قاطو المشطة مجرب 100%

[sorour43]

قاطو المشطة مجرب 100%

ملاحظة: تعمليه بمشطة جديدة سنيها مفروقين على بعض.

باكي زبدة أخدميها جيدا + كاس سكر رطب تخدميه مليح + كاس حليب دافئ اخدمي جيدا حتى يدخل في الزبدة + كاس نشاء +1 خميرة ثم شيحي بالفرينة (ما تيبسيش العجينة).
حطي عجينة صغيرة فوق المشطة و اطرحيها، أبرمي حلوة الحلقوم على شكل حربوش ثم رولي العجينة على الحربوش الصقيه جيدا و اعدلي الحبة جيدا وحطي في وسط الحبة حبة لوز أو المقدور عليه .أي نوع آخر من المكسرات، لوحيه يطيب من تحت ثم من فوق حتى تحمار حبة اللوز، كي يطيب لوحيه في العسل وزينيه بالبريون brillant .

[bassamat]

اختى شكرا
و تقدرى ديرى طرف عجينة فى الوسط بلكاكاووووو توليلك على شكل عين
رانى مالفة نديرو يجى مليح

[omo mazen]

شكرا و هل بالامكان ارفاق صور

[اميره 2008]

شكرا لكي على الوصفة

[امنة الجزائرية]

باين سهل وخفيف

[الصوامعية]

مشكورة حنا نديروه على شكل هلال و منعسلوهش كاش نهار نجرب الطريقة نتاعك .

[zoubidaas]

شكراااااااااااا

[امنة الجزائرية]

شكلها مذاقها بنين

[remadna]

جربناه من قبل جانا روعة لكن بدون عسل

[رملاك]

معليش تحطولي الصورة كيفاش يجي ؟

[sorour43]

شكرا للجميع و آسفة للتأخير في الرد و ذلك بسبب
la connexion راهي رجعتلي مشكل دائم، إنني لا أعرف
كيف أدرج الصور من الجهاز إلى الأنترنيت دمتن في رعاية
الرحمان و تقبل الله قيام و صيام الجميع و عيد مبارك لأهل منتدانا الغالي.

[مليكة01]

السلام عليكم

اخت سرور هل هذه هى الوصفة الحقيقية لهذا القاطو لانه هناك وصفة اخرى على هذا الرابط


https://www.djelfa.info/vb/showthread.php?t=510428


على كل الاخوات اللواتى قمن بالرد عليك اذا كان لديهن وصفة اخرى يكتبوها لى و شكرا

[sorour43]

شكرا الأخت مليكة01 على المشاركة الطيبة، يكمن وجه التشابه بين الحلوى التي كتبتها
و التي في الرابط الذي أدرجته في كيفية طرح العجينة على المشط، و حسب ما أرى الإختلاف بينهما في المقادير واضح جدا، لكل منطقة طريقتها لعلمك راهي تجي بزاف بنينة و خفيفة جربي طريقتي و أنا رايحا نجرب هاذ الطريقة و بصحة اللي تجرب الطريقتين.

[AMEL 14]

اختي ممكن تقوليلي شحال زبدة
250غ او 500

[بسمة حنان]

بارك الله فيك و اعتقد انك تقصدين هدا القاطو و يسموه عين الجمل