التشراط على الماكلة

ورود الشتاء · 2012-01-28, 21:43

اليوم نحكي في موضوع تاع الأمهات (جيبتها وراهم هههههههه)
التشراط في الماكلة :
في كل دار على الأقل كاين 2 ولا 3 يتشرطو وما تعجبهمش الماكلة
مثال الدراري يدخلو ديراكت من ليكول السلام أ ماما واش درتي غداء ؟
ما تقوليش لوبيا / مرقة / مقلي/ كسكسي/فريك/........ قائمة طويلة
وكي تقول وحدة من لي شوا الي الفوق يقولو ليها وعلاه ما طيبتيش :
طاجين / محجوبة / شخشوخة / تليتلي ..........
قمة العوج درك :
ما تقوليش خبز ، يا ماما الكسرة خير
ما تقوليش مطلوع ، الرخساس خير
الا مرقة حمراء ، علاه ماهيش بيضاء والعكس
ولا كي توصل لبعض الأكلات الشعبية العيش مثلا تاكلو غيرهي مول الدار والباقي كل واحد داير عشاه وحدو
وفي العيد الكبير : واحد ما ياكلش البوزلوف واحد ما ياكلش الكبدة والخ
دونك هذا البروبلام راه في كل بيت
كل ما تجي الام تدير حاجة تتفكر واحد ما ياكلهاش
وكي توصل ال4 تاع العشية تبدا تخمم واش تدير عشاء
وتبات تخمم واش تدير غداء
هيا كل واحد يحكيلنا كيفاه يتشرط
جمعة مبروكة ان شاء الله وربي يتقبل صالح الأعمال

رائحة الجنة · 2012-01-28, 21:50

نـــــــورمال ...........

جسور المحبة · 2012-01-28, 22:07

انا ما نتشرطش بزاف غير انو يكون تنظيم وعموما ماعنديش حاجة باينة غير البوزلوف مؤخرا ما وليتش نحبو بصح ما نحرمش دارنا منو ما ناكلوش وخلاص ما نكثرش الهدرة

*بن عيسى* · 2012-01-28, 23:06

أنا للأسف نتشرط ياسر على الماكلة - للعلم ما زلت أعزبا - و أغلب وجباتي في الفاست فوود و البتزيريا... واش الحل ؟؟

mba · 2012-01-30, 12:59

اقتباس:

المشاركة الأصلية كتبت بواسطة benaissa11

أنا للأسف نتشرط ياسر على الماكلة - للعلم ما زلت أعزبا - و أغلب وجباتي في الفاست فوود و البتزيريا... واش الحل ؟؟

ههههه أمالا وجد روحك خويا لعزيز نهار تتزوج تاكلها معجنة ولا محروقة .......وتقول زين

mba · 2012-01-30, 13:04

نفس الشيء مع خاوتي
يحبو ديما البطاطا المقلية والهمبورغر + كوكا وبيبسي ما يستغناوش عليها
أما عليا ما نتشرطش خلاص والي منحبهاش ما ناكلهاش وخلاص

مريم الصابرة · 2012-01-29, 10:01

السلام عليكم أختي هذا مشكل مي انا الحمد لله أنا ويمى برك نتفاهمو بزاف واللي نديرها يمى تاكلها وانا حاجة ما تعجبنيش نطيب حاجة اخرى ليا المهم ما نحرمش يمى نقولك واش نحب وواش ما نحبش ما نحبش العدس أخا نهرب من الدار وما نديروش ما تقوليليش يدير الحديد ما رانيش راحا نخدم باب نكرهو وزيد اللحم بكل انواعو ما ناكلوش الجاج لازم محمر طايب لالا والعجين ما نحبش الروز والمقارون اخخخخخخخخ تكرها ههههههههه هذي هي الحاجات اللي ما نحبهاش والباقي نومال ناكل اللي جات وكيما قال الاخ بن عيسى نهار نكره نروح نشري الواجد ويمى سور نطيبلها ما تاكلش نتاع الزنقة شكرا لك اختي موضوع جميل

khado586 · 2012-01-29, 10:58

اقتباس:

المشاركة الأصلية كتبت بواسطة ورود الشتاء

اليوم نحكي في موضوع تاع الأمهات (جيبتها وراهم هههههههه)
التشراط في الماكلة :
في كل دار على الأقل كاين 2 ولا 3 يتشرطو وما تعجبهمش الماكلة
مثال الدراري يدخلو ديراكت من ليكول السلام أ ماما واش درتي غداء ؟
ما تقوليش لوبيا / مرقة / مقلي/ كسكسي/فريك/........ قائمة طويلة
وكي تقول وحدة من لي شوا الي الفوق يقولو ليها وعلاه ما طيبتيش :
طاجين / محجوبة / شخشوخة / تليتلي ..........
قمة العوج درك

:
ما تقوليش خبز ، يا ماما الكسرة خير

ما تقوليش مطلوع ، الرخساس خير

الا مرقة حمراء ، علاه ماهيش بيضاء والعكس
ولا كي توصل لبعض الأكلات الشعبية العيش مثلا تاكلو غيرهي مول الدار والباقي كل واحد داير عشاه وحدو

وفي العيد الكبير : واحد ما ياكلش البوزلوف واحد ما ياكلش الكبدة والخ
دونك هذا البروبلام راه في كل بيت
كل ما تجي الام تدير حاجة تتفكر واحد ما ياكلهاش
وكي توصل ال4 تاع العشية تبدا تخمم واش تدير عشاء

وتبات تخمم واش تدير غداء

هيا كل واحد يحكيلنا كيفاه يتشرط

جمعة مبروكة ان شاء الله وربي يتقبل صالح الأعمال

wach ma3naha الرخساس

ورود الشتاء · 2012-01-29, 22:56

اقتباس:

المشاركة الأصلية كتبت بواسطة khado586

wach ma3naha الرخساس

الكسرة نورمال لخسيس بلا خميرة

hadjer.m · 2012-01-30, 09:18

انا كاين بزاف اشياء ما نحبهاش ، بصح ما نتشرطش
يا اما نطيب وحدي حاجة خفيفة ، يا اما كاشير و لا تون و هاني متغدية او متعشية

دمتم بود

ورود الشتاء · 2012-01-30, 12:32

و الله الطبيعة هادى ماشى مليحة بصراحة

alaaemica · 2012-01-30, 13:39

انا مانكلش حوايج بزاف مي نورمال كي طيبهم ماما ناكل حاجة خلاف
اما لحوايج لي نكرهم لعظام اكره حاجة عندي و وصلت حتى لي تعقدت منهم مثلا كي نشوفهم نهرب من لكوزينة و كي يشريهم بابا نخاف نموت لا يتكسرو قدامي مي درك راني بديت نعفس علىقلبي و نطيبهم مي باه ناكلهم ماعنديش كوراج
البطاطا حمرة بانواعها مانكلهاش يعني فالعيش ولا البربوشة جامي ناكلها
اسمحولي طولت عليكم مي ولله قلبي معملر من البطاطا و لعظام

المستعينة بالله · 2012-01-30, 16:21

عن أبي هريرة -رضي الله عنه- قال : **ما عاب النبي -صلى الله عليه وسلم- طعاماً قط ، إن اشتهاه أكله ، وإلا تركه ** -رواه البخاري-

هذا الحديث أتذكّره منذ أن كنت في الصفّ الرابع ابتدائي

لذلك فعندما لا يعجبني الطعام أتذكّره و أرفض الأكل دون أن أقول سيّء

لكن أكل أمي دائما رائع و دائما يعجبني

ربي يوفقها

شكرا لكم

الواثق · 2012-01-30, 18:09

عندك الحق ..............وللاسف انا من هؤلاء ديما نشرط وكل مرة نقول يا ........... ملتزيدش تتشرط ...........المشكلة انني ناكل كلش .....................منذ الصيف الماضي قالت لي اختي انت ماتشكرناش خلاص في الماكلة تعنتت وقتلها كي تعرفو طيبو نشكركم وقالت لي امي كي تجي مرتك نشوفوك خوفتني بهادي الكلمة ههه............منذ تلك الفترة عزمت انني اشكرهم على كل اكلة تعجبني اما اللي مالتعجبنيش ماعندي عليها اي تعليق .................والله الام تقاسي حقيقة وانا اقدر هذا ومليح لي كاين الهدايا اللي ترجع المياه الى مجاريها دائما فهي سلاح احب استعماله كثيرا .............................نسل الله الهداية والتوفيق وان يجعل لساننا لقول الخير او ليصمت...................والله المستعان

السَّحابة البيضاءْ · 2012-01-30, 19:49

الا جيتي للتشراط انا نشرط في الماكلة لازم المقلي كل يوم

وكاين ياسر حوايج مانكلهمش وثاني نشرط التنويع ههههه