استشارة من فظلكم

Meriemchawiya · 2012-02-10, 13:14

السلام عليكم
حبيت نستشيركم في أمر حيرني بزاف
أنا تقدم لي واحد لا بأس به على قدر من الدين و يحفظ معظم كتاب الله و يأم الناس في المسجد يعمل في التجارة
المشكلة انه بعثلي أختو و قاتلي حابين نجيو نخطبوا انا استبشرت و لكن لما ذهبت للمحل انتاعو لشراء بعض اللوازم قالي انو راح يجيو دارهم يخطبو و لكن بعد عام و نصف باه يتم الزواج لأنه مقبل على مشروع مهم و امكانياته متسمحش للزواج و المشروع انا ترددت و قتلو غلاه خطبتني أصلا مدامك مزال شوية قالي كي شفتك تمينتك زوجة لي
أنا بالمسبة لي هذه مدة طويلة بزاف و اذا راني غالطة نوروني الله ينورلكم طريقكم من جهة هو الله يبارك عليه و من جهة جاتني بزاف

أم لجيـن · 2012-02-10, 13:36

وعليكم السلام

اولا صلي استخارة
وكي هو مليح كيما قلتي مالا اكيد يتصُبر عليه
وبالنسبة للعام ونص يمكن تتيسرله الامور وتزوجو قبل
هو داخل المشروع يعني مزال مش عارف قداه يحكم معاه
ربي يسهلك اموووووووووركم ويكملك بخير

نورسين.داية · 2012-02-10, 13:44

عادي لا مشكلة ...............يوجد من يخاف أن تخطب الفتاة فيفضل أن يخطبها أولا من باب الضمان .......عادي
نعلم و الجميع يعلم أن أغلب الزيجات تكون في اقل من المدة التي ذكرتي لكن إذا كان إنسان لاباس بيه .............و لما لا

عموما انتي إستخيري ....و ربي جيب الخير إن شاء الله

Meriemchawiya · 2012-02-10, 13:45

دارنا ميسرين الأمور هو مازال مجاوش يتفاهمو مع بابا الهدرة بين النساء

أم لجيـن · 2012-02-10, 13:48

اقتباس:

المشاركة الأصلية كتبت بواسطة meriemchawiya

دارنا ميسرين الأمور هو مازال مجاوش يتفاهمو مع بابا الهدرة بين النساء

مالا قولي لاخته راكي موافقة مبدئيا وربي يسهل برررررررربي
نتمنى نسمعو عليك اخبار

Meriemchawiya · 2012-02-10, 13:55

اقتباس:

المشاركة الأصلية كتبت بواسطة أم لجيـن

مالا قولي لاخته راكي موافقة مبدئيا وربي يسهل برررررررربي
نتمنى نسمعو عليك اخبار

شكرا الله يوفق

أم لجيـن · 2012-02-10, 13:57

اقتباس:

المشاركة الأصلية كتبت بواسطة meriemchawiya

شكرا الله يوفق

العفــــو
امييييييييييييييييييييييييييييين

z.abdo · 2012-02-10, 14:39

ننصحك بالصبر لأن الرجال قليل ممكن يجي النهار لو يضيع بين يديك وتندمي

محمد...عبد النور · 2012-02-10, 15:05

ربي يتمم بالخير و ييسر لكم أمر الزواج
ســــــــــــــــــــــــــــــــــــــــــــــلام

Meriemchawiya · 2012-02-10, 17:06

مازااااال ما جوبتونيش,.

السيدة كرمين · 2012-02-10, 20:51

لي فهمتوا أن الشاب شافك عجبتيه وخاف طيري من يدوا قال يخطبك وهك يضمن انك ليه
وبعدها يتمم الزواج بحسب ظروفوا

هو معقول طلبه لكن انتي هل يخرج عليك هاذ الشئ ولا لا؟ انتي لي تجاوبي على السؤال

عليك بصلاة الاستخارة ولي فيه خير يكتبوا ربي

الله يسعدك

maiar · 2012-02-10, 21:04

اختي ما تتقلقي ما والو انا جاتني نورمال تسناي عام و نص

و ما تدريش ربي يسهل و تدخلي قبل الوقت

متنسايش كميا مكتبلك ربي ان شاء الله

ربي يفرحك و يهنيك

عبد العزيز البدري · 2012-02-13, 23:22

قولي حاب تربطني عام ونص اذا حبيت الخير عجل في الزواج فا خير البر عاجله

sarl02 · 2012-02-16, 00:40

وانت علاش راكي امقلقة؟..عام و نص ماشي حاجة كبيرة وزيد واش من واحد فالجزاير دار حساب واخرجلو جوست ؟اكيد مش راح تلحق عام ونص لانو الراجل بعد الخطبة ازيد الشغف واللهف تاعو لزوجة المستقبل بصح ذرك انت راكي بينتي روحك بلي انت الي راكي متلهفة عليه ماشي هو مالا لازم الامور هذه تمشي باتيكيت معين ونورمالمو تعرفيه بصفتك بنت مقبلة على الزواج ...باختصار واليك الحل العملي ..اذا راكي مقتنعة بهذا الراجل من كافة الجوانب وكان الاختلاف حول مسالة المدة فقط انقولك اتكلي على ربي ووافقي لكن المرة هذه قوليهالو من موقف الراكزة والثقيلة يعني قوليلو تقدر اتزيد 6 اشهر من عندك وخليها عامين اذا حبيت وشوفي النتيجة من بعد....بالتوفيق.

Meriemchawiya · 2012-02-16, 09:05

اقتباس:

المشاركة الأصلية كتبت بواسطة sarl02

وانت علاش راكي امقلقة؟..عام و نص ماشي حاجة كبيرة وزيد واش من واحد فالجزاير دار حساب واخرجلو جوست ؟اكيد مش راح تلحق عام ونص لانو الراجل بعد الخطبة ازيد الشغف واللهف تاعو لزوجة المستقبل بصح ذرك انت راكي بينتي روحك بلي انت الي راكي متلهفة عليه ماشي هو مالا لازم الامور هذه تمشي باتيكيت معين ونورمالمو تعرفيه بصفتك بنت مقبلة على الزواج ...باختصار واليك الحل العملي ..اذا راكي مقتنعة بهذا الراجل من كافة الجوانب وكان الاختلاف حول مسالة المدة فقط انقولك اتكلي على ربي ووافقي لكن المرة هذه قوليهالو من موقف الراكزة والثقيلة يعني قوليلو تقدر اتزيد 6 اشهر من عندك وخليها عامين اذا حبيت وشوفي النتيجة من بعد....بالتوفيق.

شكرا أخي راني قبلت و قالي منضنش نقعد عام و نص , انا ماعارضتش عام و نص بذاتها لكن نخاف من المشاكل برك ربي يوفق بيناتنا و يسترنا حنا و كامل من حب يتزوج