لو قال لك اعز انسان والله مانسامحك وكيلك ربي

yacinevisa · 2012-03-02, 11:00

السلام عليكم ورحمة الله وبركاته
الصلاة والسلام على المصطفى الحبيب.
اخواني الاعضاء أرجو أن تفيدونا بأرائكم في هذا الموضوع
بلا شك أنو كل واحد فينا عندو صديق عزيز عليه أو حبيب وما أكثر انواع القصص والعلاقات اللي تجمع بين شخصين صداقة كانت أو حب وربما في هذ الفترة أكيد راح تتقاسمو الحلو والمر واكيد راح يكون اختلافات صغيرة وكبيرة وقادرة تكون حتى نهاية للعلاقة اللي جمعتكم واكيد راح يكون واحد ظالم ربما هو يعلم لاه انهى العلاقة لكن الطرف الثاني راح يحس انو مظلوم وأكيد هو مظلوم والشي المحير انو الظالم ماترك حتى فرصة للطرف الثاني وماشرحلوش حتى الشي اللي دارو هنا المظلوم راح يسلم أمرو للمولى ويوكل أمرو ليه.
واش راح يكون رايك اذا كنت انتَ أو أنت, هذا الظالم وخاصة إذا قالك المظلوم ***[color="red"] وكيلك ربي عمري ما راح نسمحلك[/color] ***
أكيد حاجة صعيبة بزااااااف.
اللقاء مليح بصح لفراق........
شاركونا بأرائكم وأرجو أن تفيدونا بأفكاركم

السَّحابة البيضاءْ · 2012-03-02, 11:17

لا اله الا انت سبحانك اني كنت من الظالمين

بصراحة كلمة صعيبة صعيبة صعيبة صعيبة الله لايوصلني اني نخلي شخص يقولهالي

بصح لازم نقلك حاجة هاذي كلمة وكيلك ربي كلمة كبيرة تقال عند الاحساس بالظلم الشديد

راني نلاحظ بلي اي شخص تقلوا زيد لهيه يقلك وكيلك ربي يعني حتى معنى الظلم تغير عندنا

انا بطبعي نطلب السماح كي نحس روحي غلطت ومرات الامر يكون لايستحق حتى

imi02i · 2012-03-02, 11:23

السلام عليكمـ ورحمـة الله وبركـاته

أنـا لا أظلم أحدا ... لكن إذا قيلت لي هاته الكلمـة لن أبالي بها

وربي يحاسبني على اثنين من الناس

ومهما فعلت فلن أوفيهم حقهم

أمي وأبي وبس

وعلابالي ميقولوهاليش

محمد غيزة · 2012-03-02, 11:51

ان التمست السماح من ظلمت ولم بعرك اهتمام لا تذهب وتتركه بل التمس السماح للمرة الالف لانك ظالم
ربما بظلمك له لقد تركته يبكي دموعا لقد عاش احزان بسببك
ان اسر على موقفه فاتركه واذهب انت فعلت ما عليك ......................

داعي الله ياسين · 2012-03-02, 11:53

اقتباس:

المشاركة الأصلية كتبت بواسطة imi02i

السلام عليكمـ ورحمـة الله وبركـاته

أنـا لا أظلم أحدا ... لكن إذا قيلت لي هاته الكلمـة لن أبالي بها

وربي يحاسبني على اثنين من الناس

ومهما فعلت فلن أوفيهم حقهم

أمي وأبي وبس

وعلابالي ميقولوهاليش

معك حق أخت إيمي

لو كان أعز الناس صَح ...

ماراح إيقولك هكاك ...

رب يحفظلِ أعز الناس إليّ...

من بينهم أنتمـ

رزان. · 2012-03-02, 12:08

دائما أحاول و أسعى حتى لا أظلم أحدا و إن كان دون قصد الله غالب . ودائما قبل نومي أحاسب نفسي عن كل تصرفاتي اليومية و أتساءل إن كنت قد أخطأت في حق أحدهم ؟؟؟ المهم النية الصادقة
أتمنى أن لأ أقع في موقف كهذا أبداااااااااااا و بدوري أتمنى أن لا أقولها لأي أحد حتى و لو ظلمني فقط أطلب من الله أن يعينني على ذلك

المسامح كريـــــــــــــــــــــــــم

imi02i · 2012-03-02, 12:11

اقتباس:

المشاركة الأصلية كتبت بواسطة داعي الله ياسين

معك حق أخت إيمي

لو كان أعز الناس صَح ...

ماراح إيقولك هكاك ...

رب يحفظلِ أعز الناس إليّ...

من بينهم أنتمـ

آمين يارب العالمين
شكرا لكـ وباركـ الله فيكـ

wafa kabylie · 2012-03-02, 14:14

se3iba bazzzaf bazzaf baazaaaaaaaaaaaaaaaaaaaaaaaaaaaaaaaaaaaaaaaf

hadjer h · 2012-03-02, 16:50

السلام عليكم
اخوتي هاد الكلمة صعيبة بزاااف وانا خايفة منها خاطر غلطت في حق اعز اصدقائي بصح والله ماكنت نقصد وصديقي مالقيتوش وقافل البورتابل تاعو وحابة نطلب منو السماح
ادعولي مايقوليش الكلمة هادي
وشكرااااا اخي على طرحك للموضوع

أحلام سرمدية · 2012-03-02, 17:01

يقولوا ناس بكري
بات مظلوم ولا تبات ظالم
اكيد هاد الكلمة راح يكون لها اثر كبير علي
لكن دعنا نعكس الامور
ماذا لو انك من ظلمت وسكتت ولم تقل شيئا ما موقفك حينها

سحر الغروب · 2012-03-02, 17:10

عادي اين الاشكال؟؟؟؟؟؟؟؟؟؟؟؟؟؟؟؟؟؟؟؟؟؟؟؟

yacinevisa · 2012-03-05, 20:40

شكرا على ردودكم جميعا

BAROUD · 2012-03-05, 20:43

ربي خير
!!!

2012-03-05, 20:50

السلام عليكم
أكيد يأنبني ضميري بزاف
وميش راح نرقد مرتاح
ونتفكر واش را ح نلقى يوم الحساب
ومانرتاحش حتى نصحح الموقف
ونطلب منو إدا كنت ظالم السماح وقبل من داك نطلبو من ربي
أما إدا منيش ظالم جيني عادي لأنو ضميري مرتاح
والحمد لله لحد لآن ماسمعتهاش ونشاالله ما نسمعهاش
دعوة الظالم مستجابة
اللهم لا تجعلنا من الظالمين

yacinevisa · 2012-03-08, 18:15

اقتباس:

المشاركة الأصلية كتبت بواسطة ربــ17ـــــاب

لا اله الا انت سبحانك اني كنت من الظالمين

بصراحة كلمة صعيبة صعيبة صعيبة صعيبة الله لايوصلني اني نخلي شخص يقولهالي

بصح لازم نقلك حاجة هاذي كلمة وكيلك ربي كلمة كبيرة تقال عند الاحساس بالظلم الشديد

راني نلاحظ بلي اي شخص تقلوا زيد لهيه يقلك وكيلك ربي يعني حتى معنى الظلم تغير عندنا

انا بطبعي نطلب السماح كي نحس روحي غلطت ومرات الامر يكون لايستحق حتى

شكرا على ردك اخت رباب
وبالفعل كلمة صعيبة بزاف وتقال عند الاحساس بالظلم الشديد