كرهت حياتي

[مشكلتي]

السلام عيكم
انا فتاة عمري 24 سنة للأسف مازلت اعاني عدم الاستقرار النفسي وكأني مراهقة في 15 سنة
عندما كنت في الثانوية اغرمت بزميل لي حتى اليوم تخرجت من الجامعة وادرس ماجيستار ،اردت نسيانه بشتى الطرق لكن لم استطع.....اليوم رأيته اشتعل في قلبي ولع الحنين له رغم اني لا تربطني صلة به لكن السنة الفارطة طلب مني ان اكون خليلته لكنى رفضت وقلت له اريد الا الحلال حتى توصلت به الجرأة >ات يوم وقال لي انتظركي في بيتنا فأفراد عائلتي غائبون عن المنزل ويومها ثارت ثائرتي
وبكيت على حالي وشفقة عليها لانني ببساطة وقعت في غرام نذل سألته عن سبب قوله ه>ا الكلام بالرغم من انه يعرف طباعي قال انتي عندك اريار بونسي arrier ponsé-راني فابل في الفرنسية_وكي تجي لدار ماراح نديرلك والو +ورالكي خايفة مني ومكش ثايقة فيا
قلت له :المرأة والراجل والشيطان بيناتهم .........المهم لا علينا
في المقابل لديه اخت تدرس في المدرسة العليا للقضاءواخت اخرى استاذة جامعية ووالده طبيب اختصاص عظام قال لي انتي انسانة مستهترة ولازم تكوني واحدة مهبولة .........علاخاطر يحب لهبال والطيش
مفهمتش اختو استاذة لازم انا نكون استاذة؟؟
وكيفاش مستهترة ونقرا ماجيستار؟؟
عجب
هدا حديث دار بيني وبينه مدة نصف ساعة وقطعت صلتي به منبعد طلب سماح وانا طنشتو
فهموني فهمتوا حاجة
سؤالي :وعلاه انا نحب شخص كيما هدا ؟؟ حب نكرهو ملقيتش كيفاش

[ines1836]

ربي ينسيك فيك وصراحة رجل كيما هدا نرمالمو ما يلزمكش راكي كبيرة الله يبارك وقارية ادعي ربي يجيك مكتوبك وتنسيه واكيد راه تنسيه مدام احتقرتيه وادعي ربي كل وقت.وصراحة اتعجب لحال البنت عمرها فوق 22 سنة وتخمم في العلاقات لوكان حاب ربي راكي في بيت زوجك وادا المكتوب مزال اطلبي ربي ومتشوهيش سمعتك هدا الكلام مهوش ليك مي للي راح تقرا ردي وتكون من النوع للي قصدتها ربي يكون معاك

[z.abdo]

يا أختي لقد ابتعدت عن الدين كثيرا
إسألي نفسك
كم من صلاة نافلة تصلي في اليوم
هل انت محافظة على صلاتك
هل لباسك شرعي يعني حجابك
هل انك لا تخالطي الذكور
إذا كنتي لا تفعلي هذه الأشياء
فأعرفي أنك متهجو نحو الهاوية
انصحك التوبة والرجوع إلى الله
وهو اللي راح يسهلك امورك

[سحر الغروب]

واقيل نتي مريضة ولا تحوسي على خلا داركم؟؟؟؟؟؟؟؟؟

فيقي لعمرك خير من نهار لا تنفع فيه ندامة.

[نجمة ساطعة]

يا ريت ما تزيدوش على البنت لو لم تكن بحاجة الى مساعدة لما طلبتها ...

اعتقد اختي الكريمة سبب حالتك هو الفراغ الذي تعيشينه هو من جعلك عاطفيا

تقفي عند مرحلة معينة و السبب الثاني ربما راه خالعك كي عاد بيو طبيب و اختو استاذة

جامعية ... اختي لا تنخدعي بالمظاهر هذي مجرد خدع فقط

لو كان ليدك نضج عاطفي كان بمجرد ان طلب منك ان تأتي الى البيت فهو نظر لك هنا بمنظار

فتاة ليل و مسح شهادتك و ثقافتك و تربيتك لذلك امسحيه بدون مبررات و مكانش خط الرجعة

و ربي يرزقك ولد حلال

[ام رحوقة]

الله يبارك راكي في الماجستار فلا تحطمي حياتك مع نذل مثل هذا كيفاه يقولك ماراح نديرلك والو وهو يقولك ارواحي لدارنا اهلي برا؟
واش هاذ الجراة واسمحيلي اختي مي بلاك تجرا وقالك هاك كي شافك تحبيه بزاف
انت ضرك ابداي تبينيلو بلي راكي تحتقريه وماتحبيش واحد كما هو يحوس يوخذك
ربي ينسيك فيه واقطعي علاقتك بيه ربي يفرج عليك

[الحاج قادة]

لوكان ما فتحتيلوش المجال ما يقولكش هذا الكلام راكي من النخبة من المفروض انت ليتنصحي الناس.................

[dotZero]

سبحان الله
درك نروح قدام البلدية و نحرق روحي
*
*
*
*
يعني يقولك أرواح للدار
الكلب
و مازال حاكمة فيه؟
*
*
*
علاه؟ على جالت الدراهم؟
*
*
*
ماخممتيش شحال من طفلة راحت معاه للدار
و الأهل تاعو غايبين؟
*
*
*
نصيحة يا ابنتي
أنت لم تقابلي الرجال
فإن ظننت أن هذا الذكر رجل فأنت لا تعرفين عن الرجولة شيئا
*
*
*
استهدي بالله، ركزي على دراستك، و بذكر الله يطمئن قلبك من هذا الاضطراب

[انوارالحق]

بارك الله فيك اختي المرة القادمة اذا التقيت به اللقا ء سوف يكون دقيقة وليست نصف ساعة لكي تقولي له ربي يهديك ويغفرلك والرخيس ماترخسيش روحك معاه اظن انه من العائلات الي قال عليهم الزعيم من بره ابة ابة ومن جوة يعلم الله

[فتـ حييةـاة]

واش من قلب يا اخت يخلي البنت تحب ذئب حاب يفوت الوقت بيها من المفروض كي يقولك كلام هاك خلاص تكرهيه وماتزيديش تخمي فيه
اللي يحبك صح يا اختي يدخلك لدارهم بالفستان الابيض والزغاريد مش خيانة على اهلو واهلك

[الدكتور سام]

يا اخت .هدا انسان عندو مرض في الشخصية يسمى megalomanieما دام قالك عندكarriere ponsée
يعني قاصدو انت كي خوفتي من ربي و رفضتي طلبو قالك هكد.سبحان الله.هدا انسان مريض ربي يهديه
انصحك ان تبتعدي عنه كل البعد و ان تشغلي نفسك فيما يرضي الله.و لا تعيريه اهتماما و ما تقايميهش
و ان شاء الله رايح يرزقك رب بزوج صالح يعينك و تعينه في حياتكما.

[lilou f lilou a]

إحذري اختي إحذري ثم إحذري

[loulou88]

اختي متكرهي حياتك ما والو هدا انسان مريض خطيك منو

[jonegoma]

انصحكي ان تعودي الى رشدك هذا الغبي انه مريض نفسي اظن انكي واعية بمافيه الكفاية لكي تميزي بين الصح والخطأ هذا التافه يريد مضيعة الوقت لان لديه فراغ وقلة التربية ولايتميز بصفات الرجولة هذا النوع المفروض مكانه في المستشفى جناح اعادة التاهيل والتربية يجب ان تكوني واعية وابتعدي عن هده الافكار كيف لكي ان تفكري في شخص يقلل من احترامكي وبزيادة ينوي لكي الشر لاتتكلمي معه نهائيا من اليوم هذا لحفظ كرامتكي نوعية من الاشخاص تحب اللعب ياويله ....اارجوا ان تاخدي بكل النصائح وتكوني قوية الشخصية هو لايستحق حتى كلمة رجلنسيت شيء مهم المفروض لما قام بدعوتكي كنت في تلك اللحظة تقومي تصلي ركعتين وتحمدي الله لانه نور لكي بصيرتكي لتعرفي حقيقته وتحتقريه وتقومي بغسل دماغكي من شيء لم لم يكن اصلا موجود ......اما مسالة الدراسة لستي بحاجة الى مدحه لانه غبي لايعرف شيء واصلي طموحكي الدراسي وبتوفيق

[انوارالحق]

انا لا انصحك باختباء منه بل بالعكس اذارايته مرة اخرى تقوي بالايمان وبثقة نفس كبيرة واجهيه باحتقارك له لاخلاقه السيئة ومستواه المنحط ولا تهمك المناصب في هذا الزمان فمعظمها جاءت بالغش وكما قال الزعيم من برة ابة ابة ومن جوة يعلم الله واطلبي له الهدايا والمغفرة قليها له عندما تقابليه وانت ليست لديك مشكلة ربي يكملك بعقلك فواصلي