الى اصحاب الخبره في الخدمة الوطنية

عامر84 · 2012-03-05, 08:00

السلام عليكم اخواني
سؤالي بسيط
انا انسان ملتحي و جاتني استدعاء للخدمة الوطنيه .. و معي ملف طبي اقدمه .. هل لما التحق بالثكنه لازم اكون نازع اللحيه يعني قبل الفحص الطبي هناك . او ممكن ابقا على حالي الا ان يتم ارجاعي او تجنيدي ... ممكن افهم كيف تسير الاوضاع هناك اول ما تدخل الا ان تجند .. و شكرا لكم

بايق · 2012-03-05, 14:42

السلام عليكم أخي... فيما يخص اللحية واللباس لا دخل لأي أحد فيها ما دمت مدني...أي بالعامية قبل ما يلبسوكم... لأن الفترة بين 15 مارس حتى 30 تبقى أبواب الثكنة مفتوحة للمترشحين.. وفي نفس الوقت اجراء الفحوص الطبية يوميا .. فلذا من باب النصيحة يا أخي لاني من المخدوعين لي رحو فوتو.. اصبر اذا كان عندك ارجاء تقدر تخدم بيه في اطار عقود التشغيل.. واذا لقيت الخدمة في القطاع الخاص ما يهمش لاكارت اخدم حتى يفرج ربي... واذا حبيت معلومات أكثر أنا في الخدمة... راني حاس بيك خويا ...

عامر84 · 2012-03-06, 01:11

بارك الله فيك اخي على الرد و شكرا جزيلا ...
انا جاتني الاستدعاء الثاني يعني مكتوب فيه oa و اقدر منروحش حتى لسبتمبر . مشكلتي اني فكرت كثير و بمساعدت بعض الناس المجربين يعني ما عندي اي شي يعني لا كفاله و لا مرض يستوجب الاعفاء عفانا و عافاكم الله و لا انتضار الاعفاء بعد التخرج بعامين و لا انتضار ال 30 سنه لانها مو مضمونه .. نصحوني الكثير قالو جوزهم و اتهنا منهم .. لان بعد الاستدعاء الثالث اتصير روشارشي و اخاف ياخذوك بالقوه و اتسبب مشاكل و اتصير مضيع وقت هروبك منهم + وقت الخدمه . قلت اذهب الان بارضايتي اكملهم افضل اني اقعد اتهرب و ممكن يمسكوك بعد عام او شي هيك و اتصير مخسر عام + العامين ~~ وش رايك ؟

nebcha · 2012-03-06, 08:19

السلام عليكم
اخي عامر غذا كنت مازلت تدرس فعليك استخراج السورسي تمشي بيه وتقدر حتى تخدم بيه
واذا كنت اكملت الدراسة فانظر الثكنة التي وجهت لها
واسأل عن الأحوال فيها وكيفية الاجراءات التي تتم فيها، لذا أردت أن تقول لنا أي ثكنة تم استدعائك لها
وما هي الرتبة، لأن هناك الفائض والذي يختلف من ثكنة لأخرى .
أنا عن نفسي انتظرت كثيرا وفي الأخير أدية السنة والنصف والحمد لله تهنيت منهم
توكل على الله وربي انشاء الله يجيبلك الي فيها الخير
المهم الخدمة الوطنية ما فيها والو عام ونص برك، إذا كنت ناس ملاح راها تعجبك تدير اصحاب واحباب من 48 ولاية
وتتعلم الكثير من الأشياء
تذكر فقط كما تدين تدان، ناس ملاح يجيبلك ربي ناس ملاح، وانشاء الله ما تكونش من النوع الآخر
شكرا واليلام عليكم
ا

بايق · 2012-03-06, 23:03

السلام عليكم... أنا من رايي ادا كان حاب تتهنى منهم استخير وتوكل على ربي ..الخير فيما اختاره الله ... واذا ماكش حاب تتعب بزاف ف 6 أشهر تاع stage اصبر حتى لسبتمبر على خاطر la class تاع مارس يتعبوا شويا .. الجو مليح ما فيهش المطر يسما التدراب يوميا + الحشيش يكون بزاف + la parade يعني حفل التخرج لي يعيي بزاف خاصة اذا خيروك في جماعة المربع المشارك في الحفل الي يحضرو قائد الناحية ..... واذا كان ماكش حاب تدير روطار على خاطر منا ل سبتمبر تكون كملت stage روح في ليامات لخريين 28 ولا 29 باش ما تتمرمدش + كاش فائض يخرجوك انشالله .. وادا كان بعثوك لبجاية e a g المدرسة الوطنية للهندسة روح وماتخممش مليحة ... وربي يسهلك انشاله خويا ... وماكش انت الأول ولا الاخير لي اح تجوزهم .. منك الاولوف.....

عامر84 · 2012-03-07, 00:28

بارك الله فيكم خاوتي لكل من تفاعل معي و نصحني ...
و رد على استفساركم عن اي ثكنه انا موجه لتلمسان للمدرسه التطبيقية للنقل و المرور برتبة طالب ضابط احتياطي ... اذا عندكم نصائح عن الثكنه عن سلبياتها و ايجابياتها .. و متى افضل وقت التحق بها لان الاستدعاء يوم 22 مارس لمركز العبور ... راح اروح لها مباشره بدون ان امر على مركز العبور .. يعني اذا حبيت اروح متاخر يعنيفي اي يوم اوصل لها ..
و شكرا جزيرلا لكم و بارك الله فيكم

nebcha · 2012-03-07, 08:13

السلام عليكم
ثكنه تلمسان (المدرسه التطبيقية للنقل و المرور)
هي تابعة للناحية العسكرية الثانية
وهي تحكم الأولين الي يلتحقوا والباقي الي يجوا روطار يخرجوهم فائض
هذا الكلام سنة 2008
اذا عندك واحد تعرفو في المدرسة وصيه يقلك كي تتعمر ويصل العدد إلى المطلوب يقلك ومن بعد ادخل إلى المدرسة
وانشاء الله يخرجوك فائض
زيد اسأل كاش ماتعرف واحد فوت فيها
بالتوفيق والسلام عليكم

عامر84 · 2012-03-07, 23:48

بارك الله فيك اخي ... على المعلومات و النصيحه ...
مشكلتي ما اعرف احد داخل الثكنه .. راح اتوكل على الله و ادخل في الايام الاواخر .. لكن هل احد يعرف اخر يوم للالتحاق .. يعني اخر يوم للوصول ما هو لاحاول الالتحاق بها مباشره في اخر يومين او اخر 3 ايام .. و ربنا يوفقنا و يوفقكم لما هو خير ^^