// كاميرا تصوير الاعراس ..واش رايك //ا جماعة

~~chamam~~ · 2012-04-04, 19:05

السلام عليكم ...

واش راكم يا جماعة ...انشاء الله تكونوا بخير ...يارب وتكونوا ...

كيمة انا اليوم ...تحسوا بالارتياح .....والانشراح ....الحمد للله ....

المهم باش ندخلوا فالموضوع ...كل ما يبداو لعراس ..فالوقت هدا ..

كيمة ليامات هادوا ...يبداو لحكايات تاع ...تصوير العرس ...

كاين لميحبش ...يصور العرس بالكاميرة ...كيمة يقولوا مخالفات

شرعية ...وكاين لتعرضوا يقولك متصورنى انا والا مرتى ...

وكاين لنورمال ...يصور هو ودارهم ولمعاريض ..وكاين ليجيب

مرتوا والدراري ...وكيلقاو الكاميرا تاع العرس تصور ..يتبسم

ويعدل روحوا ...ومبعد يقولك كتفرجوا فالكاسيطة ...يقولك شوفنى

ادا كان خرجت بوقوس .....هههههههههههههههههههههههههههه.

واش رايكم يا جماعة الخير ....

HADIL2044 · 2012-04-04, 19:14

انا ما تعجبنيش الكميرا اذا حبو يديروها يصورو بها العروسة برك

~~chamam~~ · 2012-04-04, 19:30

اقتباس:

المشاركة الأصلية كتبت بواسطة hadil2044

انا ما تعجبنيش الكميرا اذا حبو يديروها يصورو بها العروسة برك

علاه ولعريس ميصورش ...والله امرك غريب ...

ومبعد كيوليو عندهم لولاد ...ويتفرجوا فالكاسيطة ...لوكان يسقسوا

على ابوهم ..كيفاش رايح يجاوبهم ...يقولهم ما تصورتش راهى غير

يماكم لتصورت ............شوية حبيت نقول ...لازم تكونى واقعية ..

و يبقى الامل · 2012-04-04, 19:40

عندما التزم بحجابي يصورو على رواحهم و كي تروح الكاميرا ندير واش بغيت ( دون اختلاط)

اية الرحمن1988 · 2012-04-04, 19:49

السلام عليكم
بالنسبة لي الكاميرا ميش مليحة في الأعراس وجانبها السيء أكثر من الايجابي
لانو ناس بزاف تتأذى منها وكاين اللي ميحبش مرتو تخرج في الكاميرا ومن حقو
كي يكمل العرس الناس كامل تتفرج عليها ومن غير الطبيعي خاصة في الأوساط النسائية كل وحدة تجي للعرس تنحي حجابها وتقول راهو ميش مختلط
وفي الأخير تظهر الناس كل شافتها بلا حجاب وكلو بسبب الكاميرا
إذا من الأحسن اللي يجيبها يصور العروس فقط والعريس كذكرى لهم

imi02i · 2012-04-04, 19:51

السلام عليكم ورحمـة الله
لا أحب إلا الكـاميرا الخـاصـة بعرس في بيتنـا فقطـ
أمـّا مـادون ذلك من أعراس الأقارب الأقربـاء ، فإذا كنت أرتدي الحجـاب لا أبالي طبعا،
أما إذا كنت غـير ذلكـ ، فأنا أختفـي تمـاما عن عدسـة الكاميرا
أما بالنسـبة للمتزوجـات ... فهن يرفضن الكـاميرا رفضا مطلقا سواء من أنفسهن أو من أزواجهنّ ..
إلا العجـايز فقط

z.abdo · 2012-04-04, 19:56

لتفادي كشف أعراض الناس ننصح كل وحدة لا تتصور في الأعراس لأنها حتى ولو لم يكن فيه إختلاط راح ممكن توصل للرجال بالطريقة للتي لا تتصوريها
خصوصا نحن اليوم في عالم البلوتوث اليوتيوب الفيسبوك كل شيء يصل بسهولة كبيرة
نحكيلم على قصة واقعية

مرة إجتمع رجال مع بعضهم في بيت أحد الأصدقاء و أثناء جلوسهم إقترح عليهم صديقهم الذين هم في بتهم أن يشاهدو فيديو تحصل عليه من أحد الأعراس

وأثناء المشاهدة لرقص النساء اثناء العرس . لاحظ أحد الأصدقاء بعض قريباته في العرس وهن يرقصن وإندهش لهذا لكن كتم على أصداقئه أنهن قريباته بل أصبح ساكاتا محتار لكن لم يظهر ذالك لأصدقائه
لكن أصدقائه كانو يعلقون على النساء وهو في حالة غظب غاضب لكن حدث لم يكن يتوقعه شاهد زوجته كذطالك ترقص معهن وكانت الصدمة الكبرى
ما إن ذهب إلى البت إن طلق المسكينة
التي لم تكن تعلم أن الفيديو سيتحصل عليه الرجال

اللهم استر اعراضنا واعراض المسلمين قصة لمن يعتبر

محمد حانطي · 2012-04-04, 19:57

يااخي بكل صراحة انا في عرس اخي استعملو الكاميرا لكن قبل هذا نندو انهم رايحين يصورو وعادي لي محجوبة جبدو على جيهة والعائلة تصورو مع العروس لكن للامنة مزال ماشفت عرس مع العائلة نتاعي ولا اي رجل من لافامي نتاعي وعمري ماشفت عرس نساء مام لافامي لكن بكل صراحة الحنة نتاع الرجال شفتها ونحب نشوفها وتاني كم من مرة نصور حنة ههه لكن رجال فقط

عُضو مُحترم · 2012-04-04, 20:01

يا خويا

لي يخاف على عرضو و عرض المدعويين عنده في عرسه

لا يستخدم الكاميرا

rozalindanina · 2012-04-04, 20:04

شكرا على الطرح انا اذا كان العرس تاع دارنا نوغمال اباغ سا منحبش نتصور فالكاميرات تاع الناس غير اذا كنت لابسة حجابي اكيد

dahmane42 · 2012-04-04, 20:10

الكاميرا في الاعراس فتنة كبيرة

le fugitif · 2012-04-04, 20:13

تمنع كتابة المواضيع بالدارجة وتستثنى الأقسام الخاصة باللغات الأجنبية أو اللهجات و الثقافات المحلية

من قوانين المنتدى