ارجوكم اخواني مساعدة حول الخدمة العسكرية

chemssou007 · 2012-02-15, 23:09

السلام عليكم
نجحت في مسابقة توظيف
مضيت على محضر التنصيب
و منذ مدة جاني قرار تعيين في منصب متصرف بصفة متربص ممضي من المدير و مؤشر من المراقب المالي
السورسي تاعي يخلاص في مارس
هل اذا رحت للعسكر راه تروح بلاصتي علما أنني مازلت في مرحلة تربص يعني مازال ما ترسمتش
اللي متأكد من المعلومة يقولي
و ربي يفرج علينا كامل
تحــيـــاتي

فؤاد الورقلي · 2012-02-16, 08:02

السلام عليكم

اوا مشكل صح

شوف كاين حلول بسيطة

حسب مراه يدير الغاشي هذه الايام

نعرف ناس ياسر عندنا راهم يسجلو في التكوين والتمهين هذا الايام على جال شهادة مدرسية تع التكوين ويعاود يجدد بها التأجيل

يعني لازمك تروح دير تكوين وتسجل فيه يعطوك وثيقة تع انك تتكون او تتمهن ايا من بعد روح اديها لللهم تع العسكر هذا

او لازمك تخليها هكاك على ربي وصايي استنىى حتى يفوت عام او عام ونصف وانت هكذا مبحوث عليك ههه كما راه يعمل الغاشي ثاني

وكل شي يفوت

ايا ومن بعد كي تترسم ان شاء الله عندك الحق في وضعية الانتداب لاداء الخدمة الوطنية تعلق الوظيفة نتاعك تروح تفوت هذا لارمي وترجع

وزيد حاجة اخرى ربي يجيب الخير ويكون معاك

ماتقلقش روحك برك راك في الجزائر وكل شي ممكن فيها

ايا ربي يوفقك

وسلام