أجيبوني بارك الله فيكم

زهرة البيلسان البرية · 2012-05-03, 18:11

السلام عليكم و رحمة الله و بركاته

بارك الله فيكم قولولي ما هو رأيكم في خاطب يطلب من خطيبته أن تعمل و ذلك لمساعدته في مستلزمات الحياة مع العلم أنو الفتاة رافضة جملة و تفصيلا العمل خارج البيت !!

أرجو منكم نصيحة لأن نفسي ضاقت ضاقت ضاقت و الله المستعان

عُضو مُحترم · 2012-05-03, 19:19

مادام رافضة قوليلو

يا ولد الناس شوف وحدة غيري خدامة

راهم بالآلاف تعاونك في المصروف

وانتي يجيبلك ربي الزوج الصالح الذي تقر به عينُك

هذا هو الزواج و هذا هو الاسلام

لا ضرر و لا ضرار و لا إكراه

مش حابة تخدمي ماتخدميش

انتهى.

زهرة البيلسان البرية · 2012-05-03, 21:03

بارك الله فيكَ أخي على النصيحة و صدقني ذلك ما يتبادر لذهني هذه الأيام،،لكن صعب ما تقوله لأن هناك عقد شرعي و مدني كذلك
الله المستعان

زهرة البيلسان البرية · 2012-05-03, 21:04

و شكرا للي مر على الموضوع مرور الكرام

kaderkader1541 · 2012-05-03, 21:17

هذا رجل مش قادر على شقاه ..... شخص اتكالي و انتهازي و طماااااااع في مرتبك يريدك كمدخول لا يريدك لذاتك ....و ليس غريب بعد الزواج يقولك اصرفي على روحك راكي بمرتبك .... و الطامة الكبرى اذا كان عملك فيه اختلاط يعني و هو يدفع بك للعمل فهذا لا يغار و الذي لا يغار ترًّحل قلبُه بل ترًّحل دينُه كله

عُضو مُحترم · 2012-05-03, 23:46

لو كنت شقيقك او والدك

اقطع العلاقة بينكما و افسخ الخطوبة

لن تكون ابنتي او اختي (خدّامة ) عند شخص كسول

=========

لو انتي تتشرطي و مصرة على الخدمة

ممكن نسكت و نقول دبّر راسها هي بغات

اما انتي رافضة العمل

و هو يقوللك اخدمي بسيف باش تعاونيني

يا اختي لازم على خاوتك و اباك يقولو كلمة الحق هنا

===========

ربي يهدينا ويثبتنا

- بصمة خير - · 2012-05-04, 11:55

قوليلو انت الان راكي خدامة او لا ؟؟؟

اللهم صل و سلم و بارك على سيدنا محمد

abdel02 · 2012-05-04, 12:01

ولكن كيف وصلت الامور الى الخطبة والعقد الشرعي....وبينكما نقطة خلاف عظيمة ........احدكما متردد او ربما حاب يدفعك باش تبطلي........ربي يهنيكم..

*جوداء* · 2012-05-04, 12:58

هو حقك ان ترفضي العمل وان ترتاحي في بيتك ويكون هو المسؤول عن توفير مستلزمات الحياة الزوجية ...لهذا الاتفاق من الاول على هذا القرار احسن من التغاضي والسكوت عن الامر ..لتتفاقم الاوضاع بعد الزواج ويؤول الوضع الى ما يحمد عقباه

زهرة البيلسان البرية · 2012-05-04, 20:58

السلام عليكم و رحمة الله و بركاته

بارك الله فيكم إخوتي و أخواتي على مروركم و نصائحكم

أختي : ~ في الإنتظار لـ ~

أنا ماشي خدامة درك و كان اتفاقنا من الأول بل هو اللي طلب مني ألا أعمل يعني ما ظنيتش راهو طامع في مرتبي ولا كيما قالو الإخوة ،، للعلم هو يخدم في عقود ما قبل التشغيل و أنا وافقت عليه لأنو صاحب دين و خلق و ما راحش نتخلى عليه و استغربت من طلبو و هو قالي فكري في عقلك

الله المستعان

شكرا على النصائح و ادعيولي ربي يهدي بالنا

زهرة البيلسان البرية · 2012-05-04, 21:01

اقتباس:

المشاركة الأصلية كتبت بواسطة عُضو مُحترم

لو كنت شقيقك او والدك

اقطع العلاقة بينكما و افسخ الخطوبة

لن تكون ابنتي او اختي (خدّامة ) عند شخص كسول

=========

لو انتي تتشرطي و مصرة على الخدمة

ممكن نسكت و نقول دبّر راسها هي بغات

اما انتي رافضة العمل

و هو يقوللك اخدمي بسيف باش تعاونيني

يا اختي لازم على خاوتك و اباك يقولو كلمة الحق هنا

===========

ربي يهدينا ويثبتنا

بارك الله فيك يا أخي ،، لكن نقولك هو ماشي كسول هو يعمل عقود ما قبل التشغيل و يعمل بجد و ما أجبرنيش هو قالي فكري مليا و من الأول هو رفض نخدم لكن لا أدري ماذا يحدث ربي يصلح حالنا و فرات

زهرة البيلسان البرية · 2012-05-04, 21:04

اقتباس:

المشاركة الأصلية كتبت بواسطة abdel02

ولكن كيف وصلت الامور الى الخطبة والعقد الشرعي....وبينكما نقطة خلاف عظيمة ........احدكما متردد او ربما حاب يدفعك باش تبطلي........ربي يهنيكم..

يا أخي لم تكن نقطة خلاف أبدا !! ،، و راك دخلتلي الشك ايه ممكن حاب يدفعني نبطل يعلم الله ، الله المستعان

زهرة البيلسان البرية · 2012-05-04, 21:06

اقتباس:

المشاركة الأصلية كتبت بواسطة موج و صخر

زهرة البيلسان البرية
أولا و قبل كل شيء
اسمك المستعار غاية في الروعة
ثانيا : صحيح كل شيء بالمكتوب
العروس في المركب و شوف لمن تكتب
لكن نصيحة لوجه الله : هذا شخص طماع في شهريتك
الرجالة يوصلوا للطلاق مع نسائهم باش يبطلوهم الخدمة و يقعدوهم في الدار
و هذا يقول لك اخدمي باش تتعاونيني
شوفي يا زهرة لو تكملي حياتك معاه راح تندمي على النهار الي عرفتيه فيه لماذا ؟
لانه راح يتنصل من معظم مسؤولياته بحجة انك تخدمي
و تولي تصرفي على روحك و على ولادك و لا تنسي الزيارات و المباركات كلها ستقع على كاهلك
و لو تنطقي و تقولي بزاف يقول لك : قلت لك من الاول تعاونيني
و الله ما تتهناي بالشهرية : تتعبي في الدار و في الشغل و بعدها تربية الاولاد و الشهرية تروح منك بلاما تحسي بها ...
كلامي هذا يا زهرة من الواقع المعاش .
خويا خطب واحدة خدامة و شرط عليها تبطل الخدمة و قال لها
كل شهر نعطيك 7000دج وافقت و الحمد لله
خممي مليح قبل الزواج و ما تخافيش تقولي اني عاقدة و مفتحة ...
الله المستعان

بارك الله فيك أختي ،، نقولك أختي و الله ما يهمني فالشهرية و لا في العمل أساسا ،، و هوا تان ماشي عقليتو يعني و لا مرة حسيت أنو طماع او شيء من هادا القبيل
صدقيني أختي راني في حيرة شديدة ادعيولي ربي يفرج عليا و يلهمني رشدي

زهرة البيلسان البرية · 2012-05-04, 21:09

اقتباس:

المشاركة الأصلية كتبت بواسطة *جوداء*

هو حقك ان ترفضي العمل وان ترتاحي في بيتك ويكون هو المسؤول عن توفير مستلزمات الحياة الزوجية ...لهذا الاتفاق من الاول على هذا القرار احسن من التغاضي والسكوت عن الامر ..لتتفاقم الاوضاع بعد الزواج ويؤول الوضع الى ما يحمد عقباه

صحيح أختي داك هو اتفاقنا من الأول و هوا اللي شرط قبل حتى ما نقولو أنا ،، لكن أنا حايرة من تغير موقفو فجأة هكدا ،، الله المستعان

عُضو مُحترم · 2012-05-04, 21:19

اقتباس:

المشاركة الأصلية كتبت بواسطة زهرة البيلسان البرية

بارك الله فيك يا أخي ،، لكن نقولك هو ماشي كسول هو يعمل عقود ما قبل التشغيل و يعمل بجد و ما أجبرنيش هو قالي فكري مليا و من الأول هو رفض نخدم لكن لا أدري ماذا يحدث ربي يصلح حالنا و فرات

قولي له يصبر

و قولي له

ان الرزق بعد الزواج

اكيد هو له ظروف اجبرته على قول ذلك

عقود ما قبل التشغيل لا تكفي شخص مُدخن شراء سجائره

فما بالك زواج و بيت و مصروف

هو يتعرض لضغوط

و شاف باللي الحل هو تخدمي باش تعاونيه

حاولي تنقصي عليه تلك الضغوط

و لو بكلمة حلوة و شعاع امل تغرسيه فيه

و بالدعاء له بظهر الغيب في جُنح الليل

===============

ربي يهنيكم ويوفقكم ان شاء الله