طلب

[ازدهار 2012]

السلام عليكم ارجو من الاخوات المتالقات في ركن الطبخ ان تزودننا بكيفيات بالجزر وشكرا لكن .

[hadil 26]

kifach kayfiat khti?
ida des recettes,
ana nfawer ljazar wndir vinegyrette fiha chwiya khal wzit wtoum mheres na3em kimet ras toum fi kilou jazar, wdiriha whia skhouna fl khalit ali wejedtih wkhaliha tebred wkadmiha m3a zitoun akhel, bnina bezaaaf
wkayen tana diri sder ta3 djaj wsenariya wahd rbo3 kilou wzitoun akhder wdirihem ytibou m3a basla wdiri lma, tawabel kima thebi, kima ytibou arihihem mlih wzidi m3aha baydtin wformaj wdiriha fi des mouls sghar wela des barcette wdirihem flfour ytibou.
nchallah tkouni thawsi 3la haja kima haka wnkoun fedtek.

[اية الرحمن1988]

بالنسبة للجزر عندو عدة طرق للاستعمال لكن حسب ذوق العائلة
وصفة مالفة غالبا نستخدمها وهي سلاطة الجزر
نقيه ونقطعو دوائر ونحطو يفور مع إضافة الملح
كي يطيب أي يولي طري ترحي ثوم كمية معتبرة لانها هي الأساس فيها
وتخليها مع ملح، فلفل أسود، كمون كمية كافية تقريبا ملعقة كبيرة على حسب كمية الجزر، هريسة وزيت زيتو وخل
دايما ندير كمية كبيرة ونخبيها وكل يوم نجبد منها احسن ما نطيب كل يوم

والوصفة الثانية نديرو عصير واللوصفة راهي في المنتدى

[ازدهار 2012]

المشاركة الأصلية كتبت بواسطة hadil 26

kifach kayfiat khti?
Ida des recettes,
ana nfawer ljazar wndir vinegyrette fiha chwiya khal wzit wtoum mheres na3em kimet ras toum fi kilou jazar, wdiriha whia skhouna fl khalit ali wejedtih wkhaliha tebred wkadmiha m3a zitoun akhel, bnina bezaaaf
wkayen tana diri sder ta3 djaj wsenariya wahd rbo3 kilou wzitoun akhder wdirihem ytibou m3a basla wdiri lma, tawabel kima thebi, kima ytibou arihihem mlih wzidi m3aha baydtin wformaj wdiriha fi des mouls sghar wela des barcette wdirihem flfour ytibou.
Nchallah tkouni thawsi 3la haja kima haka wnkoun fedtek.

السلام عليكم شكرا لك الاخت هديل على الوصفتين لقد عجبوني فشكرا على الاهتمام.

[ازدهار 2012]

المشاركة الأصلية كتبت بواسطة اية الرحمن1988

بالنسبة للجزر عندو عدة طرق للاستعمال لكن حسب ذوق العائلة
وصفة مالفة غالبا نستخدمها وهي سلاطة الجزر
نقيه ونقطعو دوائر ونحطو يفور مع إضافة الملح
كي يطيب أي يولي طري ترحي ثوم كمية معتبرة لانها هي الأساس فيها
وتخليها مع ملح، فلفل أسود، كمون كمية كافية تقريبا ملعقة كبيرة على حسب كمية الجزر، هريسة وزيت زيتو وخل
دايما ندير كمية كبيرة ونخبيها وكل يوم نجبد منها احسن ما نطيب كل يوم

والوصفة الثانية نديرو عصير واللوصفة راهي في المنتدى

السلام عليكم شكرا لك الاخت اية الرحمن على مرورك وصفة لذيذة ساجربها .

[ريحان الجزائر]

السلام عليكم و رحمة الله و بركاته راح أعطيك وصفة طيبتها و صورتها لكن الصور ما حبتش تطلعلي باش نحطهملك راني نحاول مرة أخرى ونخليك تشوف الصور إن شاء الله
الوصفة هاذي لازم يكون عندك الدجاج ويلا حبيتيها بلا دجاج ماعليش
المهم تضعي الدجاج في القدر و ديري الثوم و الملح و الفلفل الأسود و القلبل من الكبابة و الكمون و تضعي ورقات رند و زعيترة و القليل من الزيت و تقلي ثم تضيفي القليل من الماء و لما تشوفيه نقص زيدي شوية يعني ماتمرقيش ماديريش كمية كبيرة من الماء حتى يكون هاد لجواز مجمر باش يطيب الدجاج أمبعد تقطعي الجزر بعد ما تنقيه و تغسليه إلى دوار و تضيفيه للقدر مع هاداك الماء باش يطيبلك الجزر و لما يطيب إنزعي الدجاج إيلا حبيتي حمريه و لا أقليه و القدر إذا كانت عندك باطاطا قطعيها قدع صغيرة وقليها و ضيفيها مع الجزر لي يكون طاب واخلطي القدر باش يتخلط الجزر مع البطاطا و باش تطلق الباطاطا البنة تاعها و تشرب شوية المرقة لي تكون قليلة جدا لأنه لازم يكون فيه القليل من المرق و راح تكون بنة هايلة و إن شاء الله لما نرفع الصور لي ماحبتش تترفع راني نحطهولك وشوفيه
و عندي وصفة ثانية و هي كيش فالفور تعجني عجينة عادية يعني فرينة و ماء و ملح و زيت أعجنيها و حليها في صينية و تبشري الجزر و البطاطا و البصل و القرعة و تقليهم في شوية زيت و ملح و فلفل أسود و بعد ما يذبلو ضيفيلهم شوية جبن و ديريهم فوق العجين و برشي عليها الفرماج ويلا ماكانش عادي و دخليها طيب تاني وصفة ساهلة و بنينة

[سمراء الدنيا]

لو كان غير دربت طلة على دفتر الاخت ميميشة
راه فيه وصفات بالجزر خاصة المربى
انا الجزر مانحبوش نديرو غير في الطعام