سفنج هشيش

[ام تقوى 34]

السلام عليكم هددا السفنج درتو كي زيدت زوجة اخي ماكانش لي داقو وماقاليش على الوصفة
المقادير
6حبات بيض
2مغارف زيت كبار
3مغارف كبار سميد وفرينة
مغرفة حليب سائل
درة ملح
1 خيرة الحلوى
طريقة التحضير في صحن نكسر البيض ونفصل الابيض من الاصفر نبداو بالابيض نطلعوه بالباتورحتى يولي كيما الثلج
ثم الصفر نحطولو شوية ملح بين صباعتينا والزيت والخليطين الفرينة والسميد لازم يكون السميد اكثر منالفرينة ثم الخميرةونخلط ومنبعد نظيفولو
بياض البيض لي كنا طلعناه من قبل ونحركو من الاسفل الى الاعلى غير بشوية نتحصلو عل خليط متما سك نوعا ما
ندهنو المقلة تاعنا بشوية زيت نحطوها على نار هادئة نفرغو السفنج تاعنا ونغطوها حوالي 10دقائق كي تطيب من التحت نقلبوها تطيب منالفوق نحطوها في صحن نعسلوها مليح وشهية طيبة جربوها ورجعولي بالخبر

[maya t]

mabrouk 3likom

[إكليل]

مبروك مازاد عند أخيك

ليتك أرفقتي المقادير بالصور و ربما هذه التي تتكلمين عليها أعتقدأنها مشوشة .

السفنج عندنا غير يجي مقلي و ما يتعسلش

[ام تقوى 34]

حنا في منطقتنا نقوللها سفنج

[سمية88]

شكرااااااااااااا

[ابتسامة الامل]

نظن هاذي ماشي وصفة سفنج

[ام تقوى 34]

السلام عليكم والله مازال مانعرفش نحط الصور كي جي اختي تعلمني

[إكليل]

المشاركة الأصلية كتبت بواسطة ام تقوى 34

حنا في منطقتنا نقوللها سفنج

أكيد اختي تختلف التسمية من منطقة إلى أخرى فنحن في منطقة الغرب الجزائري عندنا االسفنج هذا هو


و هذي هي مشوشة

[idron0]

بارك الله فيك

[sarah rose]

المقصود بالسفنج في الوصفة هو المشوشة حنا في منطقتنا نقولولو السفنج و لي تسموه نتوما سفنج حنا نسموه لخفاف

[fofa08.ss]

شكرا على التوضيح

[fatisousou]

بارك الله فيك ومبروك على مزيود يتربى في عز والديه انشاء الله

[fofa08.ss]

على كل يعطيك الصحة

[فتاة بريئة]

الله يبارك شاهيتينا

[ام ايمان16]

يعطيك الصحة تقريبا نفس الوصفة نتاعي حنا لبرىيجيات مشهورين بالسفنج نتاع النافس لازم نديروه للنافسة