بركوكش حار ليوم بارد

[ام رضوى]

ا ا لسلام عليكم اخواتى في الله اليوم الحال بارد نقترح عليكم هده الوصفه بركوكش بالشحمه نفتلو كيما اتاع الاخت ام الهام باركالله فيها لكن في مرحلته الاولى اي رقيق وبعد نفورو ثلاث مرات وبين المرة والاخرى اكيد نبخوه بالماء ومن جهة اخرى نحضر الصلصة المتكونة من البصل الثوم راس الحانوت فلفل احمر المرحي ( فلفل سباغ ) فلفل حار طماطم حب ومعجون الطماطم دبشة ملح شوية زيت شحمة الكل تحطيهم في اناء يتقلاو على نار هادئة حتى يطيبو وبعد خلطيهم مع البركوكش ورشي فوقه الدبشة بالصحة والعافبة ونهاركم طيب معطر بدكر الله

[*ام رامي*]

يعطيك الصحة
انا البركوكس نستعمل اليابس نبلله ونفوره وندير المرق نتاعه بالدجاج وبعد ما يطيب المرق نلوحو العيش يغلي حتى يطيب ونكثرو فيه الفافل الحار
سلام

[ام رضوى]

الله يسلمك اختي ام رامي هدا بدون مرق لكن صوص عاقدة شوية وما نغليهش

[نيفرتيتي.]

اختي انا نحب نعقد لاصوص تاع البركؤكش بالبطاطا اي اني نعس البطاطا ونخليه يعقد
حبيت نسقسيك انتم ديرو فيه الحليب ولالا حنا ماكانش بركوكش بلا حليب

[ام رضوى]

لا يا حبيبتي مانعمل لا بطاطا ولا حليب يمكن الكيفية اللي تعرفيها خلاف

[ام رضوى]

لا يا اختي ما ندير لا بطاطة لا حليب يمكن الكيفية اللي تقولي عليها حاجة خلاف

[ادرارية]

احنا بركوكسنا ناشف شوي ماشي مرق

[gatta.annabia]

يعطيك الف عافية اختي

[ام رضوى]

هدا اللي في الصورة اهنا نقولولو عيش ونعملوه بالقديد والفول اليابس والكليلة والحمص ويكون حار

[OU SS AMA]

بارك الله فيك هادي الاكلة المفضة لدي احبه كثيرا