طرائف عيد الأضحى

z.abdo · 2012-10-26, 16:28

السلام عليكم ورحمة الله .......................وعيدكم مبارك جميعا

أكيد كل عيد تكون معنوانتنا مرتفعة جدا أحينا نتصرف تصرفات التي تكون نتائجها طريفة ةهذا يحدث كل عام

فاليوم بعد ذبح الأضحية وعلقنها كي ننزع الجلد عن الكبش كنت أنا واخي نسينا أن يمسك أحدنا

جسم الأضحية والآخر يسمك جلد ونتزعه بقوة وبدل هذا أمسكنا الإثنان بالجلد وسحبنا الجلد بقوة

حتى سقطت الذبيحة من المكان التي كانت معلقة منه على الأرض

وكان الموقف مضحك جدا ...والاكثر من ذالك أن كل هذا مسجل على شريط فيديو

ومــــا تقولوليش ابعثنا الفيديو هههههه لأن الآن دوركم مـــــا هو الموقف الطريف الذي حدث لكم

في هذا العيد ؟؟؟؟؟

SOUSOU. DZ · 2012-10-26, 16:43

السلام عليكم ورحمة الله

عيدكم مبارك كل عام وانت بالف خير

ههههههههههههههه المهم اضحية راهي بخير
يسعدني ان اكون اول من ترد على الموضوع

ايا انا دوكا نحكيلك على واش صرا ليوم ممكن حاجة عادي مي نحكيها وخلاص

حنا يدبحلنا وليد خالتي مزال صغير مي ماشاء الله يدير كلشي المهم على بالو انا اي حاجة نتقلق ونتعيف منها وهو كمل سليخ و و ووبدا يجبد في احشاء الكبش ومبعد بدا ينحي في مسران وقالي احكمي هدا والله تحكمي رحت وخليتو قالي دير هكدا راه نحا طرف شحم ورماه في شعري وقاعدين يضحكو عليا وهو كوميك زاد وكيما قلت الكلشي مسجل في كاميرا ههههه ............. وتاني هادي بابا قالي اسماء سيقي لهنا باش يعلقو لكبش وكان ارض موسخة بزاف بدم و و وقالي امسحيها قتلو لالا موسخة بزاف زعما جاء بزعاف يخدمها هو وقريب يطيح انا كنت نستنى ندي تبهديلة منو قدام وليد خاتلي وليد عمتي ايا لحمد الله قعد يضحك وشد في الحيط وماديتش تبهديلة ولي يقلني اختي كلشي نوغمال تخدم عادي واحد مايقلها ديري ولا وانا لي ديما نتعيف من صوالح يجو ليا غير انا والله مانعرف اسكو شحان وعناد ولا من عند ربي في فمهم غير اسماء ههههه

شكرا على الموضوع جزاك الله كل خير وان شاء الله ردي يعجبك سلام

ويناروز · 2012-10-26, 16:43

عيدكم مبارك

الحمد الله خرجت سلامات .ههههههههه

الطرفة عندنا ان اخوتي لا يعرفون السلخ ...بمعنى كل عام يتعلمو في الخروف

ودائا الجلد لاصق في اللحم وامي تعاني

وبعد اخراج الاحشاء.........ونضفنا كل شيء بدأنا نبحث عن الكلية

فلم نجد لها اثر .......من الفهامة بزاف الكلية خرجوها مع القمامة ههههههه

mohamed160 · 2012-10-26, 16:46

اقتباس:

المشاركة الأصلية كتبت بواسطة SOUSOU. DZ

السلام عليكم ورحمة الله

عيدكم مبارك كل عام وانت بالف خير

ههههههههههههههه المهم اضحية راهي بخير
يسعدني ان اكون اول من ترد على الموضوع

ايا انا دوكا نحكيلك على واش صرا ليوم ممكن حاجة عادي مي نحكيها وخلاص

حنا يدبحلنا وليد خالتي مزال صغير مي ماشاء الله يدير كلشي المهم على بالو انا اي حاجة نتقلق ونتعيف منها وهو كمل سليخ و و ووبدا يجبد في احشاء الكبش ومبعد بدا ينحي في مسران وقالي احكمي هدا والله تحكمي رحت وخليتو قالي دير هكدا راه نحا طرف شحم ورماه في شعري وقاعدين يضحكو عليا وهو كوميك زاد وكيما قلت الكلشي مسجل في كاميرا ههههه ............. وتاني هادي بابا قالي اسماء سيقي لهنا باش يعلقو لكبش وكان ارض موسخة بزاف بدم و و وقالي امسحيها قتلو لالا موسخة بزاف زعما جاء بزعاف يخدمها هو وقريب يطيح انا كنت نستنى ندي تبهديلة منو قدام وليد خاتلي وليد عمتي ايا لحمد الله قعد يضحك وشد في الحيط وماديتش تبهديلة ولي يقلني اختي كلشي نوغمال تخدم عادي واحد مايقلها ديري ولا وانا لي ديما نتعيف من صوالح يجو ليا غير انا والله مانعرف اسكو شحان وعناد ولا من عند ربي في فمهم غير اسماء ههههه

شكرا على الموضوع جزاك الله كل خير وان شاء الله ردي يعجبك سلام

هههههههههههههههههههههههههههههههههههههههههههههههههه هههههههه

مريم الصابرة · 2012-10-26, 16:52

السلام عليكم اخي عبدو انا اليوم جا جارنا مع وليدو يذبحنا الكبش ماكانش اللي يعاونهم دارو فينا مزةا ايا وجدنالهم كل شي وهو كان استاذي فلمتوسطة ونسالو ضربة مي كي جا قلت اليوم سور راجا تصرالو حاجة عندنا ايا ذبحو و علقو وسلخوه وحطونا الدوارة وجدونا كل شي ايا قالك جارنا باه يغسل يديه واعطيناهم القهوة والقاطو جا يستقهوى تخيلو منين يجي ياكل القاطو يطيح فالارض مسخة معمرة بالدم وانا نظل خلف الابواب وميتة من الضحك يزيد يجي ياكل القاطو يطيح هههههههههههه ضحك وقال لوليدو اواه اليوم القاطو ما راهش مكتبنا سور حرشوه كان عليا اكيد هههههههههههه ايا التالية زلق وطاح استاذي الرائع فالأرض و انا ضحكت حتى سمعني ههههههههه لكن يعرفني ويعرف طبايعي وضحك وقالي ليا مباشرة بلقبي راكي تساليهالي ههههههههههه وخرجو من الصباح نتفكر فيها ونضحك لقطة راحتلي ما صورتهاش

الجليس الصلح · 2012-10-26, 17:05

شكرا أخي على الموضوع

منهاج · 2012-10-26, 18:13

السلام عليكم

صحا عيدك وكل عام ونت بخير طبعا لا يخلو العيد من الطرائف ، انا نحكيلك حاجة قبل ما ندبحو الكبش دايما في

الدار الكبش في الليل وفي النهار ندبحوه حطيناه في الدخلة تاع الباب ورقدنا بعد ساعة سمعنا الشتا والرعد

والحالة مقلوبة خرجنا نجرو حولناه دخلناه حتى الجوارين حسبو خاين راه عندنا في الدار هولنا الكارطي كامل

على جال تحوال الكبش

اريج16 · 2012-10-26, 18:28

عيدكم مبارك كل عام وانتم بالف خير
هههههههه كل قصصكم ضحكتني
انا قصتي انو اليوم كي الفحلة نضت نغسل في الاحشاء ايا خويا واش دار حكم جاب تيو تاع الماء ودرو في المصران ويتفلق هذاك المصران كلو فوق راصي يعني ديت حمام خاص بامعاء الخروف

roufaida19 · 2012-10-26, 19:52

مرحـــبا

و الله غير ضحكتوووووني ههههههههههههههه

دوكا نحكيلكم واش صرا معايا مي ما تضحكش

كيما جا بابا يذبح الكبش هو و خويا ما قدرولوش جيت انا واختي حكمنالو رجليه

و من بعد كي ذبحو قعدت شادة في رجليه و بدا يتخبط و قاسني ل يدي بالحافر تاع رجلو

ههههه وضرك يدي راهي تحححححرق و توووجع ههههه

--------------------------

عجبوني واش صرا معاكم اليوم ههههههههه خاااصة -مريم الصابرة - هههههههههههههه

مريم الصابرة · 2012-10-26, 19:55

اقتباس:

المشاركة الأصلية كتبت بواسطة roufaida19

مرحـــبا

و الله غير ضحكتوووووني ههههههههههههههه

دوكا نحكيلكم واش صرا معايا مي ما تضحكش

كيما جا بابا يذبح الكبش هو و خويا ما قدرولوش جيت انا واختي حكمنالو رجليه

و من بعد كي ذبحو قعدت شادة في رجليه و بدا يتخبط و قاسني ل يدي بالحافر تاع رجلو

ههههه وضرك يدي راهي تحححححرق و توووجع ههههه

--------------------------

عجبوني واش صرا معاكم اليوم ههههههههه خاااصة -مريم الصابرة - هههههههههههههه

السلام عليكم اختي صحا عيدك
ههههههههههههه خلالك سوفونير ضربك مسكين ههههههههههه انا استاذي جا مربع فلاكور وختك ضحكت حتى سمعني واقاطو تقولي حرشتو منين يجي ياكل طحلو فالارض ههههههههههه والتالية زلق هو ورح حوايجو كامل مسخين ههههههه ياخا انا مت من الضحك وهو يسمع الله غالب ضحكتني اللقطة شكرا

ابراهيم سوفي · 2012-10-26, 20:12

عيدكم مبارك وكل عام وانتم بخير

aihemsara · 2012-10-26, 20:37

تتعرفو الحكاية هاديك تاع الطفلة كي تكون مدللة بزاف يقولو "فلانة عند والديها زي الكلوة في الشحمة"
هههههههههه حنا هادي هيا حكايتنا في كل عيد,,, من نار خلقت لليوم كل عيد تعاودلنا ماما هاديك الحكاية
غير اليوم فاقتلنا هههههههه قاتلي غير المرة هادي لي ماتهفينيش اني قلتها في قلبي هههههه

السي محمد · 2012-10-26, 20:53

ههههه حنا هاذي هي طرفة العيد

الكبش هرب فوق السيتارن تاع الما

BAROUD · 2012-10-26, 20:57

ك حبيت نتصور معاه ...

شوفوا واش دار ...

ضحكوا عليا مليح !!!

بالصح والله نخرجها هكذا

شيء من رجاء ! · 2012-10-26, 21:10

اليوم لم أفعل شيء غير تصوير الذبح

كان الجو مطير نوعا ما ، ذبح أبي بمساعدة إخوتي ، ثم قام إخوتي بالسلخ ، وتنظيف الأمعاء ، وبقي غسل خفيف قامت به أختي وزوجة أخي ، والـ " بوزلوف " تكفلت به الوالدة ..
المهم من كثر حبي للكبدة وذكري لها ، وجدنا كبدة الخروف فيها شطر ناقص ، وأخواي من تكفلا بالسلخ واح ابنته الصغيرة (عام ) تحب الكبد ، والآخر زوجته على وشك ولادة ( إن شاء الله تقوم بالسلامة ) ، وكنت في المطبخ مع أمي وأخواتي قلتهم أكيد أكيد الكبدة ليست ناقصة واحد منهما أخذ شطرها لابنته أو زوجته ، أو بالاتفاق معا .. ولما أحضروا الكبدة وجدنا فيها أثر السكين قلت لهم " شفتوووو"

طبعا أثر السكين بسبب نزعهم للمرارة ... وأنا بدأت أفتش في جيوبهم " وين الكبدة وين الكبدة " ، والمساكين قاعدين يبرروا ،ونحن نضحك عليهما ..
بالأخير عقاب لي على شري ، لما أردت أكلها أتى أخي يستعجلني لنذهب لبيت جدتي ، وبعد عودتي كانت بارررردة ويابسة ، لا تسر الناظرين @@