حائرة

مشكلتي · 2012-03-17, 16:50

السلام عليكم ارجو افادتي لو سمحتم انا فتاة احببت شخص حتي النخاع وهدا ما كان يبدو لي رغم محاولات الكتير اغراءي بالزواج لكن ضللت متمسكة به لاني كنت اراه الرجل الوحيد في الدنيا وعمري ما صادقت الرجال هو الاول المهم تقدم لخطبتي قوبل بالرفض لكونه ليس من مدينتي تمسكنا ببعض وقلنا نحاول حتي يوافق ابي لكن هيهات فوالدي مصر علي كلامو المهم انا تعبت واستخرت ربي فضهر شخص اخر ينتضر مني فقط كلمة موافقة ليتقدم الي المنزل صراحة ارتحت له والان انا حاءرة مادا افعل فالاول سوف يجن لو تركته حتي لو ابي لم يوافق واحيانا تسول لي نفسي بالهري معه ومن جهة التاني يقول ل جارتي لاني لا اتحدت معه انه ينتظر اشارة مني فقط لترسيم العلاقة والله انا حايرة حب الاول بدا يبرد من قلبي بعدما استخرت الله والمشكل اين انا ابي لن يوافق علي التاني لانه ليس بابني مدينتي والله معدبة دبرو عليا واش ندير

نورسين.داية · 2012-03-17, 18:31

عليكي بالدعاء و لي فيه الخير ربي جيبو

اما مسألة الهرب (سمحيلي هذا ليس تصرف بنت متربية )هذاك لي هربتي معاه هو نفسو موش راح يحترمك صدقيني مجرد نصيحة

جسر الأمل · 2012-03-17, 19:24

شوفي اختي اولا باباك ماوافقش يعني راه رافضه رفض نهائي ، وانت لازم طيعي باباك بغيتي ولا كرهتي، وزيدي انت صليتي الاستخارة وارتحت لجاركم، امالا قولي للأول بلي بابا مابغاش وراه رااااااااااافضك وقال غير انت اللي مانقبلكش عريس لبنتي وقوليله كل شيء بالمكتوب، الله غالب لازم نرضوا الوالدين بغينا ولا كرهنا، واذا ارتحت فريمو لجاركم قوليله يتقدم وربي يفرحك ويهنيك، ويرحم والديك اخطينا من عقلية الهربة باسكو جارتنا دارتها من بعد راجلها دار عليها وقاسها وسمح فيها نورمال.......... افريها اليوم اختي صحا وطمنينا عليك. والله اللي تعارض والديها ماراها رابحتها في الاخير كل واحد يدي مكتوبه بالتوفيق حبيبة

رزان. · 2012-03-17, 19:42

و هل سيفيدك الهرب ؟؟؟ راح يحتقرك بعد ذلك و ربما يسمح فيك راكي تفكري بقلبك فقط أين عقلك ؟؟؟؟ و كيف سيكون موقف أهلك ؟ هل هذا هو الجزاء ؟؟؟

استخرت الله ممكن تعاودي الإستخارة حتى ترتاحين أكثر و مادام والديك مش راضيين لازم تساعفيهم ، الشاب بارك الله فيه كان عند وعده و تقدم

و هذا ما يسمى بالمكتوب و لحد الآن لا نعرف ما ذا سيحدث ؟؟؟ وكلي أمرك لله و تأكدي أنه سييسر لك ذلك أتمنى لك و له التوفيق إن شاء الله

جسور المحبة · 2012-03-17, 19:43

يا ختي حتى انا راني مع حكاية البراني عالقة
ربي يهدينا

sarona.girl · 2012-03-17, 20:17

صلس صلاة الاستخارة ونصيحة مني ديري على كلام والديك هما الجنة

نجمة ساطعة · 2012-03-17, 20:19

شوفي أختي مش دائما نتحصلوا على الشيء اللي نحبوه ... و الحياة فرص
و مدام الأمر فيه والدك ...يعني لحكاية مطولة و لازمها جهاد تكلمي مع اللي تحبيه
و فهميه و زيد استخيري و توكلي على ربي اذا كان فيه الخير ما تخافيش المرأة
تنسى عند أول مولود

mba · 2012-03-17, 20:23

راكي قلتيها بعظمة لسانك قلبك برد من الأول لما إستخرتي وباباك ماشي قابلو

واش تحبي اكثر من هاك؟

الحكاية حااااااااالة عينيها أنتي مش حابة تشوفيها
ربي يسهلك

rabah23963 · 2012-03-17, 22:41

بعم يجبا احترام الوالدين ولكن ليس الى حد تهديم حياتكي من اجل ارضائهم ,*نعم انا حاولت ارضاء امي رحمها الله لكن بعد سنين هي توفت وانا طلقت اذا حاولي اقناع ولدك , استعيني بمن يحترمهم من العائلة لان هذا مستقبلك وحياتك

وليد2014 · 2012-03-18, 13:12

أنظري إلى الموضوع بالعقل لا بالعاطفة لأنه مصيرك وربما نظرة أبيك صحيحة

وليد2014 · 2012-03-18, 13:22

ياأختي فكري في الموضوع بعمق لا بالعاطفة واعلمي أن الحب الحقيقي بعد الزواج وبعد الوقوع في مشاكل جمة في حياتك الزو جية
تتفنني أنت وزوجك في حل المشاكل عند ذلك يتبين لك الحب الحقيقي

الحنون الجزائري · 2012-03-18, 14:24

حبي الاول بدا يبرد من قلبي بعدما استخرت الله

يخي مساكن يخي متعرفوش حتى احكام صلاة الاستخارة بدون تعليق

أكوام الورد · 2012-03-18, 15:36

والديك مايحبولك غير الخير هادي عمرك ماتنسايها و الحاجة اللي كاتبة تلحق غي ماتخافيش ختي . صلي صلاة الإستخارة و ستناي الإجابة من رب العالمين

أوجاع باردة · 2012-03-18, 15:45

السلام عليكـــــــــــــــــــم
أولا تحياتي اختي الكريمة و اسال الله جل في علاه ان يرزقك ما تقر به عينك سواء الاول ام الثاني .
في رايي ان الوالد ربما يرى اشياء لا ترينها انت فهو اعلم بمصلحتك و ادرك جيدا ما تشعرين به لكن احيانا يفرض علينا أشياء نقبلها رغم انوفنا
اصدقك قولا اني اتمنى لك السعادة كما تريدنها و ان يفرج الله همك ســــــــــــــــــــــــــــــــــــــــلام .