شكرا منتدى الجلفة

om moha mahdi · 2012-02-21, 15:10

يعطيكم الصحة يا حراير المنتدى نشطونا بزاف انا وحدة من الناس معدتش نقعد خلاص لازم كول يوم خدمة يانحط الكوزينا يانحط الدنيا عدت كل يومين نبدل وكل يوم نجرب في القاطو وعدت ناشطة طول وراني نتبع في الطريقة اللي تنضفي بيها الدار في 30دقيقة بصح اكثر شوي والدار طول نضيفة بصح ماعدتش نحب نروح حتى لواحد يا نخدم الشغل يا نطيب يا نت شكرا اعضاء المنتدى اوشكرا منتدى الجلفة...........................

حبييبة · 2012-02-21, 19:09

أهلا بالحبيبة ام موحا مهدي
الحمد و الشكر لله
لانك لقيتي فايدتك معانا و حسيتي بالراحة بيناتنا
و راكي راضية و مرتاحة
ربي يحفظك و يسترك مالعين
و يدوم عليك هاد النعم
و يزيد و يبارك عليك حبيبتي
و أي شي حاجة راكي محتاجتها
رانا كامل في الخدمة
لبنات عندي الثقة فيهم
أنهم مارايحينش يقصروا معاك حبيبتي
كونك مطمئنة معانا حبيبتي
قبلالالالالاتيييي

Minnnaaa · 2012-02-21, 19:44

rana kamel kifek wraki golti wach konna habin ngoulou chokran mountadana al ghali

om moha mahdi · 2012-02-21, 20:18

يعطيكم الصحة راهي ماعدتش عندي مشكلة حتى في حاجة اي حاجة كانت خاصتني لقيتها عندكم ماديا ومعنوي طياب ولا مع ولادتي ولا مع راجلي ولا في داري اي حاجة كنت قبل نصقصي نسا على حوايج هوما يبينولي بلي راهم خير مني ويعرفو كلش وهوما مايصقصو على والو يعني هوما فاهمين عليا وليت مانصقصي ومانحب نتلاقاهم لانهم يقلقوني بصح معاكم مجال مفتوح حتى كي نكون وحدي نجيلكم انتم ونعم الاخوة والاخوات وحتى ابني مريض وكنت نخمم عليه معاكم نسيت حالتو وخليتها على ربي.

حبييبة · 2012-02-21, 21:41

اقتباس:

المشاركة الأصلية كتبت بواسطة om moha mahdi

يعطيكم الصحة راهي ماعدتش عندي مشكلة حتى في حاجة اي حاجة كانت خاصتني لقيتها عندكم ماديا ومعنوي طياب ولا مع ولادتي ولا مع راجلي ولا في داري اي حاجة كنت قبل نصقصي نسا على حوايج هوما يبينولي بلي راهم خير مني ويعرفو كلش وهوما مايصقصو على والو يعني هوما فاهمين عليا وليت مانصقصي ومانحب نتلاقاهم لانهم يقلقوني بصح معاكم مجال مفتوح حتى كي نكون وحدي نجيلكم انتم ونعم الاخوة والاخوات وحتى ابني مريض وكنت نخمم عليه معاكم نسيت حالتو وخليتها على ربي.

يا قلبيييي
حبيبتي ربي يشفيلك وليدك
و يكون معاك
عندك الحق
حتى أنا عندي بزاااف حوايج
ماكان عندي شكون ندير فيها الثقة
و نسقسيها و تقولي الصح
حتى رجعت لما نتحير واش ندير
نبدا نجرب في كل المواد
حتى نطيح فالمادة اللي توالمني
سواءا في الميناج
ولا فالعناية الشخصية
بالبشرة و الشعر و غيرها
لكن الآن الحمد و الشكر لله
صار عندي خبرة شخصية متواضعة
اختبرتها بنفسي
و راني حاطتها بين يديكم و يدين كل وحدة محتاجة
نوقفوا معاها
ما عندي حتى مشكلة
أنا في الخدمة

souhir69 · 2012-02-21, 22:00

اهلاو سهلا بك حبيبتي ام مهدي بيناتنا راكي فوق الراس و العين و الله يشافيلك وليدك و يعافيه
نقولك حاجة انا تاني لقيت روحي وبلبزاف في هذا المنتدى الرائع و كامل المسؤولين لي راهم قايمين بيه باكمل وجه
الله يعاونهم و كامل البنات الله يحفضهم و بالخصوص حبوبتي حبيبة الله يجازيها و يرزقها بوليد الحلال
و يرضي عليها الوالدين امين مشكورة

om moha mahdi · 2012-02-23, 08:23

الله يحفضكم يا حبيباتتي ويخليكم ليا ونشالله دزيدو تنوروني اكثر واكثر

ام مرية · 2012-02-23, 09:24

منتدى الجلفة كلش فيه وربي خليلنا الحبايب

ام نافع · 2012-02-23, 15:15

شكر لكم جميعا والله لقداستفت انا كتير منهدا المنتدى

om moha mahdi · 2012-02-23, 17:22

انا عدت مدمنة على المنتدى عدت حتى في الخدمة حالة المنتدى