غريبة الحمص من مطبخي

رحيق الايمان · 2011-01-23, 09:05

المقادير

250 غفرينه حمص اي دقيق الحمص
80 غ فرينه عاديه اي دقيق عادي
100 غ سكر ناعم 150 غزبده
1 م ك زيت نباتي

الطريقة

في قدر ضعي الزبده على نار هادئهثم انزعي الطبقة الرقيقة الدهنية الي تتكون فوقها اتركي الزبده الى ان يتغير لونهاالي الذهبي
انخلي الفرينة العادية و فرينة الحمص و السكر الناعم
في وعاءعميق اضيفي للفرينة العاديه و فرينة الحمص و السكر الزبده الذائبه و اخلطي الكل ثماعجني الي ان تحصلي على عجينه ملساء و متماسكه
شكلي العجينه في شكل اسطوانه ذاتقطر 1.5 صم ثم قطعيها قطعا متساوية ذات طول 5 صم كل واحده
صففي حبات "الصمصة" في طبق مدهون بالزيت او الزبده ثم ضعيها في البراد لمده 30 دقيقه
ومن ثمه ضعيهافي الفرن درجة حرارته 130 درجه و اتركيها لمده تتراوح بين 15- 20 دقيقه
اتركيهاتبرد قبل التقديم
ملاحظة:انا استعمل نفس المقادير و لكن بالطريقة التقليدية اي اضع الزبدة طريةثم السكر ثم الحمص مخلط بالفرينة واعجنها مليح وكل ما تتطرى نزيد خلطة الفرينة يعني ما نحطش المقدار مرة وحدة وكي تكمل نديرها الشكل الي نحب وطول ندخلها للفرن
*يمكن تعويض الحمص بالدرع

نينا الجزائرية · 2011-01-23, 09:34

يعطيك الصحة لكن لم افهم جيدا ماهو دقيق الحمص هل هو لي نطيبو بيه الكرانطيطا ؟
وماهو الدرع؟

ابتهال 33 · 2011-01-23, 11:54

اقتباس:

المشاركة الأصلية كتبت بواسطة نينا الجزائرية

يعطيك الصحة لكن لم افهم جيدا ماهو دقيق الحمص هل هو لي نطيبو بيه الكرانطيطا ؟
وماهو الدرع؟

على ما اظن هو كذلك

ام خديجة1 · 2011-01-23, 13:01

بارك الله فيك

رحيق الايمان · 2011-01-23, 13:20

اختي دقيق الحمص هو الحمص مرحي غبرة يعني نفسه تاع الكرانطيطا و الدرع هو عبارة على واحد الحبات صغار يشبهوا للكمون الاخضر يرحيوه يخدمو بيه الغربيبة و عدة حلويات و اهم استعمالاته يدار في الكريمة التى توجد جاهزة كما انه مفيد لجبلا الكسور و تقوية العضام و زيادة الوزن ممكن هو معروف في المناطق القريبة من الحدود التونسية لان التوانسة يستعملوه بكثرة و نحن ايضا في و لاية تبسة نستعمله خاصة في الحالات السابقة
اي استفسار انا في الخدمة

نينا الجزائرية · 2011-01-23, 13:27

يعطيك الصحة بصح منيش مامنة حمص يديروه غربية؟
تقبلي مروري
ان شاء الله يوما ما نذوقها

sedtoti · 2011-01-23, 13:50

الدقيق تاع الحمص الي يستعملوه هو عبارة عن حمص محمص وبعد التحميص نرحيوه حتى يصبح دقيق وشكرا على الوصفة

allmaza · 2011-01-23, 17:13

غريبية الحمص هي من أنواع الغريبية

ام ظافر · 2011-01-23, 17:58

لا يا اختي غبرة الحمص الي في الغريبية تكون الحمص تاعها محمص ومطحون اما تاع الكارانطيطا يكون ماهوش محمص ني ء ويترحى هكذاك اما الاخت الي قالت انها ما تمنش الغريبية بالحمص والله يا اختي لوكان تتذوقيها تخلي كلشي وتعودي تديريها غير هي ومؤخرا رجعت للاعراس تاع الشرق بقوة

جوجو88 · 2012-02-10, 19:49

يعطيك الصحة ختي مجربتها من قبل تجي هايلة يعطيك الصحة

oum seifelislem · 2012-02-10, 22:06

اقتباس:

المشاركة الأصلية كتبت بواسطة نينا الجزائرية

يعطيك الصحة بصح منيش مامنة حمص يديروه غربية؟
تقبلي مروري
ان شاء الله يوما ما نذوقها

بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين
السلام عليكم ورحمة الله وبركاته
نعم امني اختي بان الغريبية تتعمل بالحمص لكن مقلي ومرحي

اقتباس:

المشاركة الأصلية كتبت بواسطة sedtoti

الدقيق تاع الحمص الي يستعملوه هو عبارة عن حمص محمص وبعد التحميص نرحيوه حتى يصبح دقيق وشكرا على الوصفة

نعم اصبت اخيتي...بارك الله فيك

اقتباس:

المشاركة الأصلية كتبت بواسطة ام ظافر

لا يا اختي غبرة الحمص الي في الغريبية تكون الحمص تاعها محمص ومطحون اما تاع الكارانطيطا يكون ماهوش محمص ني ء ويترحى هكذاك اما الاخت الي قالت انها ما تمنش الغريبية بالحمص والله يا اختي لوكان تتذوقيها تخلي كلشي وتعودي تديريها غير هي ومؤخرا رجعت للاعراس تاع الشرق بقوة

جازاك الله خيرا....اسمحيلي ان اسالك انا لم اجربها بالحمص فقط انما اضيف القليل منه الى الفرينة....هل هذه اطيب؟
السلام عليكم ورحمة الله وبركاته

mimicha1977 · 2012-02-10, 23:36

يعطيك الصحة بارك الله فيكي أختي

liliane24 · 2012-02-12, 14:01

شكرا لك أختي، أختي فرينة الحمص نخدموها في الدار كيما انتاع البسيسة * نقلي الحمص و نرحيه* أم تباع جاهزة ،
وهل التي تباع الحمص انتاعها مقلي ام يتوجب علينا نقليه. قبل استعمالها

rafik-12 · 2012-02-12, 22:19

اختي شكرا واللي قالت انا مانمنش بغريبة الحمص انا من ولاية تبسة ونقولك لو تتدوقاها ماتزيديش تاكلي الغريبة العادية لاني اول ملاة دقتها عند التوانسة وهوما يستعملوها في الاعياد كيما نستعملو حنا الكروكي وشكرا

manoula23 · 2012-02-13, 07:46

يعطيك الصحة اختي صح تجي بنينة ياسر غريبة الحمص