القرار رقم 1 قررت الانتحار

wafa nadjah · 2011-05-25, 00:07

مساء الخير
اذا شاءت الاقدار ولم انجح في شهادة الباكالوريا سوف انتحر وهذا امر مفروغ منه
وشكرا

هديةالرحمان · 2011-05-25, 00:30

اديني معاك ههههههههه بصح مانطولوش بزاف
وعلاه هاد الافكار السوداء ياختي ماشي هكدا
الباك ماشي كلش نورمال الي ماجبتيهش تعاوديه وتجيبيه ان شاء الله كاين عادوه 7 مرات وجابوه وغير العافية
<وعسى ان تكرهوا شيئا وهو خير لكم > ياختي ديري يلي عليك ماتقوليش راح الحال ممكن يلي تقرايها في هاد الايامات تجيك في الباك وتجيبيه
راكي تروحي للجامعة وتندمي علي النهار يلي جبتي فيه الباك تفكري كلامي مليـــــــــــــــــــــــــــــــــــــــــــــــ ــــــــــــح
ربي يوفقك
و الله يخليك نحي هاد الافكار وقوي ايمانك بالله

kamikaz-dz · 2011-05-25, 06:08

هههه
مازالت البركة

SOUMA 04 · 2011-05-25, 09:28

هههههههههههه كي عاد الباك هكدا بطلت منروحش نقابل خلاااص

زكريا عبد المجيب · 2011-05-25, 10:03

وفكرتي كي تنتحري وين تروحي
راكي ضامنة تدخلي الجنة كي تنتحري
تفكرو غير للدنيا وتنساو الاخرة
الله يهديك

يارب رحمتك · 2011-05-25, 12:15

نصيحة اختي استغفري ربك من هذا الكلام ولو كان مزاحا...وتخافي ربي يعاقبك بيه وماجيبيهش تاع الصح

استغفري ...واستغفري....كامل رانا حابين الباك ومرات نقول نهبل لوكان مانجيبوش......وشوفي حالتي إن كنت مازلك في الثانوية انا جاوزت الثلاثين وراني نحاول ومزوجة وووو....

كريمه89 · 2011-05-25, 12:42

اقتباس:

المشاركة الأصلية كتبت بواسطة wafa nadjah

مساء الخير
اذا شاءت الاقدار ولم انجح في شهادة الباكالوريا سوف انتحر وهذا امر مفروغ منه
وشكرا

يا أختي أستغفري ربي و توكلي عليه في كل شيئ أني أنا عودت وهدي الخطرة 3 بصح مازلت عندي الارادة فيه مع أنو عمري 21 بصح معليهش ماكتبليش ربي النجاح

yondaim · 2011-05-25, 12:45

طولتي ياسر

سنة4 · 2011-05-25, 14:59

استغفري ربك ونحي هاد الافكار من راسك بويسك راكي تندمي والله
نورمال توكلي على ربي وعلى روحك وتقدري تقراي هاد ليمات الي بقو ونضمنلك تدي الباك والله
وربي ينجحنا كامل ان شاء االله

كريمه89 · 2011-05-25, 21:59

اقتباس:

المشاركة الأصلية كتبت بواسطة yondaim

طولتي ياسر

لعقوبة ليك حنونتي باي

rabab.show · 2011-05-26, 11:44

انشالله تجيبيه و استغفري ربك و ربي يهدينا و ينجحنا كامل ربي معاك واذا نجحتي مبروك عليك واذا لا ديري في بالك شاف ربي قيها الخير و الله اعلم.

toulay · 2011-05-26, 13:37

يا لطيف يا لطيف حابة تنتحري استغفر الله ياربي
استغفري مولاك صح هي صعيبة لما متديش الباك من الخطرة الاولى بصح الله غالب هاذي هي سنة الحياة مرة نجاح ومرة فشل ولازم الانسان تكون عندو قناعة ويرضى بالقضاء والقدر تاعو واي شيء يجي من عند رب العالمين مرحبا بيه
وربي يجيب الخير ان شاء الله وباذنه تعالى تكون نتيجة مليحة وننجحو كامل

planet07 · 2011-05-26, 21:00

أستغفري ربك
روح صلي و ادعي الى ربي
و ديري بالاسباب
حتى وقدر ربي هدا العام
ان شاء الله العام القادم
انا عمري 33 سنة وعندي 15 سنة من خرجت من الثانوية
وسجلت هدا العام وان شاء الله الواحد ينجح
ديما كاين الامل
لان ربي هو الامل الدائم الواحد

achily09 · 2011-05-26, 21:13

تنتحري على جال الباكـــ يا ستااااااااااار

وعلاه هاذا ؟ الباك ماراهش كلش انا نعرف واحد 07 سنين وهي تعاود فيه وفي الأخير جابتو وبمعدل هاايل راه تقرا في الجي وذا العات تتخرج

وانت على جال عااام رايحة تنتحري

توضاي وصلي ركعتين واستغفري ربي على الهدرة لي قلتيها .... ممكن ربي على جال ذي الهدرة مايفتحش عليكــ

والله ربي يهديكـــ

وان شاء الله نربحو كاااامل بدون استثنااااااااااء هذا العام ان شاء الله

فيفي ماستر · 2011-05-27, 09:40

مازال عندك شوي وقت راجع و لي فيها الخير ربي يجيبها.Pas la fin du monde. ياربي ينجحنا كامل.انا ذقت مرارة الخسارة مارانيش باغيتها تتعاود.ok