ماهو الحل

مشكلتي · 2012-02-04, 16:46

سلام عليكم
معكم شابة عمرها 22 سنة شفت في هذا المنتدى قسم مشكلتي قلت علاه منحكيش همي ونشرككم حزني بلاك راح نلقى حل عندكم ,نسكن بفرنسا بظبط بباريس , اغتربنا عندما كان عمري 11 سنة , مشكلتي تبدء منذ 6 اشهر , انيا كريت بيت مع صديق الي فرنسي منذ عامين وفالاول تفاهمنا على كامل شروط الكرا والكهرباء والانترنت ومبعد عندي 6 اشهر وصار هذا شريك ميمدليش كامل الماصريف نتاع الكرا ولى ينقص فيهم في 4 شهور الاولا وكنت انا لنخلص وبلا منقول والوا اخطر نحشم نبهدل ناس وهو يك شفني بطبيعة هادي صار يديرلي كما هك المهم وفي شهرين الخرين ممدلي والوا قالي بلي مديون معندوش دراهم دوكا وقالي خلصي دركا وراح نرجعهملك وانا علبالي بلي كداب مراح يرجعهم موالوا خلصت شهرين هادوا نتاع الكرا كل شي من عندي وجبت دراهم من عند ماما دينتهم وحتى دركا مزال مرجعتهمش , هو خدام على روحوا بشهرية مليحة وانا طالبة جامعية فنهار نقرا وفالليل نخدم ندخل لدار على 12 نخدم في حانوت تغذية بشهرية صغيرة بزاف منقدر ندير والوا , واش راح ندير نروح نكري وحدي منقدرش المصاريف غالية ديجا سكنت وحدي عام ومنقدرتش وحدي وندير شريك معايا اخطر قالتلي واحدة جزايرية بكيفي نسكنوا كيفي كيف نخاف تجي كيما هذا .

هائم في البوادي · 2012-02-04, 17:08

وعليكم السلام

المشكل ماشي كي يخلص ولا ما يخلصش !

المشكل كيفاش هذا الرجل [صديق وزيد فرنسي أيضا !] كاري معاك وما هو السكن المكري وكيف تتقاسمون هذا السكن ؟

أعذريني لأنني لم أفهم الوضعية فكما يقولون أنا متخلف حبتين زيادة

ربي يهدي ما خلق !

samir 1990 · 2012-02-04, 17:12

نعم يا أختاه وضحي أكثر هل يسكن معك ؟؟؟؟؟؟

ines1836 · 2012-02-04, 17:43

هيه او قالت ساكن معاها ديجا هوما الهيه نورمال مي ما كانش ف بالي مام العرب يديرو هكدا ربي يهدي ما خلق

أم معاذ أم معاذ · 2012-02-04, 18:05

أختي ما عندكش دار باباك
في الأول حسبت رجل اللي يحكي
و من بعد ما فهمت والو

ربي يسترنا

أين الدين من كل هذا

هم يضحك و هم يبكي

soudjoud.as · 2012-02-04, 18:12

ههههههههههههههههههههههه

لا لا لا راكم فاهمين بالغلط .........................

صح فعلا توجد هذه الوضعية عادي لكن هو عبارة عن منزل و يقسم الى عدة غرف أو في شكل شالي .............و صاحب المنزل الأصلي يعني المالك يقوم بكرائه للمستاجرين
و هي تملك مفتاح لشقتها الخاصة بها وحدها و الساكن الثاني نفس الشيئ لكن لا تجمعهما غرفة واحدة
أخي يقوم بنفس الشيئ .....و توجد هذه الحالات اكثر في إنجلترى .....و كندا و امريكا و كرواتيا ...............تسكن لدى عائلات يؤجرون شقق في منازلهم و تجدون هذه الإعلانات على مستوى الأنترنت .... و بالأسوام التي تناسب دحلك ...................
يا إخوان هادي عادي و فيها قانون وضوابط يجب إحترامها ...............................و إن كنتم لا تعلمون أبحثو ا بانفسكم في الأنترنت و سوف تجدون تلك الإعلانات ............................ الإنسان هو سيد نفسه .

أما قضيتك عزيزتي ...........لي صبر فيما غرو الشيطان ضرو و انتي الخاسر و الحيد ......................تصرفي بشكل قانوني

samir 1990 · 2012-02-04, 18:28

نعلم أن لكل غرفته الخاصة لكن البيت واحد ؛ المهم يا أختي أنصحك أن تبحثي عن بنت فرنسية تشاركك دفع الكراء هذا أحسن لك إدعي الله ليسهل عليك إيجاد بنت موثوق فيها و تدفع الإيجار و لا تسكن على حسابك هههه ربي يوفقك

ines1836 · 2012-02-04, 18:46

ادا عادت هكدا راهم الاخوه شارو عليك والمعدرة ادا كان غي تجريح

جسور المحبة · 2012-02-04, 18:58

صح كاين هذي حكاية الكرا وعندي وحدين اقارب حتى هوما يديرو هك تلقي زوج خواتات شتقاسمو حق الكرا بصح علاش ما شفتيش نسا تتشاركي معاهم يعني هذي حكاية الرجل ما,,,,,,,,,,,,,,,
المهم ربي يسهلك وتلقي نساء بنات اصل وتتعاونو

hamzagolf6 · 2012-02-04, 19:08

صحيح يوجد هذه الحالات في الخارج لكن فيها بزاف مشاكل خصوصا كي يكون راجل كاري مع طفلة وهذا محرم شرعا
انا نقولك اكري مع هاذ الفتاة مام تخلصي نتي لكرا نورمال المهم طفلة ولا شفي كاش جزائرية راهم بزاف في باريس وتلقايهم في الجامعة اكري معاها وخلو بالنصف

أبوعبد اللّه 16 · 2012-02-07, 15:18

اقتباس:

المشاركة الأصلية كتبت بواسطة soudjoud.as

ههههههههههههههههههههههه

لا لا لا راكم فاهمين بالغلط .........................

صح فعلا توجد هذه الوضعية عادي لكن هو عبارة عن منزل و يقسم الى عدة غرف أو في شكل شالي .............و صاحب المنزل الأصلي يعني المالك يقوم بكرائه للمستاجرين
و هي تملك مفتاح لشقتها الخاصة بها وحدها و الساكن الثاني نفس الشيئ لكن لا تجمعهما غرفة واحدة
أخي يقوم بنفس الشيئ .....و توجد هذه الحالات اكثر في إنجلترى .....و كندا و امريكا و كرواتيا ...............تسكن لدى عائلات يؤجرون شقق في منازلهم و تجدون هذه الإعلانات على مستوى الأنترنت .... و بالأسوام التي تناسب دحلك ...................
يا إخوان هادي عادي و فيها قانون وضوابط يجب إحترامها ...............................و إن كنتم لا تعلمون أبحثو ا بانفسكم في الأنترنت و سوف تجدون تلك الإعلانات ............................ الإنسان هو سيد نفسه .

أما قضيتك عزيزتي ...........لي صبر فيما غرو الشيطان ضرو و انتي الخاسر و الحيد ......................تصرفي بشكل قانوني

نعم يا اخي توجد، لكن لا تنسى انه
appartement مقسومة على شخصيين او اكثر كيما يقولوا colocataire
لكن هم يشتركوا في دوش و سانيتار sanitaire
كيف تعمل هنا؟؟؟؟؟؟؟
هل يمكن ان يكون رجل مع امرأة
الله يهدينا و يهديهم
المهم عند الكفار هادي حاجة عادي
نحمد الله اننا في الجزائر، حتى في الجزائر في العاصمة، هناك من يبحث من الرجال عن colocatrice
و الله غير قريتها بنفسي و الله المستعان

أم البراء السلفية · 2012-02-07, 15:39

السلام عليكم ورحمة الله وبركاته
راسي تبلوكا خيتو انت جزايرية ؟؟
وقاعد مع راجل في بيت واحد ويخلو بيك وقاع وتتلاقايه
واهلك موافقين وعادى جدا ؟؟
وتدخلى على 12 استغفر الله
ياختى انا ماننصحكش في مشكلتك
بصح انقولك ربي يهديك ان شاء الله

خولة لبابة · 2012-02-07, 15:40

يا أختي ما كان لازم تكري مع راجل.....ابحثي على بنت و شاركي معها الكراء .....لا يجوز شرعا هذا التقاسم مع الاجانب.....و حتى في القانون راح تخسري كثير من المصاريف ...اذا تحولت المسألة الى القضاء...الخ........لهاذا شوفي كاش طفلة تتشاركوا معا الكراء........هذا خير لكي....و الله اعلم.....