إرحمو من في الأرض يرحمكم من في السماء

مريم الصابرة · 2012-02-03, 10:06

0..........................

اميرة الجزائر2010 · 2012-02-03, 10:12

سلام مريلينا
حنا عندنا كلب مي للحراسة فقط مي نتهلاو فيك يروح للطبيب عندي اختي هيا لي تتهلا فيه بزاااف تقول وليدها وي علينا بالرئفة بالحيوانات فهمي كائنات مثلنا ربي يهدينا على سواء السبيل
شكرااااا ميريليناااا

مريم الصابرة · 2012-02-03, 10:16

اقتباس:

المشاركة الأصلية كتبت بواسطة اميرة الجزائر2010

سلام مريلينا
حنا عندنا كلب مي للحراسة فقط مي نتهلاو فيك يروح للطبيب عندي اختي هيا لي تتهلا فيه بزاااف تقول وليدها وي علينا بالرئفة بالحيوانات فهمي كائنات مثلنا ربي يهدينا على سواء السبيل
شكرااااا ميريليناااا

السلام عليكم أختي اهلا كيف الحال ؟ نستعرف بيها اختك انا تاني الكلبة نتاعي والقطة خط احمر ماناكلش ونوكلهم نكون مريضة على جالهم نوض ونوكلهم و ندوشلهم كل شي وندخل للدار كي نروح للطبيب ونجي يتوحشوني يجو يجروا عندي ههههههههههه هوما عائلتي والكلبة نتاعي من نوع لبيد بول قباح بزاف ههههههه يعني ماكانش دصارة راهي القارد كورد نتاعي ههههههههه شكرا اختي والرحمة لازمة هذو مساكن حيوانات ضعيفة شكرا

السَّحابة البيضاءْ · 2012-02-03, 10:22

صدقيني احسدك على اختيارك للمواضيع ( الحسد المحمود ) ههههه

احنا ماعندناش اصلا نخاف منهم ههههههههه

احنا عندنا العصافير ماشي مربينهم لالا يجوا لينا وحدهم على خاطر حوشنا كبير وعندنا اشجار يجوا ياكلونا العنب هههه

وثاني في موسم الحصاد ماما دير حساب طبسي كبير انتاع قمح وتنثروا في لاتيراس يجوا كامل زواوش الجلفة لينا هههه وكي ديري اي حركة يطيروا يفكروني في الحمام الي في الدول الاوروبية الا قدرت نصورهم ونديرهم في قسم الصور هههه

شكرا على الموضوع

الواثق · 2012-02-03, 10:26

انا عندي عمي عمره اكثر من 90 سنة يسكن في البادية "" احنا نقولولها العرب "".........كان عندو حمار عزيز عليه احنا روحو نحاولو نركبو عليه يشوفنا والله مانسلكوها لايركب عليه احد الا هو ....................في عرس ابنه دار الحمار حشاكم في حايطة "يعني قطعة ارض حولها صور" باش الاولاد ما يزعجوش الحمار ونهار العرس الحمار ضاقت روحو بدا يصك ضرب المحراث كان مربوط بيه مات ................كي جا عمي يشوفو لقاه ميت بدا يبكي عمي ورجع الى البيت وراهو العرس الناس تضحك و......و.................هو يبكي حتى ابتلت لحيته ووقف العرس خلعنا كل الحضور من اجل الحمار وسكر على روحو في دارو رجع العرس تعزية للحمار ................ولينا نقولو عرسنا ولا حمار عمي هه

مريم الصابرة · 2012-02-03, 10:27

اقتباس:

المشاركة الأصلية كتبت بواسطة ضوء الخيال

صدقيني احسدك على اختيارك للمواضيع ( الحسد المحمود ) ههههه

احنا ماعندناش اصلا نخاف منهم ههههههههه

احنا عندنا العصافير ماشي مربينهم لالا يجوا لينا وحدهم على خاطر حوشنا كبير وعندنا اشجار يجوا ياكلونا العنب هههه

وثاني في موسم الحصاد ماما دير حساب طبسي كبير انتاع قمح وتنثروا في لاتيراس يجوا كامل زواوش الجلفة لينا هههه وكي ديري اي حركة يطيروا يفكروني في الحمام الي في الدول الاوروبية الا قدرت نصورهم ونديرهم في قسم الصور هههه

شكرا على الموضوع

السلام عليكم اختي أنا نحسدك غلى جو نتاع داركم نموت على الحوش والشجر والعصافير الله الله ترد الروح راني مت بالغيرة منك بدليلي السكنى أرواحي لتيبازة وسلفيلي داركم فالربيع صوريهم نستناهم غيرتيني أنا ما نخافش الحيوانات عندك نخاف من الحشرات نعيفهم أما الباقي نورمال الفيران نصيدهم ههههههههههه تقولي أنا قطة هههههه والكلبة نتاعي وقطتي هوما عينيا وضرك ولاد الكلبة حاشاك عوضوني على العائلة الكبيرة أنا عايشة أنا ويمى برك هوما عمرولي وقتي شكرا اختي

الواثق · 2012-02-03, 10:31

كان عندي قط ضخم الجثة مصيبة تاع الصح يمشي دوgا دوgا واي باب يقدر يفتحو والثلاجة يفتحها قدامنا لا حشمة لاوالو ..........................وديما نلقاه راقد عند راصي نخرجو يقتلو البرد يولي يضرب في الباب نعاود ندخلو نهدر معاه نورمال على بالي بيه يفهم ............ومايقولش مياو مياو لا لا عندو لقية خاصة بيه .... ......واو وا وا هههه...................وللاسف ضربتو شاحنة مات

مريم الصابرة · 2012-02-03, 10:33

اقتباس:

المشاركة الأصلية كتبت بواسطة الواثق

انا عندي عمي عمره اكثر من 90 سنة يسكن في البادية "" احنا نقولولها العرب "".........كان عندو حمار عزيز عليه احنا روحو نحاولو نركبو عليه يشوفنا والله مانسلكوها لايركب عليه احد الا هو ....................في عرس ابنه دار الحمار حشاكم في حايطة "يعني قطعة ارض حولها صور" باش الاولاد ما يزعجوش الحمار ونهار العرس الحمار ضاقت روحو بدا يصك ضرب المحراث كان مربوط بيه مات ................كي جا عمي يشوفو لقاه ميت بدا يبكي عمي ورجع الى البيت وراهو العرس الناس تضحك و......و.................هو يبكي حتى ابتلت لحيته ووقف العرس خلعنا كل الحضور من اجل الحمار وسكر على روحو في دارو رجع العرس تعزية للحمار ................ولينا نقولو عرسنا ولا حمار عمي هه

السلام عليكم اخي كيف الحال؟ شكرا على الموضوع العلاقة اللي بين عمك والحمار حاشاك ماكانش اللي يحس بيها نهار تربي حيوان وتولي ديما معاه تحسو كأنو من اهل الدار زمان كنت صغيرة ربيت أرانب وكي كبرو وولدو ومن بعد يماهم ماتت ياو جنازة بابا الله يرحمو عيا معايا جابلي واحدة اخرى ووالو ما رحتش نقرا ونظل ندور فالبلاصة اللي دفنوها ونبكي عليها بابا حلف قالي ما تزيديش تربي حتى حيوان ههههههههه عمك مسكين نحس بيه والله تولي واحد العلاقة ما نحكيلكش راني مغ كلبتي والقطة تقول خاوتي ما نرقدش لو يمرضو نبات قاعدة وكي ندخل للسبيطار وليد عمي يتهلى فيهم نفهمو فالماكلة ووقت الدوش ههههههههه سور نخلصو ماشي خدام هههههههه نعطيلو يشري دخان هههههههههه شكرا خويا

محمد...عبد النور · 2012-02-03, 10:53

شكرا على الموضوع بارك الله فيك
فقط ذكرتيني مين كنت صغير كان عندي قط مربيه كنت نقسم معاه صاشي حليب مين كان الحليب 2 دج و كنت نرقده معايا في الليل تحسبيه فريجيدار من الصوت نتاعه هههههههههها و الله كان يأكل القاطو و التمر و الحلوة حتى حلوة الدراجي يأكلها و يكسرها و مقلش جامي ياكل الشحم و بلاصته في البرد حذا البوال chauffage و الصيف حذا الفريجيدار
مي راح مرة و مرجعش نظنه مات و مين كان يغيب مرات كامل الدار يسقسوا و يسالوا عليه
و الحاجة اللي فيه دايمن الحروب مع القطط الأخرى كان ينجرح و نديرله الدواء و مرات نوكله المضادات الحيوية مع بقايا الدجاج ....شكرا ذكرتني بذكرى طيبة
أما قولك هناك من لا يرحم الحيوانات فذلك ملاحظ كثيرا و هناك أمثلة يندى لها الجبين و لكن ربي يهدي ما خلق
فقط بالنسبة للكلب سمعت أن من يربيه بدون فائدة - يأخذ من أجره يوميا مقدار قراط و في الحديث (من اتخذ كلبا إلا كلب ماشية أو صيد أو زرع انتقص من أجره كل يوم قيراط). رواه مسلم و الله أعلم .لكن اجعلي الكلبة للحراسة و ما تدخليهاش للدار لأن الملائكة لا تدخل بيت فيه كلب
شكرا لك أختي مرة ثانية
ســـــــــــــــــــــــــــــــــلام

said26 · 2012-02-03, 11:02

السلام عليكم
حنا عندنا عصافير
لازم نتهلاو فيهم ومننساوش القطط وجميع احيونات الا الفئران اقتلهم لا رحمة معهم ههههه
مشكووووووووورة

مريم الصابرة · 2012-02-03, 11:11

اقتباس:

المشاركة الأصلية كتبت بواسطة الواثق

كان عندي قط ضخم الجثة مصيبة تاع الصح يمشي دوgا دوgا واي باب يقدر يفتحو والثلاجة يفتحها قدامنا لا حشمة لاوالو ..........................وديما نلقاه راقد عند راصي نخرجو يقتلو البرد يولي يضرب في الباب نعاود ندخلو نهدر معاه نورمال على بالي بيه يفهم ............ومايقولش مياو مياو لا لا عندو لقية خاصة بيه .... ......واو وا وا هههه...................وللاسف ضربتو شاحنة مات

السلام عليكم اخي هذا ماشي قط هذا كلب مديقيزي ههههههههههه مسكين مات غاضني وعلاه إنت وين كنت كي ضربو الكاميو حرام عليك أنا كلبتي والقطة ما يخرجوش من البت نتاعهم نعسهم ونخاف عليهم لو يضربها كانيو يا ويلي إتهردت على مول الكاميو ندخلو للحبس نعيط لجماعة الرفق بالحيوان نباصيه يضربني انا وما يضربهمش هوما عينيا واللغة نتاع قطك على جساب الجسم نتاعو قتلك كلب مديقيزي حاشاك شكرا

مريم الصابرة · 2012-02-03, 11:20

اقتباس:

المشاركة الأصلية كتبت بواسطة لذريق

شكرا على الموضوع بارك الله فيك
فقط ذكرتيني مين كنت صغير كان عندي قط مربيه كنت نقسم معاه صاشي حليب مين كان الحليب 2 دج و كنت نرقده معايا في الليل تحسبيه فريجيدار من الصوت نتاعه هههههههههها و الله كان يأكل القاطو و التمر و الحلوة حتى حلوة الدراجي يأكلها و يكسرها و مقلش جامي ياكل الشحم و بلاصته في البرد حذا البوال chauffage و الصيف حذا الفريجيدار
مي راح مرة و مرجعش نظنه مات و مين كان يغيب مرات كامل الدار يسقسوا و يسالوا عليه
و الحاجة اللي فيه دايمن الحروب مع القطط الأخرى كان ينجرح و نديرله الدواء و مرات نوكله المضادات الحيوية مع بقايا الدجاج ....شكرا ذكرتني بذكرى طيبة
أما قولك هناك من لا يرحم الحيوانات فذلك ملاحظ كثيرا و هناك أمثلة يندى لها الجبين و لكن ربي يهدي ما خلق
فقط بالنسبة للكلب سمعت أن من يربيه بدون فائدة - يأخذ من أجره يوميا مقدار قراط و في الحديث (من اتخذ كلبا إلا كلب ماشية أو صيد أو زرع انتقص من أجره كل يوم قيراط). رواه مسلم و الله أعلم .لكن اجعلي الكلبة للحراسة و ما تدخليهاش للدار لأن الملائكة لا تدخل بيت فيه كلب
شكرا لك أختي مرة ثانية
ســـــــــــــــــــــــــــــــــلام

السلام عليكم اخي شكرا للمشاركة أنا نحب نربي الحيوانات مهما كان الشكل نتاعها والكلبة نتاعي راهي للحراسة وخارج الدار جبت ماصو بنالها دار بعيدة شوية على دارنا وثم نوكلها ونقيلها بلاصتها وندوشلها ما ندخلهاش كامل للدار والقطة معايا فالدار مي متربية مليح وتفهم كل شي ومنقيتها مليح نرقد معايا فالفراش والله نقية على شي عباد ما يروحوش للدوش بالشهر ههههههه ربي عالم انا دايرة النية وما تدخلش للدار وربي يعلم شكرا على النصيحة نتمنى قطك يولي شكرا

مريم الصابرة · 2012-02-03, 11:25

اقتباس:

المشاركة الأصلية كتبت بواسطة said26

السلام عليكم
حنا عندنا عصافير
لازم نتهلاو فيهم ومننساوش القطط وجميع احيونات الا الفئران اقتلهم لا رحمة معهم ههههه
مشكووووووووورة

السلام عليكم اخي كيف الحال ؟ شكرا لمرورك بكل مواضيعي الحيوانات كامل نحبهم إلا الحشرات نعيفهم وكنت نقرا فالليسي نصيدهم ونديرهم في بواكة وكيما نحبش نقرا كاش مادة خاصة الفلسفة نرميهم على صحاباتي والله الله يعيطو ويبكو ويتغاشاو وأنا ميتة من الضحك وراحو 2 سوايع نتاع الفلسفة ههههههههه شكرا

محمد...عبد النور · 2012-02-03, 11:34

القط نتاعي راح مين كنت صغير كان عندي 10 سنين إسمه كان **نونو** و أمه كان يسموها **مينو** و خوه يسموه **سوماري** هههههها و الله معاك بصح هاذو سماواتهم
و الله لوكان جيت مربي حيوان قط أو غيره و الله نتهلى فيه و نتي الله يبارك ماشاء الله ربي يجازيك بالخير قايمة بالواجب
فقط مين قلتي يقولو حرام بغيت نوضح الأمر و الله بحسن نية بلاك تزعفي و لا تقولي حاجة
و مين قلتي يفهمو و الله مجربها مرات الدار يستغربو التصرفات نتاعه يقولو ابن آدم و ما يديرش كيفه تقولي انسان عاقل
شكرا أختي و آسف على أي إزعاج
ســــــــــــــــــــــــــــــــــــلام

مريم الصابرة · 2012-02-03, 12:04

اقتباس:

المشاركة الأصلية كتبت بواسطة لذريق

القط نتاعي راح مين كنت صغير كان عندي 10 سنين إسمه كان **نونو** و أمه كان يسموها **مينو** و خوه يسموه **سوماري** هههههها و الله معاك بصح هاذو سماواتهم
و الله لوكان جيت مربي حيوان قط أو غيره و الله نتهلى فيه و نتي الله يبارك ماشاء الله ربي يجازيك بالخير قايمة بالواجب
فقط مين قلتي يقولو حرام بغيت نوضح الأمر و الله بحسن نية بلاك تزعفي و لا تقولي حاجة
و مين قلتي يفهمو و الله مجربها مرات الدار يستغربو التصرفات نتاعه يقولو ابن آدم و ما يديرش كيفه تقولي انسان عاقل
شكرا أختي و آسف على أي إزعاج
ســــــــــــــــــــــــــــــــــــلام

السلام عليكم اخي محال تزعجني ردودك مهمة عندي إنت وكل الاعضاء شكرا على كل كلمة ونصيحة أنا القطة نتاعي واسمها ليزا ومرات نقللشها نقولها لويزة والكلية حاشاك روزي واولادها عشرة نسميهملك تتعب راني ندير الواجب معاهم بالاك ربي يشفيني وانا اللي نقدر نديرها نديرها مع الإنسان ومع الحيوان الرحمة لازم تكون باه ربي يرجمنا عجبوني أسماء القطوط نتاعكم كي تولد القطة نتاعي نسرقلك إسم ما نزعفش من الحقيقة وقداش من واحد قالي حرام مي حرام نخليها تموت كانت مريضة جبتها وعالجتها وربيتها كبرت عندي هي صح قبيحة بزاف ونهار نروحو من الدار ماكانش اللي يدخل للدار نخلي الباب مفتوح والجيران يخافو منها مي جامي عضت كاش إنسان وطايعتني بزاف نقول ليمى لو عندي بنتي نقولها بيضة تقولي كحلة شوفي روزي حنونتي كيفاه طايعتني هههههههه ولا إزعاج مرجبا بيك فمواضيعي شرف ليا خويا شكرا وصح مولودك إنت وكل العائلة نتاعك