الخدمة الوطنية في شرشال

aissa8787 · 2012-03-19, 16:21

السلام عليكم
جاني الاستدعاء الاول
الى شرشال
من منكم راه معايا في هذي الكازيرنا
ومن عنده معلومات عليها

djillali2010 · 2012-03-19, 16:33

من أفضل الثكنات... وما فيها تعب كبير.... ولكن بعد فترة 06 أشهر.. التحويل يكون في مناطق صحرواية في أغلب الأحيان ... عموماً مليحة

وتر الأمنيات · 2012-03-19, 16:47

واحد ما يخلعك
العسكر كامل كيف كيف .... التعب توجور كاين .... مالا عمل على ربي وما تحط حتى حساب

عبد الوالي · 2012-03-19, 17:19

شرشال فيها القيادات بزاااااااااااااااااااااف
جنرااااااال رئيس المدرسة
اللي هما في رتبة عقيد كاين بزااف
اللي هما في رتبة رائد ما تقدرش تحسبهم
رتبة نقيب عددهم و كأنك في مدرسة ابتدائية
ملازم اول و ملازم متعييش روحك تحسبهم
و زد على ذلك شرشال تستقبل ضيوف كبار محليين و دوليين من حين لآخر

على هذا في أكاديمية شرشال كل شيئ يمشي على الشعرة صغيرة بصغيرة

شرشال مليحة لانها مدرسة و مثل ما قالك الاخ العسكر ديما فيه الخدمة
و انا شخصيا ديما انفضل المدارس على الثكنات و الله اعلم

j-med · 2012-03-19, 18:18

ما هو الفرق بين ثكنة و مدرسة اخي ؟ و ما هو عملنا بالظبط اثناء الخدمة الوطنية ؟ و التدريبات هل نتدرب على الاسلحة ام ماذا ؟

عبد الوالي · 2012-03-19, 19:49

اقتباس:

المشاركة الأصلية كتبت بواسطة j-med

ما هو الفرق بين ثكنة و مدرسة اخي ؟ و ما هو عملنا بالظبط اثناء الخدمة الوطنية ؟ و التدريبات هل نتدرب على الاسلحة ام ماذا ؟

الفرق هو واضح اخي فالمدرسة تشرف على تخرج ضباط و طلبة صف ضابط في مختلف التخصصات ، كل مدرسة و تخصصها الخاص بها
فمثلا لدينا :
الأكاديمية العسكرية لمختلف الأسلحة بشرشال تشرف على تخرج ضباط القوات البرية
المدرسة الوطنية للاشارة و الاعلام و الاتصال بالقليعة ولاية تيبازة
المدرسة الوطنية التطبيقية للدبابات باتنة
مدرسة قوات الدفاع الجوي عن الاقليم الرغاية ولاية الجزائر الخ .... فالمدارس كثيرة جدا

اما الثكنات فهي ثكنات عمل (عمل مخصوص ) و ليس ثكنات تكوين تخصصي
فالطالب او العسكري بعد تخرجه من المدرسة يباشر عمله و حياته العسكرية في احدى ثكنات الجيش الوطني الشعبي

* اما عملك فهو عادي على حساب واش درت الستاج و على حساب الميتاسيو و كل واحد و زهرو ، كاين اللي ظل قاعد ميدير والو و كاين اللي يخدم خدمة تع 5 رجال ، و سواء هذا ولا هذا في الأخير كل شيئ جايز و تسلك بالسلامة ان شاء الله

* اما التدريبات اخي في بداية الستاج تقريبا هي نفسها ( وين تروح كيفكيف ) تدريبات بدنية سبوووووور و امور عسكرية مثل التعرف على مختلف الاسلحة و كيفية استعمالها و كذلك الرماية و هي 6 اشهر خلاصت او 4 اشهر تع ستاج على حساب الرتبة

nino2610 · 2012-03-20, 01:45

الحمد لله فوتناها و تهنينا

بالبراكة عليكم تفوتوها و تروحو في رحمة ربي