لم تنجح تجربتي في تحضير المسمن بلا مندالك

nari21 · 2012-03-07, 21:13

اين المشكل

ام عبيدة · 2012-03-07, 22:30

كيفاش ما نجحلكش اختى

الصوامعية · 2012-03-08, 08:35

اقتباس:

المشاركة الأصلية كتبت بواسطة nari21

اين المشكل

أهلا أختي nari21 بالنسبة للمعارك وصفة ناجحة 100 ب 100 بلاك مخلتيش العجينة ريحت بزاف من 3 ساعات فأكثر أو درتيلها الماء بزاف فوق حسابها جرتيها أختي ما تتقلقي ما والو عوديها بكمية صغيرة الواحد كي يفشل في التجربة الأولى ميتقلقش وما يزعفش موراها حتى ينجح فيها حظ موفق في المرة القادمة

المقادير
كيلة سميد رطب ـ كيلة فرينة ـ مغرف صغيرة ملح - 1 خمارة كميائية : نخلط المقادير مع بعض نضيفلها الماء بالتدريج بلا ما ندلك حتى تولي تلصق فاليد نخليها تريح من 3 ساعات فأكثر ثم نشكلها كالمعتاد و المتعارف عليه .

[IMG]

[/IMG]

[IMG]

[/IMG]

سمراء الدنيا · 2012-03-08, 08:37

ممكن تخبرينا كيفاه خدمتيه من البداية
و حنا نقولولك و راه المشكل
و عادي كاين وين ما تنجحلكش وصفة ما تياسيش
عاوديها بصح ماشي بنفس الطريقة و مرات
يكون السر في ادق التفاصيل

ام مريم الجزائرية · 2012-03-08, 08:41

يا اختي انا جربته مرتين والحمد لله نجحلي واعتمدتو بارك الله في صاحبة الطريقة ريحتنا من الدليك

ام مرية · 2012-03-08, 08:41

اكيد عملتي العجينة قاسحة وما خليتيهاش ارتاحت كيما يلزم انا تاني سرالي هاك اول مرة وكي عاودتو نجحلي

miri_27 · 2012-03-08, 08:54

اهلا حبيبتي وكل عام و انت بخير الوصفة ناجحة وسهلة فقط قولي لي كيف حضرتها و انا في الخدمة

*ام رامي* · 2012-03-08, 09:41

معلش اختي ياما نفشلوا في التجارب الاولى ومادام نجحت مع غيرك مثال اختي الصوامعية تاكدي ان الوصفة صحيحة وحاولي تعفي السبب
وكيما قالت اختي سمراء الدنيا قد يكون السر في ادق التفاصيل
بالتوفيق المرة الجاية

دهيبه · 2012-03-08, 13:04

ماتتقلقيش اختي ممكن المشكل في السميد او الفرينة بلاك ماهومش نتاع مسمن حاولي مرة اخرى و انشاالله ينجحلك انا ندير الفرينة وحدها ومانديرش الخمارة و نخليها ترتاح من نص ساعة الى ساعة و نخدمو و يجيني شباب

بشرى2008 · 2012-03-08, 13:13

انا ندير المسمن دايما بلا ماندلك ممكن المشكل راهو فى الدقيق لازملك هاداك الرطب المليح خاطر كاين انواع كي تجي تفتحي فيه العجينة تتقطع

nari21 · 2012-03-08, 16:40

مشكورون حبيباتي لكم مني الف شكر وتقدير انا دائما نجاحة في تطبيق وصفات الزميلات والحمد لله دائما ناجحة وهده المرة للاسف روبما السباب في السميد والله اعلم سوف اعيد الكرة حتى انجح فيه شكرا للمرة الثانية
وعيد مبارك لكم ياسيدات الجزائر الرائعات

نصيرة أمي الحبيبة · 2012-03-08, 19:17

احيانا المشكل في الدقيق كي ميكونش رطب راح يفسدو حاولي سيري الدقيق في سيار رقيق نحي الخشين و استعملي غير الرقيق
او راني حطيت طريقتي في المسمن بصح انا ديالي دلكتها
ان شاء الله المرة الجاية تنجح

nari21 · 2012-03-09, 00:56

مشكورة حبيبتي