مواد الحفظ

samira 1993 · 2012-01-20, 20:47

السلام عليكم..
جماعة حبيت نسقسيكم كيفاش راكم مع مواد الحفظ اسكو راكم تحفظو من درك و لا راكم مخليينهم حتي اخر الفصل الثالث...

قولولي كيفاش راكم اديرو ...خاطرش انا ماراني حافظة حتي درس..
او زيد اللي راهي مخوفتني الفلسفة كيفاش تديرو....نحفظو كامل امقالات بزاف ...ربي يستر و خلاص

AmArJsK · 2012-01-20, 20:53

وعليكم السلام
نظن بلي الا تبداي تحفظي من غدوة احسن لان الدروس سوف تتراكم عليك اكتر
اما الفلسفة لا انصحك بالحفظ افهمي المقالة جيدا او اخصيها واخفضي الملخص
احفظي فقط اقوال والعبارات المهمة جدا
موفقة

AmArJsK · 2012-01-20, 20:53

هده طريقتي اتمنى ان اكون قد افدتك
+ انصحك بمطالعة المقالات من اجل الافكار الجديدة والرصيد الغوي

رانيا3 · 2012-01-20, 20:56

الان حاولي تفهمي دروس الحفظ اقرايها جيدا لازم تكوني علابالك كل درس وش فيه كعناوين دون ان تحفظيها كلمة كلمة و قبل ما تمتحني بشهرين احفظيهم كلمة كلمة تجيك ساهلة وما تنسايهاش بويسك اكي فاهمتهم وعلابالك وش كاين . والمفروض تكوني ماخدة تجربة منالسنوات الاخرى تخليك تعرفي روحك وقتاه تبداي تحفظي باه ماتنسايش وبالتوفيق ان شاء الله وربي ينجحك وبمعدل عالي

zizou93 · 2012-01-20, 21:01

الاخ عندو الحق مي مانكذبش عليك انا مازلت ما حفضتش درت برنامج وراني نحاول نطبق فيه و الفلسفة تجنبي الحفظ عن ظهر قلب (الا اذا قدرتي) افهمي الدروس هزي رؤوس اقلام و احفظي اقوال الفلاسفة و اكتبي مقالات باسلوبك (انا خايفة من اللاجتماعيات خاصة التواريخ نخاف نبدا وننسى باسكو انا مصيبة ننسى ليه ليه )
ربي يكون في عوننا

AmArJsK · 2012-01-20, 21:05

الحفظ صباحا احسن
+لتفادي النسيان التكرار والتركير
كاين لي يقلل من قيمة التكرار بالعكس هو مفيد جدا يخليك تفهم الحاجة من اعماقها

zizou93 · 2012-01-20, 21:16

والله عندك الحق انا نتهاون فالحكاية تاع التكرار و هعمبالي بلي هي مفتاح النجاح وزيد درك نحاول نوض بكري الصباح انا عموما نشتي نقرا فالليل باسكو نحس قدامي الوقت بزاف يعني ليل كامل مانخافش نقرا وانا مرتاحة و مالقري النهوض فالصباح عندو فوائد مي انا العوج بعينيه
شكراااااااااا

AmArJsK · 2012-01-20, 21:30

ختي لي تساعدك ديريها المهم متتهاونيش باش ماتندميش ممبعد
وماتتنسيش قد ماتتعبي راح تلقاي

zizou93 · 2012-01-20, 21:36

شكرا راح نحاول وعد مني باسكو الندم صعيييييييييييييييييب
ربي يوفقنا

samira 1993 · 2012-01-22, 17:52

مارسي بوكو علي ليزيدي ...الصراحة كل يوم نقول نبدا راني لقيت روحي في جانفي يعطيكم الصحة

*عبق الياسمين* · 2012-01-22, 18:07

السلام عليكم ختي من الاحسن تبداي تحفضي من دركا خيرلك....احسن ماتتراكم عليك الدرووووس و تندمي وقت لا ينفع الندم

*رتاج الكعبة* · 2012-02-25, 19:57

ماشاء الله كاين شحال من واحدة راها تقرا بالمراسلة
تعيشوا اللي مجرب الاختبارات تقولي ماهي المواد الي تكون فيها الاسئلة صعيبة
وماهي توقعاتكم في الاسئلة الي يمكن تكون في مادة الفلسفة لانها الاهم
وبالتوفيق

*رتاج الكعبة* · 2012-02-25, 19:59

بالنسبة لسؤالك اختي انا مازال مابديت نحفظ ان شاء الله حتى شهر مارس ونبدا نحفظ غي بشويا