كــــــــــــــــاين و كـــاين .......

[كيف احزن و الله ربي]

كاين الغالي و كاين الرخيص
كاين الزيرو و كاين الديس
كاين الملايكة و كاين بليس

كاين لي وجهو صحيح..موالف بنيفو يطيح..الرجلة عندو غير الريح...مجتهد فالرخص مليح

...كاين لي خاطيه وعاقل..درقاز على نيفو يقتل.مولا كلمة فحل و راجل.عمرو ما يظلم فالباطل

كاين لي يقسر فالسترة .ما يبوجيش تحسب حجرة..خاطي الخلاط و خاطي الغدرة..تديرو على جرحك يبرى

كاين مولا عشرة وجوه..يشيت باه يولو يبغوه..خلاط غير باه يعطوه..ياخي باين قع نعرفوه

كاين لي على ربي تاكل..ما يتقلق و ما يتمسكن..يستر لغاشي ما يخذل..ما يستشفى ..ما يستخبر

كاين لي وجهو مغسول..لا حيا غير زادم طول..حاسب الغاشي بهلول..ادا شبع يوليلك غول

كاين لي بالعكس مسقم.ما يهدر والا هدر يخمم..مربي مادب و يفهم..يقادر الناس و يحشم

كاين لي على الناس يعاير..يقطع و يمنشر فالغايب ..كل يوم داير روحو غالب..هوا هكدا رخيص و سايب

كاين لي يشوف ما يهدر..ما يدخل روحو ما يحصل..يقول ل الناس انا ماصل..ايه اهدر يا حبيبي غير كمل



اخوكم عصام