوة + شوية حليب خلطيهم مليح وادهني بيهم الخبز تاعك باستعمال البانسو وحطيها في الفرن على نار هادئة كي تطيب من الأسفل اشعليلها ملفوق وكي تحمار نحيها  وخذي سكين الخبز وقطعيها مربعات ولا الشكل لي تحبيه رايحة تلقايها هشيشة بزاف وخفيفة   
|
||||
|
|
2012-06-03, 19:06
|
رقم المشاركة : 5 | |||
|
يعطيك الصحة راهو يبان خفيف بزاف |
|||
|
|
|
| الكلمات الدلالية (Tags) |
| الموسكوتشو, روعة |
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc
العرض العادي
