9 سنوات حب بدون زواج

مشكلتي · 2012-02-12, 13:22

انا فتاة عمري 24 احب شخص منذ تسع سنوات منذ ان كان عمري16 سنة وهو يكبرني باربع سنوات. وهذا لعام الاول في المجال العملي.وهو لم يحالفهم الحظ ان يشتغل في الفترة الحالية يشتغل عقود ما قبل التشغيل.جاء الى منزلنا الف مرة لكي يخطبني لكنهم رفضوه بسبب عدم توفر لديه منصب شغل دائم.وفي هذه النقطة اشاطر اهلي الفكرة.لكن ليس لديا الجراة لكي اصارح حبيبي.لو صارحته بعدم اقتناعي به حتما تاتيه سكتة قلبية.هو يفعل كل شيء من اجل ارضائي واسعادي
ماذا افعل؟

ما وراء الطبيعة ؟؟؟؟ · 2012-02-12, 15:38

أقبلي به على حاله أو كما هو ................أي بدون عمل دائم...........

أو أنهي الأمر وكل يذهب في طريقه.........................

أنت تضعين حياته وحياتك بهذه الطريقة....................

وخاصة أنت لما يعرف الناس بعلاقتك السابقة............مع هذا الإنسان............

بصراحة أأكره ما في الوجود الخداع............

أجلسي ما نفسك وفكري وقرري ................

يا حمراء يا بيضاء............................

ربي يهدي الجميع

حنان شلفية · 2012-02-12, 16:06

السلام عليكم
شوفي اختى الا راكى مقتنعة بهدى الشخص وانتى مقتنعة بحياة معاه وهو بدون عمل وقادرة على تحمل مسؤولية وانتى على يقين انا الناس راه تخدم 2 خدمات ومقدروش على مصروف
شوفي اختى ديري استخارة وان شاء الله مايخيبش ضنك

z.abdo · 2012-02-12, 16:36

انصحك لو تحبيه صح اقبلي بيه للخطوبة فقط بدون زواج واصبري حتى يخذم
لو تفتارقو اكيد راح يصرا لأحدكم شيء أو الثنان وربي يجيب الخير

صباح الامل · 2012-02-12, 17:01

شوفي اقبلي ومادام راه بديبلومو يجي نهار ويخدم اصبري عليه الوقت هذا الرجال مكاش تاع الصح واش يعرفك انتي رايحة تلقاي اخر يحبك ويديرك في عينيه كيفو
ادعي ربي يسهلكم وراه كلش يجي بالشوي
اختي تزوجت بواحد متخرج ويخدم عقود كي فتحت راه ضابط ذرك

شهد حنان · 2012-02-12, 18:10

9 سنوات لو كان تزوجتو راه عندكم ولاد

اختي اذا راكي مقتنعة بيه اقبلي والفتاح ربي سبحانو واذا مراكيشمقتنعة انهي العلاقة

أم أنس الجزائرية · 2012-02-12, 18:27

هناك حلين,

إما أن تفترقا نهائيا لأن طول هاذي المدة أكيد وقعتو في مخالفات شرعية ,ولو لم تكن هناك معصية إلا النظر لكفى...
والحل الثاني هو في أقناع أهلك به,فإذا كان ذا خلق ودين فسيتولاكما الله وأكيد ماراحش تموتي بالشر معاه,ثم هل المنصب والمال من يصنع السعادة؟ليست هذه شعارات الغرب لكن شعارنا نحن المسلمين قبل أن يكون شعارهم,كن مع الله ولا تبالي,وإذا تزوجتيه للعفة فستأجرين بحسب نيتك,ثم دعينا ننظر في شعارات الزمن هذا..ألم تقولي انك تحبينه؟آسفة حبيبتي,لكن لا أظن ذلك فلو كان حبك صادقا لوافقتي عليه بحاله هذا,زوالي بصح المهم العيشة حلالية..

ربي يوفقك أختي وآمل أن تحل مشكلتك

محبتي

محمد غيزة · 2012-02-12, 18:40

اختي العزيزة هل تريدين ضرب 9 سنوات من التفاهم والحب عرض الحائط
ان كان هذا الشاب لايعمل الان فربما سيفتح الله عليه يوا ما ورما انت تريدين المال قد ياتي رجل اخر بامواله و يتزوجك لكن تعيشين معه وانت تكرهينه او بالاحرى متعلقة بشخص اخر الفاصل الوحيد غلى عدم زواجكما هو المال
ان رفضته لسبب اخر لديك كل الحق لكن من اجل المال لا تخطئي اختي
وانتظري وادعي الله ربما تفتح الابواب مادام تقدم الى اهلك فنيته صادقة

- بصمة خير - · 2012-02-12, 19:26

اقتباس:

لو صارحته بعدم اقتناعي به حتما تاتيه سكتة قلبية

اذا فهمت مليح انت راكي حابة تحبسي العلاقة هذه

لانو ممكن راهو يجيط خطابة أحسن منو و انت عمرك 24 سنة و ممكن هذا الشخص يطول باش يجهز روحو

ماعلابليش اذا راهو قاري و الا لالا -> اتوقع انو ماهوش جامعي

4 سنوات كبير عليك واش كان يدير ؟؟؟؟؟

اللهم اعلم

المهم انت حابة تصارحيه كوني قوية و اهدري معاه اللي في قلبك ممكن كي تهدري معاه يولي يجد حل بسرعة

صلوا على الرسول افضل الصلاة و السلام

miri_27 · 2012-02-12, 19:29

عزيزتي ماعليك سوى مصارحته او اخرجي انت للعمل و ساعديه فليس هناك عيب ان تساعد المراة زوجها و إذا كنت تحبينه حاولي ان تناقش اهلك انه الرجل المناسب لبناء حياتك و انك سوف تكونين سعيدة بقربه و إبدءا حياة سعيدة و اذا لم تكوني مقتنعة بذلك فماعليكما سوى الافتراق خيرا لكما انتما الاثنينو ربي يكون في عونك

عُضو مُحترم · 2012-02-12, 19:50

امممم

تسع سنوات حُب

في كل سنة يضع مليونين سنتيم على جنب (عادي ليس مبلغ كبير)

يكون لديه 18 مليون

يعاونوه خاوتوا و اصحابو

يقدر يدير عرس بسيط ( عشاة الحلال)

و لاا راني غالط؟؟؟؟

nanou12 · 2012-02-12, 19:53

اصبري معاه ما دام تحبيه.... ما تدري المستقبل واش مخبي ليكم..... و لو انو 9 سنوات مدة طويلة و كان قادر يدبر فيها راسو.
ربي يسهل ليكم

جيهان13091991 · 2012-02-12, 20:05

يا اختي 9 سنوات و هذا وين فقتي بلي مينجمش يصرف عليك , انا كون ججيت في بلاستك نوقف معاه راكي تحبيه اذا ماوقفتيش انت معاه و ماصبرتيش عليه شكون لي راح يوقف معاه عندي صاحبتي 10 سنين هيا و حبيبها و مازال مكتبش المكتوب الامكانيات تاعو ماتسمحش , ثاني حاجة الرزق ماعلابالكش منين يجيه نعرف بزاف ناس زوجوا ماعندهم والو وطلع عليهم النهار و الحاجة لي حبتها مرتو وولادو و ماقدرش يجيبها جابلهم خير منها , و انت ان كنت غير مقتنعة ف اتركيه ما تظلمي روحك ما تظلميه معاك العمر راه يفوت و شكرا

looona · 2012-02-14, 14:11

اختي لازم تقعدي مع نفسك وديري راي يا كاين يامكانش ماتزديش تصعبيها اكثر عليك وعليه

ياسمين البيضاء · 2012-02-14, 14:30

السلام عليكم
ختي انا نقولاك رايي راني صغيرة عمري 15 سنة او ماعنديش الحق باش نهدر
بصح هادي راهي مدة 9 سنوات عندك لا يلعب بيك الشيطان او تخليه ما دام صبرت هادي المدة كامل قادرة تزيدي تصبري حتى يخدم .
الي ما يخدمش ما هوش عيب العيب في العيب انا ننصحك برايي و نقولاك غير ماكالاه تخليه مادام راكي معاه 9 سنسن هادي مدة طويلة يعني راكي تفهميه او يفهمك او نزيد ننصحك بالاكي تنهي هادي العلاقة لازم يقبلوا بيه كيما هو ماشي حتى يبدل روحوا على جالاتهم او ربي يجيبها في الصواب او نتمانالك والله العضيم من كل قلبي دوم هادي العلاقة والله معاك ودعاءنا ديما معاك بربي انشاء الله دوموا لباعداكم
مع تحيات ياسمين البيضاء