رقاق الشخشوخة تعبني....................

جسور المحبة · 2012-03-14, 09:46

صباح الخير باخواتي الشاطرات حبيت نقولكم على الرقاق تع الشخشوخة خاصة البسكرية او البوسعادية راه تعبني بزاااااااااف يعني نعجنو كيما تع المسمن ونديرو رقيق ولما نجي نحطو على الطجين يتقطع ولا يجيني خشين نوعا ما مقارنة بالرقاق لي يديروه ناس بسكرة او انو لازمني كي نجي نحطو نبقى نحل فيه ومباشرة قبل ما نحطو يطيب ؟؟؟
مذابيكم لو تتفضلو وتساعدوني بش يكون ناجح معايا 100 ب 100

جسور المحبة · 2012-03-14, 10:16

...............................

nadiem · 2012-03-14, 10:55

اختي خلطي مع السميد شوي فرينه مايتقطعش,وحلي بالزيت ومترقيش بزاف خاطر كيتهزيها للطاجين رايحه تزيد تتحل وتجي رقيقة
لازم تهزيها بظهر يدك ماشي باصابعك خاطر ممكن يدخل فيها وتتقطع
نشالله تنجحلك

الجزائرية المحبوبة · 2012-03-14, 11:03

اذا كان يتقطع معنها انو سميد ليس من نوع الجيد

واذا كان سميدجيد خيى عجينة يرتاح شوية

جسور المحبة · 2012-03-14, 11:09

والله غير نخليه يرتاح بزاف والسميد نوعية جيدة ومرات نخلطو مع شوية فرينة بش يخف
والله غير تعبني يعني مجانيش كيما لي يخدموه

عزة العلمى · 2012-03-14, 11:29

اختي سر هو انك دريه جاري بزاف عليها يتقطع

remadna · 2012-03-14, 11:40

ربما نسيتي الملح في العجينة
اما الطريقة تاعك صحيحة بعدما ما تحليها ضعيها مباشرة في الطاوة

جسور المحبة · 2012-03-14, 11:52

اكيد ندير الملح وما نديرهاش جارية يعني كيما تع المسمن تماما لكن..............................

remadna · 2012-03-14, 13:28

اقتباس:

المشاركة الأصلية كتبت بواسطة جسور المحبة

اكيد ندير الملح وما نديرهاش جارية يعني كيما تع المسمن تماما لكن..............................

لوزيه (كعبريه) ثم غطيه بساشي يرتاح حسب نوعية الدقيق و من ثم ابدأي العمل
بالتوفيق

جسور المحبة · 2012-03-14, 18:42

اقتباس:

المشاركة الأصلية كتبت بواسطة remadna

لوزيه (كعبريه) ثم غطيه بساشي يرتاح حسب نوعية الدقيق و من ثم ابدأي العمل
بالتوفيق

والله يا ختي غير درتو كرابع وغطيتو