وينكم يا نسا الشرق على الملوخية

om moha mahdi · 2012-02-16, 19:05

انا درت عشاية ملوخية نكمل نطيب الكسرة وبعد نجي نعتلكم الطريقة تاعي يله انتم كل واحد يكتب طريقتو بعد نجيكم.

om moha mahdi · 2012-02-16, 20:09

غدوة نشالله نديرلكم الكيفية تاعي تاع الملوخية وانتم ثان قلولي على الكيفيات تاعكم لانها عندها اكثر من طريقة انا عندي طريقة وامي ربي يحفضها عندها طريقة غدوة نشالله درك راني لاتية .

my lamis · 2012-02-16, 23:05

يطيك الصحة ختي و بصحتكم
أنا منقولكش كيفاش نطيبها
لخطرش جامي طيبتها و لخطرش منحبهاش
يصح نتعلمها منك بالاك يكتب ربي و نديرها و لا نفيد بيها كاش وحدة في منطقتنا
الأم تاعك باينة أنوشة كي طيب الملوخية ربي يطول في عمرها

mariaa · 2012-02-17, 11:24

نقدملك طريقتي تقلي اللحم تاعك مع الزيت و التوبل عادي +حبة طماطم مرحية+مغرف طماطم مصبرة(لا حبيتي)
ومن جهة اخرى تاخذي الموخية وتضيفيلها الزيت حتى تولي كالكريمة و تحركيها على نار هادئة حتى تعمل فقعات ـ تقليها ـ
بعد ما تقلى اللحم ضيفيلو الملوخية المقلّية و امرقي بالماء الساخن مرة وحدة تقريب ( 2 لتر)
تطيبيها على نار متوسطة و تحركي مرة على مرة باش ما تلصقش كيتشوفي الزيت بدأت تطلع على سطح الملوخية يعني راها كملت الطياب انشاء الله تكوني فهمتي عليا أختي
وبصـــــحــــتـــك

om moha mahdi · 2012-02-17, 12:11

اختي هذه طريقة من طرق عمل الملوخية انا عملتها وصورتها والعشية نشااله نجيبهالكم لانو مانقدرش ندير اكثر من موضوع خلال 24 ساعة وشكرا.

hadil 26 · 2012-02-17, 13:52

bsahtkem khti, ana nmouuuttt 3la lemloukhia ma3roufin biha nas guelma.

rimanou · 2012-02-23, 14:31

السلام عليكم و رحمة الله و بركاته حنا نديرو ثوم نكترو فيها على خاطر تجي بنينة+ البصل شوية برك ماشي بزاف الزيت ملح و فلفل كحل و تابل وكروية و تحطيهم يتقلاو و مبعد تمرقي بالما سخون و من جيهة و حدوخرة ديري لملوخية و تزيديلها الزيت حتى تولي كي لكريمة و كيتشوفي المرقة غلات تحطي لملوخية و تحطي معاها حية طماطم تكوني حليتيها شوية و تخليها الطيب و تحركيها مرة على مرة باش ماتلصقش و كي تشوفي الزيت طلع للسطح طفي عليها على خاطر طابت و نطيبو معاها كسرة مطلوعة ممم تجي هايلة و شهية طيبة

مطيعة زوجي · 2012-02-23, 15:52

كي سمعت اسمها لعابي سال هههه انا نموت عليها هي احسن طياب ليها يكون بالكرشة تا الخرف والمصارن تاع
لا حت بالدجاج بصح الدجاج كي يطيب يروح فيها خاطر هيا تدي وقت طويل وهي طيب انا نديرها هك
نجيب الملوخية نحطها في اناء نصب عليها الزيتحتان تعد كي الكريمة نحط البصلة اللحم والتوابل والتوم بصح ما تكت
تكتريش وحطي الملخية وهي كاين الناس الي يحبوها بالزيت بزاف وكاين الي مايحبش انتي وذوقك
النصحيه الذهبية تاعها هي انك كي تقرب طيب حطيلها التوم والتوابل التونسية خاطر الي حطيناهم في الاول يكن الطعم تاعهم
راح من كثرة الغليان فهمتي علاه قلتلكم ما تكتروش في الاول خاطر تفقد طعمتها والله نكتب وسخفت خلاص وكي تخرج الزيت من فوق يعني طابت

ام انس5 · 2012-02-23, 17:56

انا عمري ماطيبتها مادابيا اختي تحطينا الطريقة مع الصور .حبيت انجربها .
توحمت عليها في وليدي انس وطيبتهالي صديقتي مزوجة مع تونسي وجات بنينة كل خطرة اطيبلي اكلة من الاكلات التونسية ربي يحفظلها ولادها ويجعلها في ميزان حسناتها ان شاءالله.