كم ثمن قضاء المصلحة؟

مريم الصابرة · 2012-02-11, 10:00

السلام عليكم جميعا شكرا على المرور لكل الأعضاء من العنوان فهمتوا الموضوع الرشوة أو بالعامية خلصلي القهوة أو المدير لازمو قهوتو
الكل في هذي الدنيا عندو ثمن وين نروحو وفي كل الميادين ولو غير مباشرة تلقى ناس يطلبو المقابل واللي نتاع رشوة يطليها ديركت وين راحت المسؤولية وكل واحد يخدم خدمتو كيما طلبها ربي وين راحت مساعدة الناس في وجه ربي علاه كل حاجة عندها ثمن ؟
من منكم تعرض لهكذا موقف وهل إضطررتنم لدفع رشوة ولو بسيطة لتناقش شكرا جزيلا لكل مرور

الواثق · 2012-02-11, 10:08

عفانا الله من هاته الامور فالراشي والمرتشي ملعونان بصحيح الحديث .....................الحمد لله انا لم اتعرض لموقف بعد طلب مني الرشوة فان عرفته مرتشي اصلا لايجرأ ان يقولها لي نعرفها كي ليكيدني ويقلي مزال نعرفو بلي راهو يمشي بالرشوة ...........................................الله المستعان اختي الكريمة...............وشكرا على المواضيع الهادفة التي تحلل واقع المجتمع وتبين فيه ان مهما كان الفساد فهناك الخير وناسه ...........بارك الله فيكم ونفع بكم

محمد...عبد النور · 2012-02-11, 10:16

السلام عليكم أختي مريلينا
بارك الله فيك على الموضوع
صح كاين بعض القوم اللي يخدموا و عايشين بيها لكن بالطبع هي سحت
والله بعض الأشخاص يعرفوا عقليتي مين نكون في ادارة معينة يتضايقوا من الوجود نتاعي على بالهم نخسر عليهم الصفقة و مهما كان الثمن ما نمدهاش، ممكن مرات نادرة نحاولهم لكن القهوة لا و الله يهدينا و يثبتنا
و الحاجة اللي تهبلني و تقلقني بعض الأشخاص يتكلموا بالمثاليات و لازم ما نمدوش القهوة و على حين غفلة من الناس تجدينهم أول السباقين لدفعها
الله يهدينا و يعرفنا ما نديروا
الله يعطيك ما تتمناي و يعافيك و يعطيك صحتك
ســـــــــــــــــــــــــــــــــــلام

chou_int · 2012-02-11, 10:22

السلام عليكم و رحمة الله مشكورة على المواضيع المتميزة و أنا شخصيا متتبع لهده المواضيع
الحمد لله لم أتعرض لموقف كهدا فإنه موقف لا يحسد عليه أحد فهناك بعض الميادين التي صار العمل فيها من دون دفع الرشوة مستحيل و لإثراء الموضوع و التوسع أضيف سؤالا لمادا يطلب المدراء الرشاوي ؟؟؟
وجهة نظر :
في مناصب الدولة للأسف الشديد يكون للمدير نفود كبير و في المقابل راتب صغير أنا أرى أنه لو تقاضى المسؤولون راتب مناسب لنقصت هده الظاهرة
تقبلو مروري

said26 · 2012-02-11, 10:24

الحمد لله لم اتعرض مثل هاذه الظروف
ولكن راهم قلبوالرشوة عطيلو 100 دينار باه يسقوا ويفريلك صوالحك
ويقولك ماشي رشوة عطيتلو باه يسقهوا برك
موضوع في القمة مبدعة كعادتك هاذي غيبة اخت مريلنا

فتـ حييةـاة · 2012-02-11, 11:44

اختي ماريلينا ضرك راهم بدلولها اسمها ماراهاش اسمها الرشوة راهم يسموها الهدية

بدلوللها اسمها باش ماتبانش حرام

الامل في الله · 2012-02-11, 13:28

انا من رايي بما ان الموظفين لم يستحوا من طلب الرشوة او الهدية فنحن اصحا المصالح نرفض اعطاءها لهم و بالعكس فلنضع لهم كمائن و نشتكي بهم حتى يعمهم الخوف و يتوقفون عن هدا التصرف

مريم الصابرة · 2012-02-12, 15:41

اقتباس:

المشاركة الأصلية كتبت بواسطة الواثق

عفانا الله من هاته الامور فالراشي والمرتشي ملعونان بصحيح الحديث .....................الحمد لله انا لم اتعرض لموقف بعد طلب مني الرشوة فان عرفته مرتشي اصلا لايجرأ ان يقولها لي نعرفها كي ليكيدني ويقلي مزال نعرفو بلي راهو يمشي بالرشوة ...........................................الله المستعان اختي الكريمة...............وشكرا على المواضيع الهادفة التي تحلل واقع المجتمع وتبين فيه ان مهما كان الفساد فهناك الخير وناسه ...........بارك الله فيكم ونفع بكم

السلام عليكم أخي بارك الله فيك على الإضافة المميزة هذا واقعنا ولا مهرب منه وأنا ظمرت الموضوع ليس فقك من باب أنه حلال او حرام فرغم معرفة الناس انه حرام هناك من يأخذ رشوة ولو فير مباشر أنا طرحت الموضوع من باب التوجه ايضا إلى بعض الغدارات المتعفنة جزاك الله خيرا شكرا

مريم الصابرة · 2012-02-12, 15:43

اقتباس:

المشاركة الأصلية كتبت بواسطة لذريق

السلام عليكم أختي مريلينا
بارك الله فيك على الموضوع
صح كاين بعض القوم اللي يخدموا و عايشين بيها لكن بالطبع هي سحت
والله بعض الأشخاص يعرفوا عقليتي مين نكون في ادارة معينة يتضايقوا من الوجود نتاعي على بالهم نخسر عليهم الصفقة و مهما كان الثمن ما نمدهاش، ممكن مرات نادرة نحاولهم لكن القهوة لا و الله يهدينا و يثبتنا
و الحاجة اللي تهبلني و تقلقني بعض الأشخاص يتكلموا بالمثاليات و لازم ما نمدوش القهوة و على حين غفلة من الناس تجدينهم أول السباقين لدفعها
الله يهدينا و يعرفنا ما نديروا
الله يعطيك ما تتمناي و يعافيك و يعطيك صحتك
ســـــــــــــــــــــــــــــــــــلام

السلام عليكم أخي شمرا جزيلا على مرورك المميز عذرا للتأخر في الرد المشكل في النت
ربي يبارك فيك المهم إحنا ما نقبلوش الرشوة مهما كان الهمل او المصلحة تهمنا لذلك يبكون للمرتشين طريق مسدود ولكن ه كاين اللي يقبل ويمدها المهم يفري صوالحو وكاين يا اخي اللي ديركت يقولك ماشي مشكل مي خلصنا قهوة اللي ولات في بلادنا عملة للرشوة شكرا

ايوب ناصر · 2012-02-13, 22:50

الامر غاية في الخطورة ومهما تعددت الاسباب فهو حرام حرام ويبقى املنا في الله ليبعد عنّا اولاد الحرام ويغلق كل الطرق المؤدية لهم وشعارنا في الحياة من يتق الله يجعل له مخرجا ويرزقه من حيث لا يحتسب.................

السيدة كرمين · 2012-02-14, 09:10

الســـــ عليكم ــــــــلام

شكرا على الموضوع وان كان ظاهرة غير جديدة على مجتمعنا وللاسف اصبح من المسلمات

منذ سنوات تقدمت لاجراء مسابقة في سونلغاز للعمل ككونتونسيو

اجتزت الاختبار الأول ولبسيكو تكنيك وكان جارنا من يخبر والدي أني اجتزت الامتحان ومدعوة للثاني بتاريخ معين

ولما جاء الاختبار الكتابي الأخير طولت النتيجة ولما استفسر والدي منه قال راهي تتخدم

وطلب منه بكل وقاحة الرشوة

يومها تعجبت كيف لرب اسرة أن يقدم على هذا الأمر وكيف لامرأة أن لا تسأل عن مصدر مال زوجها

كيف يستطيع اطعام ابنائه من المال الحرام

لعنة الله عليه

مريم الصابرة · 2012-02-14, 09:18

اقتباس:

المشاركة الأصلية كتبت بواسطة amal2000

اختي ماريلينا ضرك راهم بدلولها اسمها ماراهاش اسمها الرشوة راهم يسموها الهدية

بدلوللها اسمها باش ماتبانش حرام

السلام عليكم أختي شكرا على المرور عذرا على التأخر في الرد صح راهي تتسمى الهدية والشايع بيناتنا إنوا إسمها القهوة ربي يستر برك شكرا اختي

اميرة الجزائر2010 · 2012-02-14, 09:19

سلام مريلينا واش احوالك مراكيش تباني

مريم الصابرة · 2012-02-14, 09:20

اقتباس:

المشاركة الأصلية كتبت بواسطة amall

انا من رايي بما ان الموظفين لم يستحوا من طلب الرشوة او الهدية فنحن اصحا المصالح نرفض اعطاءها لهم و بالعكس فلنضع لهم كمائن و نشتكي بهم حتى يعمهم الخوف و يتوقفون عن هدا التصرف

السلام عليكم أختي سكرا على المرور الكريم هذا تماما ما يجب على صاحب المصلحة القيام به حتى تكف هذه الآفة من الإنتشار في وسط الإدارات شكرا

مريم الصابرة · 2012-02-14, 09:43

اقتباس:

المشاركة الأصلية كتبت بواسطة اميرة الجزائر2010

سلام مريلينا واش احوالك مراكيش تباني

السلام عليكم اختي زاش راكي صافا نقولك كانت الكونيكسيو ماكانش عندي وزيد بيبيتلك وغلطت فالنيميرو ياخا وطحت في واحد الصامط اسكتي برك راني نعاني ههههههههههه صافا توحشتك كاش ثلج