حبيت نرضي ربي لكن .....................؟

اميرة باحتشامي · 2012-04-24, 22:25

السلام عليكم ورحمة الله وبركاته

كيف حالكن ؟

ضاقت بي الارض بما رحبت ومالقيتش كيفاش نحي ضيقة الخاطر
حبيت تشاركوني في موضوعي

انا استاذة على خلق ودين وجمال يشهخد به كل الناس يعني سمعتي الحمد لله عالية

خطبني واحد عندو شهرين ونص
خطبني ورجع لخدمتو بعدما تفاهمنا على كلش ومن ضمن شروطو اني نحبس خدمتي على طوال وقبلت قالي ساعديني معنديش ذركا رايح نبنيلك دار قولت معليش وقبلت نقصت في الشروط حتى ضحكو عليا الناس هذا كامل باش نرضي ربي سبحانه
المهم الخطبة كانت تقليدية شفتو في نظرة شرعية كنت متحجبة وقتها
رديت بالقبول بعد ما تفاهمنا
لغدوة بعثلي قالي حاب نحكي معاك في التليفون وهو مازال ما دارش خطبة رسمي يعني نظرة شرعية فقط قولت لاخته حتى الفاتحة ان شاء الله على اساس باش يزرب الفيلم المهم شرالي خاتم قالي الخاتم حتى نديروو فاتحة باش نجيبهولك خلاها في دارهم وما جابليش خاتم الشوفة ضحكو عليا الناس وقولت واش عليه ربي خير الفائدة في الهناء رجع لخدمتو وبعد شهر كي روح بطل
والكارثة العظمى دارهوم ما قالوليش حتى رجع بعد شهر ونص باش جاء بابه كي قالو عمي واش من سبة قالة الراجل يقول بلي ماهوش نتتاع زواج وقالو راني حشمان باش نقابل باباها الطفلة ما عندو ما خصها
يا خواتتي راني ما بكيت ما شكيت ليه باش يجي يخطبني هو واحدو بعثلي مع اخته وما نحكيلكومش على وابل المكالمات اللي جاوني باش نقبل برك ومبعد كلش ساهل وكي قبلت تخطبت لمدة شهر وبطل عليا
قوليلي واش رايكم في موقفي؟ انا قولت نرضي ربي بديتها بخطوة مليحة وبنظرة شرعية وكيعاد الخطوبة مجرد وعد بالزواج ماطاوعنيش قلبي نحكي معاه لاختار اجنبي وبلا ما نقولكم قبل ما يجي يخطبني طلب يشوفني برا ورفضت واليوم قالو مواليه بلي انا السبة كي ما هدرتش معاه كون جيت نحكي معاه كون بدل رايو

هل انا على صواب او خطا اخواتي ارشدنني لطريق الحق ؟

لميس 83 · 2012-04-24, 22:30

أختي الكريمة راكي على صواب مليون في المئة ويعطيك الصحة اللي راكي محافظة على دينك وأخلاقك في وقت كيما وقتنا...

وتأكدي بللي هاد الشخص لوكان جا من مكتوبك حاجة ما توقف بيناتكم وقولي قدر الله وما شاء فعل وربي يرزقك بزوج صالح يكون في مستوى تربيتك..

جسر الأمل · 2012-04-24, 22:43

اختي شوفي ماتزعفي ماتقلقي رووحك انت خرجت معاه امراة ونص وجامي غادي يلقى وحدة كيفك، صح تزعفي مي مع الوقت تنسي هو ماقدرش الماسة اللي بين يديه وسبة الهدرة مكانش منها، وديري في بالك لوكان جا مكتوبك كنت رايحة تكملي معاه صوا حكيتي معاه في التلفون ولا ماحكيتيش، انت الهي بخدمتك ودوك تنسي وماديريش على العرب اللي عمرهم مارضاو ، احتسبي امرك لله، وانسيه واقطعي صلتك بعائلته.
سيبو انت سهلتيها عليه وهو راه يتبهلل، خلو هباله دوك يخرج عليه غايا
ربي يفرحك ويرزقك بولد الحلال اللي يعوضك ويفرحك ويسعدك ياااااااااااااااااااااااااااااااااارب

اميرة باحتشامي · 2012-04-24, 22:43

الله يسلمك اختي
امين اجمعين

يا اخت لميس يقولو بلي راني رجعية وعقليتي ماشي مليحة كيعاد رفضت نحكي معاه وهذا اللي رايح يخليني عانس بالرغم اني في ريعان الشباب ؟

haloma02 · 2012-04-24, 22:44

ربي يكملك بعقلك اختي بلاك ربي شاف فيها الخير ليك بعدك عليه احمدي ربي و ان شاء الله يعوضك بلي احسن منو مليون مرة مهم تكون ثقتك في ربي كبيرة

جسر الأمل · 2012-04-24, 22:48

اقتباس:

المشاركة الأصلية كتبت بواسطة اميرة باحتشامي

الله يسلمك اختي
امين اجمعين

يا اخت لميس يقولي بلي راني رجعية وعقليتي ماشي مليحة كيعاد رفضت نحكي معاه وهذا اللي رايح يخليني عانس بالرغم اني في ريعان الشباب ؟

تسمى اللي تشد في دينها راها رجعية غايا والله لا غايا، هو قالك هاكا باسكو ماتقبلش فكرة رفضك للحديث معاه، بصح لوكان جات في اخته تشوفي شايدير هو تسمى هنا مشي رجعي، ياخي هبال ياخي
انسي هدرته انسي كمارته انسي دارهم انسي بلي خطبك انسي كل شي وابدي حياة جديدة، نزيدك حاجة مكتوب حد مايقلعه حد، وربي يهنيك ايا مديلنا هديك التبسيمة انتاعك كيما هاكا:d:d:d:d

اميرة باحتشامي · 2012-04-24, 22:52

اقتباس:

المشاركة الأصلية كتبت بواسطة جسر الأمل

اختي شوفي ماتزعفي ماتقلقي رووحك انت خرجت معاه امراة ونص وجامي غادي يلقى وحدة كيفك، صح تزعفي مي مع الوقت تنسي هو ماقدرش الماسة اللي بين يديه وسبة الهدرة مكانش منها، وديري في بالك لوكان جا مكتوبك كنت رايحة تكملي معاه صوا حكيتي معاه في التلفون ولا ماحكيتيش، انت الهي بخدمتك ودوك تنسي وماديريش على العرب اللي عمرهم مارضاو ، احتسبي امرك لله، وانسيه واقطعي صلتك بعائلته.
سيبو انت سهلتيها عليه وهو راه يتبهلل، خلو هباله دوك يخرج عليه غايا
ربي يفرحك ويرزقك بولد الحلال اللي يعوضك ويفرحك ويسعدك ياااااااااااااااااااااااااااااااااارب

راكي رفعتيلي المعنويات اختي ربي يسترك ويهنيك
فكرتيني في صحاباتي انتاع الخدمة قالولي ماكيش انتاع فمو هه

اسعى لرضى الله · 2012-04-24, 22:55

اختي نقولك حاجة برك متقلقي روحك ماوالو مادامكي رضيتي الله متخافيش اعرفي بلي واش صرا راه في صالحك صح غاضاتك وقاسك مي اعرفي بالاك كون زوجتيه اكي طلقتي في مدة قصيرة وبالاك عيشك في جهنم وبالاك وبالاك , يعني تعودي تقولي كون دريت هكا اني فسخت الخطوبة

وفي الاية يقولك عسى ان تكرهو شيئا وهو خير لكم

واعرفي ربي سبحانو يعلم واش منعلموش حنا يعني احمدي ربي واشكريه وهدا من الجاست تاعو باين مش راجل يعني وهو الخاسر ماشي انتي اكيد والله

وزيدي اختي متخليش الشيطان يلعب بيك ويقولك او رضيتي ربي وطار راجل من يدك كيعاد هدو هوما الفرص اللي يشتيهم الشيطان باش يزعزع ثقتك في ربي ويدخلك للحرام

وكوني اكيدة انو راح يرزقك ربي ما خير منو عشرات الاف ان شاء الله

اميرة باحتشامي · 2012-04-24, 22:58

اقتباس:

المشاركة الأصلية كتبت بواسطة haloma02

ربي يكملك بعقلك اختي بلاك ربي شاف فيها الخير ليك بعدك عليه احمدي ربي و ان شاء الله يعوضك بلي احسن منو مليون مرة مهم تكون ثقتك في ربي كبيرة

[color="yellowgreen"]امين يا اختي

طبعا وهذا اللي مصبرني حتى وخطبة نتاع شهر مست سمعتي وخلاتني نمشي ونخمم واش نقول وكيفاش ندير قولت لبالبا اهدر مع الرجال قولهوم يبجيبلو السبب وان شاء الله يكون مقنع على الاقل نواجه به الناس لكن اموالين الراجل حتى هوما تشوكاو فيه وقالو ما فهمناش على واش تحوس وبلا ما نقوللكم على اخته اللي بعثتلي الهدرة
وقالتلي كون بغيتيه يبقةى معاك كون قبلتي تحكي معاه

faizarbh · 2012-04-24, 22:58

اختي ما كيش غالطة بالاك ربي شافلك هاذا خير لكي بعدو عليك و ان شاء الله ربي يجازيك على نيتك الحسنة و يبعثلك رجل خلوق و مدين

اسعى لرضى الله · 2012-04-24, 22:58

وثاني اللي راهم يقولو على انك راح تريحي عانس قوليلهم دبرو على رواحكم

الرزق في يد ربي مش في يد العباد ام كاينين بنات ميخرجوش من الدار ومش معروفيييين خلاص وزوجو

وزيدي ادعي ربي الدعاء يغير القدر ومتخليش العرب يلعبولك على عقليتك

ارضاء الناس غاية لا تدرك كون كنتي تحكي معاه يقولك مش متربية عليها خلاها شافها كثرت الهدرة ويخرجو دعايات خرين وكي يشوفوك متحكيش يقولك معقدة عليها خلاها واش يدير بيها اي اخطااااااااااااااك من هدرة الناس اللي تدي ماتجيب

اميرة باحتشامي · 2012-04-24, 23:06

اقتباس:

المشاركة الأصلية كتبت بواسطة جسر الأمل

تسمى اللي تشد في دينها راها رجعية غايا والله لا غايا، هو قالك هاكا باسكو ماتقبلش فكرة رفضك للحديث معاه، بصح لوكان جات في اخته تشوفي شايدير هو تسمى هنا مشي رجعي
[size="5"][color="yellowgreen"ه
، ياخي هبال ياخي
انسي هدرته انسي كمارته انسي دارهم انسي بلي خطبك انسي كل شي وابدي حياة جديدة

[color="rgb(154, 205, 50)"]اكيد اختي هذا اللي راني ندير فيه ذركا [/color]
، نزيدك حاجة مكتوب حد مايقلعه حد، وربي يهنيك ايا مديلنا هديك التبسيمة انتاعك كيما هاكا:d:d:d:d

[color="rgb(154, 205, 50)"]امين

ههههههههههههههههه[/color]

[color="rgb(154, 205, 50)"]شكرا وبارك الله فيك على المرور وابداء الراي السديد كنت حاسبة روحي معقدة وتافهة [/color]

اميرة باحتشامي · 2012-04-24, 23:12

اقتباس:

المشاركة الأصلية كتبت بواسطة تائهة احلامي

اختي نقولك حاجة برك متقلقي روحك ماوالو مادامكي رضيتي الله متخافيش اعرفي بلي واش صرا راه في صالحك صح غاضاتك وقاسك مي اعرفي بالاك كون زوجتيه اكي طلقتي في مدة قصيرة وبالاك عيشك في جهنم وبالاك وبالاك , يعني تعودي تقولي كون دريت هكا اني فسخت الخطوبة

وفي الاية يقولك عسى ان تكرهو شيئا وهو خير لكم
صحيح بارك الله فيك
واعرفي ربي سبحانو يعلم واش منعلموش حنا يعني احمدي ربي واشكريه
[color="rgb(154, 205, 50)"]هذا اللي راني ندير فيه وجزاه الحمد والمنة مع الاحتساب وكلت ربي عليه
[/color]
وهدا من الجاست تاعو باين مش راجل يعني وهو الخاسر ماشي انتي اكيد والله
[color="rgb(154, 205, 50)"]حتى انا قولت هكذا وكذلك مواليا الرجال قالو بلي مش اهل للمسؤولية [/color]
وزيدي اختي متخليش الشيطان يلعب بيك ويقولك او رضيتي ربي وطار راجل من يدك كيعاد هدو هوما الفرص اللي يشتيهم الشيطان باش يزعزع ثقتك في ربي ويدخلك للحرام
صحيح بارك الله فيك
وكوني اكيدة انو راح يرزقك ربي ما خير منو عشرات الاف ان شاء الله

[color="rgb(154, 205, 50)"]امين اختي ما تنساونيش من صالح الدعاء
راني في كربة يعلم بها غير ربي درنا ولات قبر بالنسبة ليا كي ندخل نتحير سيرتو من والديا بابا في حالة وماما اكثر منو [/color]

اميرة باحتشامي · 2012-04-24, 23:16

اقتباس:

المشاركة الأصلية كتبت بواسطة faizarbh

اختي ما كيش غالطة بالاك ربي شافلك هاذا خير لكي بعدو عليك و ان شاء الله ربي يجازيك على نيتك الحسنة و يبعثلك رجل خلوق و مدين

امين بارك الله فيك اختي

Amouna.DZ · 2012-04-24, 23:19

أختي راني حاسة بيك مي حابة نقولك كلمتين تريحي روحك بيهم ربي يقول في كتابه العزيز

_من ترك شيئا لله عوضه الله خيرا منه_

_ومن يتقي الله يجعل له مخرجا ويرزقه من حيث لا يحتسب_

ربي يفرحك في القريب العاجل و ماتنسيش تفرحينا معاك