طلب خاص للأخت yarasmin .26

liliane24 · 2012-03-23, 13:54

أختي ياراسمين 26 أولا وقبل كل شيء نشكرك على كل اللي قدمتيه راكي أفدتينا بزاف، بارك الله فيك.

أختي من فضلك إذا ما كانش إزعاج، راني حابة تعطينا وصفة قلب اللوز الخاصة بك، فقد جربت العديد من الوصفات و لكن و إلى الآن مازلت ماتحصلتش على ذوق كيما أنتاع المحلات.
نتمنى تفيديني أختي ، و جزاك الله خيرا، و خير جزاء، جزاء الله.

yarasmin.26 · 2012-03-23, 15:06

نقدر نمدلك المقادير+ طريقة ولكن مكانش كيما تشوفيه احسن نحاول نعطيك وصفة مقادير انتواعها صغار عبري بكاس تاع القازوز واذا مانجحلكش نعطيك الوصفة الحقيقية بشرح الممل 1 كغ سميد تاع قلب اللوز+500 غ سكر + فنجان شاي زيت او سمن حكيه مليح بيديك خليه ايبات بعد ذلك افتليه بكأس ماء الزهر غير بشوية خذي سنوى ادهنيها بالزبدة وفرغي الخليط مشمخ مشي معجن وستفيه بالكراطة او اقسمي غلاف اي علبة بلاستيك على2 ومسحي فقط ضعي خطوط بظهر السكين غير من فوق ثم فوتي الزبدة اعليه ب الريشة في الفرن ايطيب عادي حتى يصبح ذهبي اما الشاربات هي السر انتاعو لازم تكون واجدة ليلة من قبل وتكون باردة:1 لتر ماء زيدي شوي+رطل سكر +كأس ماء الزهر+عطر لفاني فوق النار حتى يبدا يغلي احسبي 20 د طفي اعليه اما القلب اللوز كي يحمار طفي النار وزيدي ادهنيه بالزبدة وخليه 5 د في الفرن على نار طافية منبعد سقيه بالشاربات باردة وبايتة ليلة من قبل ويترك 24 سا ثم يقدم اذاكانت عندك اي مشكلة انا في الخدمة ولكن حاولي تنجحي فيه باه نعطيك الوصفة الحقيقة وتبداي تبيعي تحياتي

chaima02130 · 2012-03-23, 15:20

يعطك الصحة،الللللللللللللللللللللللللف شكر.

liliane24 · 2012-03-23, 16:21

اقتباس:

المشاركة الأصلية كتبت بواسطة yarasmin.26

نقدر نمدلك المقادير+ طريقة ولكن مكانش كيما تشوفيه احسن نحاول نعطيك وصفة مقادير انتواعها صغار عبري بكاس تاع القازوز واذا مانجحلكش نعطيك الوصفة الحقيقية بشرح الممل 1 كغ سميد تاع قلب اللوز+500 غ سكر + فنجان شاي زيت او سمن حكيه مليح بيديك خليه ايبات بعد ذلك افتليه بكأس ماء الزهر غير بشوية خذي سنوى ادهنيها بالزبدة وفرغي الخليط مشمخ مشي معجن وستفيه بالكراطة او اقسمي غلاف اي علبة بلاستيك على2 ومسحي فقط ضعي خطوط بظهر السكين غير من فوق ثم فوتي الزبدة اعليه ب الريشة في الفرن ايطيب عادي حتى يصبح ذهبي اما الشاربات هي السر انتاعو لازم تكون واجدة ليلة من قبل وتكون باردة:1 لتر ماء زيدي شوي+رطل سكر +كأس ماء الزهر+عطر لفاني فوق النار حتى يبدا يغلي احسبي 20 د طفي اعليه اما القلب اللوز كي يحمار طفي النار وزيدي ادهنيه بالزبدة وخليه 5 د في الفرن على نار طافية منبعد سقيه بالشاربات باردة وبايتة ليلة من قبل ويترك 24 سا ثم يقدم اذاكانت عندك اي مشكلة انا في الخدمة ولكن حاولي تنجحي فيه باه نعطيك الوصفة الحقيقة وتبداي تبيعي تحياتي

شكرا جزيلا لك أختي، بارك الله فيك أختي ، رايحة نجربها أكيد.
.هههههههههههههههه أختي يشرفني أنه يصلحلي لدرجة أنه ينباع، والله غير يعجب أفراد عايلتي و يفرحهم هذا تكفيني.
أختي اسمحيلي نسقسيك، أختي أنا دائما يجيني يابس من فوق، وإذا غمرته بالشاربات باه مايجيش يابس، يبقى نصفها في أسفل السنيوة.
أما عن السميد تاع قلب اللوز يخي الدشيشة الخشينة.
شكرااااااااااااااا لك أختي رايحة نتعببك معايا.

yarasmin.26 · 2012-03-23, 16:34

مشي التشيشة الكبيرة الي تحتها شوية جربي هذه كي تتمكن يدك مليح وتعرفي الاخطاء ويبدا ينجحلك نعطيك الوصفة الحقيقية حبيبتي

liliane24 · 2012-03-23, 16:45

اقتباس:

المشاركة الأصلية كتبت بواسطة yarasmin.26

مشي التشيشة الكبيرة الي تحتها شوية جربي هذه كي تتمكن يدك مليح وتعرفي الاخطاء ويبدا ينجحلك نعطيك الوصفة الحقيقية حبيبتي

شكرا جزيلا أختي على الرد رانا تعبناك معانا.
أختي قصدل التشيشة أنتاع المقروط؟؟؟؟؟؟؟؟؟؟؟؟؟؟؟

ريان بلسم الجروح · 2012-03-25, 11:33

وااااااااااااااااااااااااااااااااااااااو