مادور كود التتبع رجاءا

aminekehal · 2012-01-26, 10:58

السلام عليكم ورحمة الله تعالى وبركاته
اهلا اخوتي الكرام
الحمد الله وجدت ان سلعتي بالفعل تم شحنها من هون كونغ يوم ال20 جانفي
وكل هذا بفضل مساعدة الاخ نبيل اللي اعطاني رابط يمكن التتبع عن طريقه كل ما تم ارساله عن طريق بريد هونكن وجازه الله خيرا
https://app3.hongkongpost.com/CGI/mt/genresult.jsp
والحمد الله لما دخلت بعكس موقع اللي اشتريت منه لم يحدث بعد
وجد ان السلعة تم شحنها الى الجزائر يوم 20 جانفي بالرغم من اني دفعت يوم 15 جانفي
ولكن لم يتغير شيئا كل يوم نفس الكلام انا كنت اضن انو في كل يوم يكتب لك اين وصلت سلعتك مثلا اليوم موجودة في تركيا و غدا في مصر و بعدها لبيا وهكذا حتى تصل الجزائر العاصمة ثم الى رويبة
لهذا لم افهم بعد دور كود التتبع
وكيف يمكنني الاستعلام عن سلعتني
لهذا اريد ان افهم وبارك الله فيكم
سلام

الجزائـــ جمال الدين ـــري · 2012-01-26, 11:49

رقم التتبع حاليا يسمح لك بتتبع مسار السلعة في الصين فقط ومعرفة تاريخ خروجها من هذا البلد
اذا تم انشاء موقع لتتبع السلع في الجزائر ستعرف مكانها بالضبط ولكن لا ندري متى سيتم هذا

aminekehal · 2012-01-26, 14:21

اوك اخي جمال شركة لك على التوضيح
بارك الله فيك
سلام

houarizer · 2012-01-26, 14:51

انا اشتريت من .buyincoins وكل سلعة كيفاه وصلتني كاين 23 يوم كاين 15 يوم كان 25 يوم وكاين لموصلتش السؤال تاعي في نفس المجال الي قالو الاخ اذا كان في السيت تاع هونكونغ بوست شحنوه فا 21 جانفي ومعناتها هن طريق الجو اي الطيران شحال يقعد باه يوصلك متقولوليش 25 يوم هههههه لخاطر نقصو الحساب تاع الي يقعد فيها فا buyincoins منتضر ردكم

aminekehal · 2012-01-26, 15:32

خويا لعزيز houarizer
الله اعلم ولكن حسب معلوماتي يتم الشحن بحريا وليس جويا
وزيد شوف مع الخاوة

الجزائـــ جمال الدين ـــري · 2012-01-26, 17:40

اقتباس:

المشاركة الأصلية كتبت بواسطة houarizer

انا اشتريت من .buyincoins وكل سلعة كيفاه وصلتني كاين 23 يوم كاين 15 يوم كان 25 يوم وكاين لموصلتش السؤال تاعي في نفس المجال الي قالو الاخ اذا كان في السيت تاع هونكونغ بوست شحنوه فا 21 جانفي ومعناتها هن طريق الجو اي الطيران شحال يقعد باه يوصلك متقولوليش 25 يوم هههههه لخاطر نقصو الحساب تاع الي يقعد فيها فا buyincoins منتضر ردكم

هههه ليس الطيران لي يقعد كل هذه المدة وانما الجمارك والبريد
وحسب نشاطهم تصل السلعة متأخرة او متأخرة جدا، لم يسبق ان وصلتني في الوقت

اقتباس:

المشاركة الأصلية كتبت بواسطة aminekehal

خويا لعزيز houarizer
الله اعلم ولكن حسب معلوماتي يتم الشحن بحريا وليس جويا
وزيد شوف مع الخاوة

حسب ماهو مكتوب في المواقع والطرود المستلمة by airmail او par avion او جويا
والله اعلم

aminekehal · 2012-01-26, 18:19

انا طردي الاخير عبر الملاحة
لاني سألت الدعم واخبروني انه يكون عبر الملاحة
وبالضبط كما اخبرنا اخونا جمال بارك الله فيك
شكرا
سلام

houarizer · 2012-01-26, 20:26

انا متفاهم انا والبائع باه يرسلها فا airmail رانا نقارعو نشاء الله والفنا المقارعة هههه مع بريد الجزائر والجمارك مش ختادر تغمض عنيك هههههه الله يحفضكم الجزائـــ جمال الدين ـــري aminekehal ونزيدكم حاجة حتى رقم التتبع والله حتى ريكلاميت عليه وهدادتها الشناوا واعرين لمزيرتش روحك ياكلوك هههه

aminekehal · 2012-01-26, 21:21

خويا لعزيز ان شاء الله houarizer يوصلك الطرد نتاعك في اقرب فرصة وتكلمنا على مدة الوصول عبر الجو ..
بخصوص التعامل مع الشناوة وهذه اول مرة لي تبدو لي أحسن من التعامل مع الفرنسيين خاصة
انا وحد الفرنسي تعاملت معاه عبر الايباي والله غير ندمت خاطرش حيلي بزااف وحاول يخدعني
بعكس الشناوة
وربي عالم
ربي يوفقكم كامل خاوتي
وسلام

houarizer · 2012-01-26, 21:36

شوف خويا بخصوص الشناوة انا شريت 5 سلع من اbuyincoins منكدبش والله لوصلو ربعة والخامسة مشفتلها خبر شكيت نسركت هنا 2 نتبوك بصح هادي لراني نقارعلها شريتها من alibaba وعذبوني باه رسلوهالي قالولي المز البريدي لايتوافق مع الولاية الي تسكن فيها هبلوني حتى ارسلتلها رسالة الطرد الي فيه العنوان من buyincoins باه قرت ترسلو من هونكونج بوست والله لشاريها 400 دولار ون نوفمر بصح buyincoins كيما قتلك 15 الي 25 يوم كاقصى حد

buxnw · 2012-01-26, 21:46

حتي انا راني من المقارعين شريت epad من tinydeal شحنت يوم 3-01-2012 او مزال موصلتش

اولادزيد · 2012-01-26, 21:56

انا ما فهمت والو سلعة قال تتبع علاش هو كاين شيئ اسمه الشراء عبر النت انا لا اصدق نسمع الناس تحكي على الدولار والالرتباي ومش عارف
انا حبيت نشري حوايج من النت بصح ماعرفتش كيفاش نخلصهم
الحمد الله انا خدام وبراتب محترم من يساعدني في الشراء بحيث يشتري السلعة المطلوبة سأدفع له حق السلعة وحق المساعدة[

aminekehal · 2012-01-26, 22:16

خويا houarizer انا على بابا هذاك من الاول سامع عليه غير الشر بزااف اللي قالولي سراق والله اعلم
وانا بصراحة اتعامل مع موقع tinydeal وكيما قلت لك شحنت السلعة يوم 20/01 يعني مزال باش نبدا نتقللها حتى يفوت الشهر .

buxnw خويا زيد اصبر حتى تكمل الشهر و لا كلم الدعم .

اولادزيد : خويا عالم الانترنت راهو بحر و راهو في اشياء لا يتخلها البشر الربح موجود فيه يبقى لازم الواحد يشمر على ذراعو كيما يقولو و يوصل باذن الله انا ممكن افيدك و افيد الجماعة باكثر من طريقة للربح منها الفوركس و منها البلودرز و الافليت و كلها اشياء متاحة للجميع
يبقى بخصوص المساعدة للشراء يمكن ان تكلم الاخ جمال ويساعدك او ممكن تكلمني وماراح ابخل عليك باذن الله

سلام

buxnw · 2012-01-26, 22:25

اقتباس:

المشاركة الأصلية كتبت بواسطة اولادزيد

انا ما فهمت والو سلعة قال تتبع علاش هو كاين شيئ اسمه الشراء عبر النت انا لا اصدق نسمع الناس تحكي على الدولار والالرتباي ومش عارف
انا حبيت نشري حوايج من النت بصح ماعرفتش كيفاش نخلصهم
الحمد الله انا خدام وبراتب محترم من يساعدني في الشراء بحيث يشتري السلعة المطلوبة سأدفع له حق السلعة وحق المساعدة[

افتح حساب في الموني بوكرز او باي بال وشتري الدولار من عند الاعضاء في القسم العمللات وتسوق في المواقع الصادقة