الى الاخت حبيبة

*ملاك الليل* · 2012-02-18, 22:23

سلام اختي حبيت نقلك ان موضوعك تع الدورة الرابعة......... ثقيل بزاف باه ينفتح والله حاولت شحال من مرة ندخل ونطول باه نهبط لتحت انا نظن طولتي فيه بزاف لوكان قسمتيه احسن كل موضوع في صفحة حبيت نلحق للجدول لكن ماقدرتش
ممكن تعاوديه حابة نطبق الجدول

حبييبة · 2012-02-18, 23:08

أهلا بالحبيبة ملاك الليل
نظن حبيبتي هذا بسبب عطل المنتدى
المشكل راه عندي في كافة المواضيع
حتى أنني حبيت ندرج موضوع تكريم العضوات المشاركات
و الفائزات في الدورة الثالثة
و راهوا ما يحبش يطلع
لكن موضوع الدورة راهوا يطلع مليح
فيما يخص حذف الموضوع كما إقترحت
و إعادة إدراجه
الله غالب ما نقدرش
على خاطر أنا مجرد عضوة عادية مثلي مثلك
ما عنديش هاد الامتيازات اللي نقدر نعدل بيها العطل أو نحل المشكل
أعتذر
بالنسبة لبرنامج الغد
على جال عيووونك هاهو

الاحد

الديني / اذكار الصباح والمساء + صلاة الضحى + قراءة القرآن بواقع 4 صفحات بعد كل صلاة فرضية + الاكثار من الاستغفار قدر المستطاع
صلاة الوتر + الوضوء قبل النوم واذكار النوم + حفظ 3 آيات من القرآن قبل صلاة العصر

التنظيفي/ تنظيف دولابين من الداخل والخارج + تنظيف عميق للفرن والجدار الذي خلفه

الجمالي / خلطة او ماسك للوجه ( ماء ورد ونشا / حليب وخيار / عسل وزيت ) او اي شي يناسبك ومعتادة عليه
+ تفريش الاسنان مرتين على الاقل + ترطيب اليدين والرجلين باي مرطب متوفر لديك
فازلين / زيت / او اي مرطب معتمد لديك

ربي يوفقنا و يعينا

*ملاك الليل* · 2012-02-18, 23:11

بارك الله فيك اختي يعطيك الصحة
انا المواضيع كامل قدرت ندخل فيهم عادي لكن هاداك ثقيل بزاااااااااف انا قلت بالاك كي طولتي فيه بلا ماتقسميه
شكرا مرة تانية

ام مريم الجزائرية · 2012-02-19, 08:14

حتى انا عندي نفس المشكل غير في موضوع الدورة ماقدرتش نقراه يتبلوكة ماشكيتش من طول الموضوع
لانه تاع الدورة الثالثة كيفو وكنت ندخل عاااادي
يعطيك الصحة حبيبة حنونة على برنامج اليوم