اعطولنا السكنة اعطولنا السكنة ايه غلطت اعطولنا الخدمة اعطولنا الخدمة

[جلال سكيكدة]

29 سنة
الاول في الابتدائي
الاول في المتوسط
الاول ولا الثاني في الثانوية
مع الخمسين الاوائل في الثلاث السنوات الاولى في الجامعة
و من بعد ما قريتش عام و نصف لاسباب عائلية ما نقولاكمش علاه (تيتمت واعرة بزاف ك تخسر اعز انسان عندك)
المهم كملت العامين لي بقاو تخرجت و الخدمة الوطنية من 2003 و هوما يبعتولي ننسا مانكاشيش التاجيل يبعتولي حتى ليومنا ......الخ
تاجي بعد هادا كامل تلقا واحدة ليسانس 3 سنوات تقول لك انا نجحت بمنصب تقول نستاهلو مع العلم منيش من الحاسدين ( اللهم لا تجعلنا من الحاسدين)
حبيت نقول حنا عايشين في مجتمع ما يرحمش الراجل الزوالي و نتحدا اي واحد ولا واحدة تقول كيما المراة كيما الراجل من كل الجوانب
ناكد لكم بلي واحد ما كاره حياتو قدي سامحوني

[اسرار البحر]

ربي يفرج عليك وعلينا كامل رانا كيف كيف خويا
بصح الحاجة المليحة دايما تطول شوية
هذا ربي يختبر في صبرنا
نقولو الحمد لله على كل حال

متقلقش روحك بزاف اذا ربي كاتبلك رزق رايح يوصلك خلي ثقتك بربي كبيرة وقول الحمد لله

[امنة مسعد]

لا تقنط من رحمة الله واحسن الظن به فهو يرزقك من حيث لا تحتسب وانا ظروفي اصعب ومتوكلى على ربي استغفر الله

[yazidou]

يا اخي رانا كامل كيفكيف
انا اكثر منك
قلي ما هو الحل

[yazidou]

نوكلو ربي
و نصبرو

[rachidov47]

الصبر ايوصل للقبر لازم ثورة

[الظل الخفي]

واصبر وما صبرك الا بالله

[salem12400]

انا تاني متخرج في 2003 وصابر ما عندي ما ندير
الصبر وفرا ت كاين بزاف ناس اكثر من حالك ويعانوا اكثر منك استغفر ربك

[arwa2012]

الحمد لله و الصبر جميل