فضيحة تهز عرش نقابة المحامين بمستغانم

[ouiliss]

حظي بالامس يوم 15/04/2009, ستة(06) من براعم مخنثي المحامين(الانانيش) بمستغانم باداء اليمين بمجلس مستغانم في دورة استثنائية اقل ما يقال فيها انها اعطت الصورة الحقيقية للجهوية المطبقة في نقابتنا المحترمة.كيف يكون هذا ونحن صامتون يا اصحاب الجبة السوداء, واي قانون شرع لهم هذا.
ما عساني أن اقول اتقوا الله فينا يا السادة اعضاء النقابة. حسبنا الله ونعم الوكيل.

[حميد20]

الله يحفظ و يستر

[haragsat]

المشكلة أنه هؤلاء المحامين ناقصهم القيمة يعني يقعدوا يتباكاو أمام القاضية و مين تجي فالنقابة يسجاو
المشكلة فيكم يا من حلفتوا في بلعباس وين كنتوا البارح
المشكلة أيضا انه لا يوجد ولا محامي رجل و لا فيه نخوة رجولة في مستغانم لأنه على الأقل عمل كهذا كان لازم يتم الطعن فيه أمام مجلس الدولة و تقرير إلى اتحاد المحامين لكن كما قلت ليس فيهم رجل واحد يستطيع ان يتكلم و هادي هي عادتهم يعني ليس بالشئ الجديد علاه يخافوا ماعلاباليش والله ناس كيمن هادوا ماعندهم حتى قيمة و حابين يديروا قيمة بالبدلة الراشية لي عندهم


كيف العشرات يذهبون كل يومين فالأسبوع لبعلباس وكاين ناس راهم مأجرين و ميزرين فغي بلعباس و ناس مثل هادوا ماعندهم ولا مستوى و لا أخلاق و لا رجولة يحلفوا و شكون هادوا حتى يحلفوا وحدهم
أـولاد محامين و شكون هوما هذوا حتى يحلفو ا و حدهم يعني ناس كبار والله مجرد أشخاص يتباكون أمام القاضية حابيين يديروا قيمة لنفسهم بالبسيف

انا أقل مايمكن أن أقوله و بالرغم أن الأمر لا يعنيني حاليا أنها عنصرية تافهة يعني ليس لها أس أساس اولاد المحامين يحلفوا لوحدهم
السؤال شفتوا غباء و تفاهة و تصرفات تثير الإشمئزاز أكثر من هذه التصرفات

[Amine27DZ]

دخلت المنتدى لوضع موضوع بخصوص هذه الفضيحة و اذا بي أجدك قد سبقتني أخي حميد
نقابة محامي مستغانم هي نقابة فاسدة تعاني من تحجر عقول أعاءها و غاب السلطة عندهم بحيث
يتحكم فيهم عناصر خفية و محامون كبار
أنا من مستغانم و أحمد الله على أني أديت اليمين في نقابة سيدي بلعباس و التي حظينا فيها باستقبال
في المستوى رغم مشكلة الايواء .
كلمة قصيرة أقولها " نقابة سيدي بلعباس رجال و نقابة مسغانم تحمل من مستغانم الا الاسم فقط ..."

[houari2008]

ahadi hiya la3dala hadou moukhanatine ta3 jnina bayna allah yahdihoum

[نسيم34]

اداهم اليمين للمحاماة وتواجدهم ضمن اسرة العدالة لاغراض تفيد العدالة في اصلاحها ضمن الرزنامة المتبعة لاصلاح العدالة
يجب على العدالة ان تحتوي بافرداها على كل الاجناس والصفات وهدا عادي
وانتم اخواني لمادا كل النرفزة


هدا اسلوب من اساليب الاقناع في القضايا
لكل طريقة واسلوبها للاقناع على حسب هيئة المحامي ونوع القضايا وانتم ادرى بنوع القضايا التي ستفننون بها

[houari2008]

3la hseb mafhemt halfou kbel mayta3del kanoun lmouhamet car ila t3ddel wdkhal hayez tanfid likelhoum ykhadmou 10 ans fi trbunal apré yekedrou yraf3ou fi la cours é 10 ans autre fi la cour supreme donc derouha bech mayetabekch 3lihoum kanoun jdid voila

[haragsat]

نعم هذا من جهة و شئ أخر ماهيش أول مرة يديروها صابوا الشعب نتاعنا (.....) كل مرة يديروها

[saifi27]

أحمد الله أني أديت اليمين في بلعباس نحن في نعمة يشاطرني في الرأي جميع المحامين أما بالنسبة لنقابة مستغانم بعيدة كل البعد عن المستوى بل أدني من دلك عن نقابة المحامين بلعباس لأن نقابة مستغانم ولا أقول (محامين) لأني لا أعتبرهم محامين بمعني الكلمة
يحملون فقط الإسم
يقول أحد الشعراء في مثل هدا المقام:
كما تدين تدان والدهر ماله أمان

مثل ماتبغي المعزة غيرك مايرضى الهوان

كما تدين تدان والدهر ماله أمان

مثل ماتبغي المعزة غيرك مايرظى الهوان

يكيف ترضى لغيرك شي يضرك يضير

اسأل وجاوب ضميرك إن كان باقي حنان كما تدين تدان

يكيف ترضى لغيرك شي يضرك يضير

اسأل وجاوب ضميرك إن كان باقي حنان كما تدين تدان

احسب لغيرك حساب وانظر ليوم الحساب دعوى

المظاليم تجاب لوطال وقت الزمان كما تدين تدان

احسب لغيرك حساب وانظر ليوم الحساب دعوى

المظاليم تجاب لوطال وقت الزمان كما تدين تدان

مهما العمر بيك يطول بسنين واربع فصول ومهما

تصول وتجول أخرك للامتحان كما تدين تدان

مهما العمر بيك يطول بسنين واربع فصول ومهما

تصول وتجول أخرك للامتحان كما تدين تدان

[نضال2]

السلام عليكم

نقابة مستغانم تخليك تكره المحاماة بأتم معنى الكلمة المشكل ما راهش محصور في قضية أداء اليمين فقط

لاصبحت النقابة تتفنن فيه في أي وقت أوفي أي لحظة في الجلسة يدخل أعضاء النقابة """ براعم """"" كيما

سماهم الاخ ويقولك هادا وين بلغوا السن القانوني على ذلك خصصنالهم دورة خاصة أو يتحجو بأي سبب أخر.

المشكل الاكبر هو أنه ما بقاتش المحاماة مهنة حرة في نقابتنا هدا يعس في هدا ويترصدوا لاي غلطة يقع فيها

المحامي . القيل والقال ، أعراض الناس ماعندهاش قيمة عندهم ........ ما تنفع شكاوى ضدهم ولا أي

شيء بالعكس تدخل في مشاكل معاهم انت في غنا عنها. اللي يكتبله ربي ويحلف في نقابة مستغانم يتلاها غير

بالمكتب تاعو وخلاص .

[haragsat]

لازم ماتقيموهمش و ماعنده مايدير ناس خوافين غيرقاتلهم التباهي حاسبينها ثروة و ورتثوها على وليدهم و هوما ناس أغلبهم أغبياء و أقول أغبياء و متأكد من هذا و راني عارف علاه خسهم لي يربيهم و ينقيهم المهم ان شاء الله راني نشوف بلي راكم غادي توليو كلكم محامين عرفوا المرة القادمة شاتختاروا فالنقابة و يا لو يكون واحد منكم يعبر عنكم نتمنى ان شاء الله يخرج من الجلفة نقيب للمحامين في مستغانم ولو عضو فالمنظمة او المجلس و هاذ الشئ والله ماراه ببعيد

[nadiazd]

حسبنا الله و نعم الوكيل و الله هذا الأمر ليس في نقابة مستغانم فحسب بل في مختلف نقابات الوطن.......

[mostami]

سمحولي نخبركم برك ،أن هذه العادة ليست موجودة فقط بمستغانم بل سبق العمل بها في عدة نقابات ، و المحاماة من بكري راحت فيها ،كاين قدامي المجاهدين التحقو بالمحاماة دون الحصول على شهادة الكفاء المهنية في زمن اشتراطها ، ضف إلى ذلك جماعة الدروس الليلية ،أنا شخصيا مانبغيش هاد المهنة لأنه يوجد محامين هنا في الجزائر لم يحصلو حتى على البكالوريا ، و الله الجزائر البلد الوحيد الذي أساء إلى هذه المهنة ،تونس عندهم المحامي حاجة كبيرة ، وحنا عندنا أصبحت وكر لل....

[saifi27]

محامين بلعباس و لا خليك فرق كبير مع كل احترماتي لبعض أساتدة الكرام في مستغانم

[haragsat]

ماجاتش في محامين بلعباس ولا محامين مستغانم كلهم غابة وحدة تموت على الدراهم نقابة بلعباس بدليل المستوى الذي وصلت إليه الكفاءة المهنية في بلعباس و نقابة مستغانم تضم أغلبية جبناء و متهورين و ناس ليس لديهم أخلاق
لازم إصلاحات راه عندي برنامج الإنتخابي نتاع نقيب مستغانم الأول و ليس نقيب نتاع تسيسمسلت لأنه يبقى افضل بكثير من النقيب السابق النقيبالسابق كان يدعي مجموعة من الإصصلاحات فيما يخص تحسين المستوى و تحسين ظروف المحامي من ضرائب و غريها لكن ولا شئ تحقق
يوم دارو حفلى المحامين في مستغانم بمناسبة عيد المحامي (فالبلاطوا) شوف واش كان صاري تما مهزلة

نتذكر يوم النقيب السابق قالوله افتح الكفاءة المهنية في مستغانم في سنة 2006 قالوله راهم يروحوا للبلعباس و وهران و بزاف عليهم قالهم يدبروا راسهم لأنه حاسبها رزق باباه