مشكلتي مع زوجي

[مشكلتي]

السلام عليكم ورحمة الله وبركاته

الى يلقالي حل ندعيييييييييييييييييلو في ظهر الغيب

متزوجة عندي 7سنين تزوجت زواج تقليدي مانعرفو ما يعرفني

والحمد لله لقيتو شخص لاباس عليه يكفيني أنه مدين لكن عقليته خلاتنا ندخلو في روتين مابقاش بينا حوار

والمشكلة في الأول أنا بديتها معترفة لكن للأسف هذي هي طبيعتي
زوجي ولفتو مانسألش ومانطلبش حتى حقوقي
واش يقول هي وخلاص

عام يجيب عام حتى لقيتو حوايج ماينتبهش ليهم
مانظلموش ونقول باخلني لالالالا لكن ظروفنا المادية للأسف تدهورت الأعوام الأخيرة
والله ماعندي مشكل من هذي الناحية عادي ربنا الرزاق

لكن للأسف ضركة نسقسيه ياااااااااكلني عندي 3أيام حكا أمر وجاء سؤال تلقائي قتلو وشحال مازالو يسالولك لأنه عليه الدين
كلالالاني قالي وعلاه تنبشي ؟؟؟ وعلاه حابة تعرفي؟؟
فهموني ياخاوتي أنا وشكون حتى مانعرفش ؟؟؟
لازم مانسألش ومانحبش نفهم
قتلو راني نسقسي على حاجة خاصة بيك ماشي بفلان وعلان
وامور كثييييييييرة أنا اخر من يعلم
حتى في أمور أهله أنا حالفة أصلا ماندخلش مع أنه كاين امور تخصني ومايشاورنيش فيهم أصلا ومانسمعش بيهم حتى يصراااو

لكن قلت يبقاو اهله وان شاء الله ماندخلش ومانفتحش فمي حتى وحقي ضاع عند ربي مايضيعش

قولولي كيفاه نتعامل معاه تعبت لازم مانسقسيش المشكلة الان حتى في أمور تاااافهة لازم مانسقسيش المهم مانطلبش منه مانقولولش وين رايح ؟؟ واش رايح دير في ذيك الحاجة ؟؟؟



نحب نحكي معاه في أمورنا متمنية نتناقشو وهو لاحياة لمن تنادي
كان مانهدرش انا مايهدرش عليه ياكل ويرقد وخلاص

بالاك كاش وحدة فيكم جربت ولا تعرف حل تقولي
انا الله غالب ماقدرتش

وماعرفتش كيفاه نتعامل معاه لأنه للأسف ولفتو وفعلا يقولك راجلك على ماتولفيه قاعدة صحيحة

[- بصمة خير -]

شوفي كي سقسيتيه على الدين ردة فعلوا عادية بالنسبة لرجل -> ممكن شافها نقص قدامك و هو المسؤول على البيت وووو راكي فاهمتني

يعني ماتزيديش تسقسيه على الدين

المشكل الاخر و الله مش فاهماتو مليح و لكن فهمت حقوقك ماتقدريش تقوليلو عليهم

النقود -> راكي انت اعلم بحالتو يعني ماتطلبيش بزاف و اكثر من طاقتو
العائلة تاعو -> ابقاي بعيد على المشاكل تاعها خير و الله أحسن
حقوقك اخرى تخرجي تروحي لأهلك أو أو .... -> قوليلو و اهدري معاه في الوقت المناسب و بالعقلية برك في الاول ممكن يرفض لانو تغيرتي ماشي موالفة و لكن بالوقت بتعود عليك

أهم شي كي يتقلق اسكتي اسكتي اسكتي ماتهدري معاه حتى كلمة

اشغلي نفسك بحاجة أخرى اذا ديري الكروشي و الا ... أخدميهم ديري هنا في المنتدى علمي البنات
و الا تعلمي -> يعني ديري حاجة خاصة بيك انت برك تشتغلي بيها و مايكونش هو معاك

كي يجي من الخدمة راهو يجي تعبببببببببان يعني أكيد مش رايح يهدر معاك

و تاني شي قولتي ظروفكم شوي مش مليحة هذاك واش راهو شاغل بالو يعني شوفي طريقة تنسيه في المشاكل هذه كي يكون في الدار


قولتي 7 سنوات يعني النتيجة طول شوي باش تبان

+

اقراي الكتب اللي تحكي على الزواج و عقلية المرا و الراجل

+
الدعاء أخر الليل نوضي قبل الفجر بنص ساعة و صلي و ادعي
و الا ارقدي و انت متوضية و اذا فطنتي في الليل ادعي و ادعي و ادعي

و كاين دعاء الدين حوسي عليه و ادعي بيه

+

ربي يوفق و يحفظلك زوجك
و ان شاء الله نكون أفدتك

+
اللهم صلي و سلم و بارك على سيدنا محمد

[alouani]

اختي الكريمة أهلاو سهلا بيك
سجلت الدخول خصيصا لأرد
حالة زوجك حالة صعبة جدا
بالعامية لازم تراعي الوقت اللي تهدري معاه
ماشي كيما يدخل ديراكت
تهدري معاه خلي يفطر و ريحوا مع بعض شوية شوية كاس آتاي نتيا الديريه بلا مايقولك
بشوية بشوية فهميه بلي أنتي هي كل شيئ في حياتوا
و فهميه بلي كي تزوجتيه تزوجتيه باه توقفي معاه في كل محنة
بإختصار راعي الوقت و الظروف اللي تهدري فيهم
لازم يكون مرتاااااح و أكيد راح يجي يوم فرحان ولا على الأقل
بدون أي مشكل تماك أهدري معاه
و صلي و أقراي القرآن ربي يفريهالك أختي الكريمة
ربي يكون في العون و تتصلح أمور زوجك و يفرج همك و هم كل المسلمين يارب

[sarl02]

اكيد السبب في كل هذا التوتر في علاقتكما هو تدهور الوضع المادي ...والراجل الي نفسه عزيزة ما يحملش وما احسش بيها غير الي مربهذا الفترة ..ان شاء الله ربي افرج احوالكم عن قريب.

[بني بلعيد]

ما في اليد حيلة ندعو لكما بالتغلب على مشاكلكما، والله يكون في عونكما.

[chihab13000]

..........................
المهم نحكوا في الجد أنا على حساب ما حكيتي عقليتوا كيما عقليتي يليق تختاري وقت مليح باش تناقشيه و تتكلمي في المشاكل الي هو ما يحسش بيها كيما راكي تقولي وانت راكي تعرفي راجلك وقتاش يكون راشقتلو هادي وحدة
الزاوجة هي أنك تجبدي عليه شويا صوميه كيما يقولوا ماشي ما تحكيش كامل بصح احكي بالعبر 1+1=2 هاكدا غادي هو يحوس يشري الهدرة معاك و مين تحسي بيه باغيك تتكلمي تم ديري النقاط على الحروف ما نيش نقولك دابزيه بصح عيشي حياتك معاه نورمال وولفيه على سكاتك هاكدا غادي هو يتوحش كلامك حنا من نوع الي نحبوا des fois اسكات ويديرونجيونا les questions ونقضيوا صوالحنا بينا بين رواحتينا المهم يكونوا في الخير وبالعقل وessyéé maximum تبعديه على المشاكل ماشي تفكريه بيهم كيما شحال راهم يسالوك....إلخ بالعكس ادعيلوا ربي في صلاتك باش يفرج عليه ويصلح رايوا
والثالثة ربي يوفقك وتتهناي معا راجلك أبو ولادك....الدنيا متاع وخير المتاع الزوجة الصالحة....صدق رسول الله صلى الله عليه وسلم

[السيدة كرمين]

موضوعك عزيزتي

يحتاج جلسة و حوااااااااااااااااااااااااااار

بهدوء و بلطف وانتي اكيد تعرفي تختاري الوقت المناسب

أطلبي منه أن يسمعك

وفرغي قلبك

وما يخبرك به اعمليه

وان شاء الله تكوني مرتاحة

[مناد بوفلجة]

أظن أنها فقط حساسيات عابرة

ستصفى الأمور مع الوقت إن شاء الله