ساعدوها و لو بنصيحة

[مشكلتي]

السلام عليكم
اردت اليوم طرح مشكلة خاصة جدا لانها تخص قريبتي
تزوجت بعد خطبة العام و فاتحة دامت ايضا عام كل شئي كان على مايرام السعادة و الكمال الواضح لكلا الطرفين
الا انها اليوم تشكو الابكاء و الحزن الدائم
زمان كان الكلام المعسل و اللطف الشديد
اليوم بعد قرابة الاربع اشهر زواج بكاء و غيظ و حسرة لمادا؟ هي تسال
انتقادات تعليقات تؤدي المشاعر اسلوب تهكمي اصبحت لا تدري مع من تعيش هل فعلا هادا هو الشحص الدي كان يناديها ب الكبيدة
تحاول ارضاءه بشتى الطرق لباس تغنج كلمة طيبة اكل طيب نصح ارشاد و و و
مادا تتلقى بالمقابل علاش لابسة هك تباني,,, وش بيه شعرك واش هاد الكوب تباني,,, كل يوم تبدلي الديكور وش هبلتي,,, وش هاد البلا تاع العشاء جديد ربي يستر لا تكوني حاطة فيه السم ههه,,, واش بيها كرشك خرجت وليتي برمة و هي مسكينة غير زيادة طفيفة تصيب كل العرايس تقريبا ,,,وش هاد الحبة لي ناضت فوجهك افقسيها ما نحبش نشوفها و النساء خلقهم رربي هك ربي ادرى,,,تبقا شويا ماكلة ماتحبش ترميها تاكلها واش هادا تقضي على الاخضر و اليابس,,,
و
و
كي حكاتلي مسكينة قتلها ربي معاك و نشوفلك ناس المنتدى الكرماء ربما عندهم حلول خاصة المختصين
الانتقاد و لي كريتيك و الزوج النكدي لي ما يشوف غير عيوب الاخرين اما هو كامل مكمل و ادا اشرتي بعيوبه تكوني رايحة تقباحي و رحتي فيها خلاص و تجراتي عليه و و و
انتظر المساعدات و شكرااااا اسمحولي علا الاطالة بصح حطيت كل شيئ قالتهولي باه ندي كل شيئ تقولوه