الفراغ العاطفي قتلني

[مشكلتي]

مشكلتي هي كمشكلة الكثير من فتيات اليوم

راني حاسه بوحشة وفراغ قاتلين

صديقاتي كلهن تزوجن او انخطبن وبقيت غير انا في وسطهن بالرغم انهم ما عندهم حتى حاجة زايدة
عندنا نفس المستوى الدراسي و الاجتماعي و نفس المؤهلات ............
والله غير قنطت راني وحيدة لانه كل واحدة لاتية بنفسها ولقيت نفسي بدون رفيق
والمصيبة الاكبر انهم داو رجال الله الله قراية وعقلية ومركز وانا لي يجوني غير الماصون ولي يبيع فالمارشي....

مافهتش اذا هاد هو زهري ام اني منحوسة ام..........

اسمحولي راني طولت عليكم مي الله غالب قلبي راه معمر انا ماحسدتهمش مي غرت منهم وهاد شيء عادي

[جسور المحبة]

وش يدريك انهم راح يتهناو بيهم ولا لا؟
وممكن التاجر او الماصو يجعل فيه ربي الخير حتى انا مرت عليا فترة كيما هك بصح فكرت انو مش غير لي تزوجت باحد اطار خلاص ضمنت السعادة والهنا والله نعرف بزاف مراهمش متهنيين وكاين لي تزوجو باساتدة جامعيين والجمال ولااي وبعدها طلقوهم
اذن العبرة بالنهاية والله اعلم

[khado586]

rabi ywaf9ak

[•~ندية الجوري~•]

السّلام عليكم و رحمة الله و بركاته ...

لا يوجد مشكلة في ما ترينه مُشكلة

هذه هي الحياة تمضي
و كل واحد يدي نصيبه

لما نُقارن أنفسنـا بــالأخرين
و نربط الأشياء و الأمور مـع بعضهـا

مثلاً أنا و شقيقاتي
لأننا نفس المستوى الدراسي
و نفس التربية و من نفس البيت
و تقارب في الشبه و الشكل

يعني لازم يكونو أزواجنا يتشابهو
و كامــل على نفس المستوى الإجتماعي و المادي؟؟

هذا ليس منطق ..

كل وحدة و مكتوبهـا


ما تقعديش تقارني بينك و بينهم

أقنعي نفسك انك احسن حالٍ منهم
و إملئي اوقاتك بأمور كثيرة
و الرّجــل الصّالح
لا يُقاس بوظيفته أو مركزه

و مــا به التّاجر
أو البنّــاء
أو أي رجل له أعمــال حرّة

لا تنتقصي من حقّ الرجــال


و لا تسألي عن أمور سطحيّة
ثم تجعلينها سببا في إعتراضكِ عن الزّواج


و دومـاً يوجد في عذوبة النّهر ما لا يوجد في البحر

فلا تتكِئي على غمام الأحلام
و عيشي واقعك
و إرضي بما قدّره الله لك
و إقتنعي به
تعيشي أسعد إمرأة



رزقكِ الله زوجاً صالحاً
.

[السيدة كرمين]

المشاركة الأصلية كتبت بواسطة مشكلتي

مشكلتي هي كمشكلة الكثير من فتيات اليوم

راني حاسه بوحشة وفراغ قاتلين


الفراغ

الفراغ

كيف هي يومياتك كيف هي علاقتك مع ربك

وش هي اهدافك طموحاتك ...........

متقوليليش نزوج وووو لأن تلك حقوق وليست طموحات

فكري في ترتيب أولوياتك أما الزواج بالمكتوب

راه جاي متزبيش عليه

فقط عيشي اليوم بيومه لاه عايشة تفكري فالغد



صديقاتي كلهن تزوجن او انخطبن وبقيت غير انا في وسطهن بالرغم انهم ما عندهم حتى حاجة زايدة
عندنا نفس المستوى الدراسي و الاجتماعي و نفس المؤهلات ............
والله غير قنطت راني وحيدة لانه كل واحدة لاتية بنفسها ولقيت نفسي بدون رفيق


كل وحدا ومكتوبها و اياك و المقارنة لأنها ستتعبك كثيراً

انظري لنفسك فقط وفي تطويرها وتحسين عاداتك وتهيئة نفسك

للحياة الزوجية و الأمومة لأنها مش رومنسية واحلام وردية كما تعتقدين

هي حياة تتطلب حكمة وتحمل مسؤولية كبيرة

كونهم ينشغلوا عنك شئ طبيعي لكن انتي لا تنشغلي بهن اسألي عن احوالهن

واهتمي بأمور اخرى تشغل وقت فراغك



والمصيبة الاكبر انهم داو رجال الله الله قراية وعقلية ومركز وانا لي يجوني غير الماصون ولي يبيع فالمارشي....


آه يابنتي الباب المغلوق

ماتدري وش مخبي وراه متخدعكش المظاهر

وحتى ان كانوا كيما تقولي ادعيلهم في قرارة نفسك و ادعي الله ينولك

رجل صالح اللي يستاهلك

أما بنتي الفايدة فالراجل هي الصلاح وتحمل المسؤولية و التفهم

و الوعي مش عملوا أو المظاهر الخداعة أو شكلوا...

خدام الرجال سيدهم فلا تحقري من الرجال و الأهم من أعمالهم

لأن الرقم واحد عند أي رجل هو عمله ثم عائلته

فبالنسبة له العمل = الرجولة وبه يكون سيد بيته




مافهتش اذا هاد هو زهري ام اني منحوسة ام..........


وش بيه زهرك الحمد لله خلصتي دراستك

اهتمي بعملك أو البحث عنه

واذا فضلتي البيت اهتمي بتجديده

وخلق الأفضل و التغيير

جددي فعلاقتك العائلية و اجعليها اكثر دفئ

جددي علاقتك مع الله وجددي ايمانك ويقينك به

انتي لا منحوسة ولا شئ راه جاي

كوني واجدة برك



اسمحولي راني طولت عليكم مي الله غالب قلبي راه معمر انا ماحسدتهمش مي غرت منهم وهاد شيء عادي

كلامك على العين و الراس مشاعرك شئ طبيعي

ومقبولة لكن اياك توصل للهوس و الحسد

وخاصة المقارنة لأنها هدامة البيوت والقلوب

عيشي حياتك

وان شاء الله ترزقي بلي يستاهلك

قلبي معاك حنونة

[oussama.oussama]

ااااااااااااااااااه من هذا الزمن صار المال والجاه الشغل الشاغل للناس لا حديث لا على الدين ولا على الأخلاق وكأننا نأخذ هذه الأشياء معنا للأخرة صحيح كلامك فراغ عاطفي نعم فراغ من حب الأخرة والتعلق بالدنيا نصيحتي لك ان تملئي قلبك بالإيمان وحب الأخلاق الحسنة عفوا ولكن هذا تصوري ولن أنافق
هناك من العلماء السابقين من إشتغل بحمل الحجارة ورفض الجاه والمال

[/زهرة عصفور الجنة/]

نصيحة خذيها مني لا تقارني نفسكي بمن هم أحسن منكي بل قارني نفسكي بمن هم أقل منكي حينها فقط ستستشعرين النعم الكبيرة التي من الله عليكي صديقيني على الاقل انت بين عائلتكي هناك من لا عائلة لهم ولا معيل ولا بيت يأويهم .............................ادعي اله في سجودك ان يرزقكي زوجا صالحا ولا تقنطي من رحمة الله اشغلي وقتكي بأشياء نافعة قد لا تستطعين فعلها بعد الزواج فسيكون وقتكي ضيقا جدا احفظي القرأن تفقهي في الدين اقرئي كتبا عن الزواج الاسلامي وتربية الاولاد تعلمي اللغات الاجنبية الطرز الطبخ الحلويات اشياء كثيرة ستملا عليكي فراغكي

[SOUSOU. DZ]

كل واحد عندو مكتوب ومكتوبك في جبينك طول ولا قصر نشاء الله بعد اسبوع تقوليلنا راني تخطبت باخو الوزير ههههههههه

[عُضو مُحترم]

السلام عليكم شوفي اختي

القضية ليست قضية منصب و مستوى

ربما هذا الامر يبدو ضروريا امام الناس من اجل البريستيج

باش يقولو متزوجة بطبيب او استاذ او اطار في الدولة

او يقولو راه متزوج باستاذة او معلمة او طبيبة اووووو

و لكن الناس يشوفو الواجهة الخارجية

ما يشوفوش للحياة كيف شكلها

متفاهمين او لا سعداء او لا

الزواج يخون او لا مع العلم ( اقولها كرجُل و مسؤول عما اقول)

ان معظم بل الاغلبية الساحقة من هؤلاء ( اصحاب الشهادات و المستوى و المناصب )

يخونون زوجاتهم و لديهم علاقات مع نساء كثيرات قبل و بعد الزواج

و نروحو و نرجعو و نقولو بلي كل شيء بيد الله

انا ما نقولش ربي يعطيك ما تتمناي

لانك على حساب ما فهمت تتمناي زوج مثقف و قاري و عندو مستوى و العقلية

و لكن لم تتحدقي على الاخلاق و التديُّن



ربي يرزقك الزوج الصالح

[نجمة ساطعة]

الزواج مكتوب ربي و في الاخير لا تتزوجي الا بالذي كتبه الله لكِ
نقول و نقول و نقول .... و لكن في الاخير لا نتحصل الا على ما كتبه
الله لنا ... فحتي نعيش سعدااء مثلا اذا تزوجتي بماصون على رايك
حاولي ان تقتنعي به حتى لا تتعبي

[ناصرالدين الجزائري]

ابحثي على الأخلاق و الدين اختي و لا تبحثي على المنصب و الشهادات ..
و خير لك أن يكون من يخطبك يكسب ماله من الحلال خير لك من رجل منصبه عالي و ماله من الحرام ..
فالذي ياكل الحرام و يلبس من الحرام فحتى دعائه لا يستجاب ...
و حسابه عند ربه أعظم ...

غَيري طريقة تفكيرك و سيرزقك الله بمن يسترك ان شاء الله .. لأنك إذا بقيتي تفكرين بهذه الطريقة فسياتي يوم تقبلين بكل من هب و دب .. فالزواج هو مشروع حياة و تخطيط لمستقبل .. و ليس الهدف منه التفاخر بين الناس ...

و لا تنسي أن كل شئ بالمكتوب .. فلو كتب الله لك أن تتزوجي من ماصو فستتزوجينه و لو بعد حين .. و هذا بتفاؤل ...

[nesrina10]

يا أختي وجدت بعض الكلمات ارجو ان تفهميها
القدر ليس خبطه عشوائيه ..
القدر مهما كان ظاهره، خيرا أو شرا، يعلمنا أن ننظر لما وراء الأحداث،
/?\لعمق الحدث،
للرساله التي يرسلها الله لنا.. ،
فهو يعلمنا أن الظاهر لا يعني الكثير كما يعنيه الباطن..
وأن العبرة بالجوهر الحقيقي للأحداث..
ورد في الحديث ” لا يرد القدر إلا الدعاء” فالله دلنا وعلمنا أن القدر متغير. .
إن التعامل الإيجابي مع القدر بحسن الظن والتفاؤل والدعاء الدائم مع الإيمان الفعلي وليس القولي بالله،
.....يجعلك في مستوى عالي من الإدراك،
يجعلك تتعلم من كل قدر وترتقي روحيا وفكريا،
يجعلك متفتحا للرسائل الإلهيه الكونيه ومدركا لعمق اللحظه الحالية.
--------------
وأخيرا ماراكيش وحدك التي لم تتزوج بعد هناك الكثيراااااااااات اكثر منك جمالا ومستوى وعمرا و.و.و....
ولكن كوني متميزة بقناعتك ورضاك واملك بالله

[سمراءجيجل18]

كل وحدة و مكتوبهـا

[Soufiane2130]

لا تيأسي فالقسم على ربي سبحانو..كما ان الزواج اذا لم يكن في الدنيا فأكيد سيكون في الاخرة ....ربي يجيبلك ولد الحلال ان شاء الله...

[fifi42]

اختي مديريش هاذ التخمام فيراسك دنيا هاذي مكاتب وكل واحد واش عطالو ربي انا تان ذات مستوى جامعي و الحمد لله وكنت دايما نحلم ناخذ واحد اطار ويكون من المستوى نتاعي بصح ام بعد شفت بزاف قصص من صرات مع قريباتي واش صرالهم كاين واحدة بنت عمي كانت تموت على المال وفعلا تزوجت مع جارنا وعدو دراهم الله يبارك وفيلا.....وهو يخدم ليزافار بصح هي محوستش تفهم فواش يخدم بعد عام بعد اشهر من زواجها دخلوه للحبس وكذب عليها قالها راني رايح لامريكا ام بعد ارجع زاد بعد عام عاود دخل وقعد عام وذرك راهي تقول ران نادمة لي تزوجتو بعكس ختها تزوجت مع واحد بسيط عايشة لاباس ولكان تشوفي هذو الزوج خواتات تشوفي لي متزوجة بالبسيط احسن من اختها وعندي بنت عمتي راجلها ايطار في الدولة من قوة معدوش اهتمام بالاسرة نتاعو وليدو الصغير ماشي مسجلو في الدفتر العائلي وفي الاخير انا تان تقدملي ايطار بصح خويا ما وافقش قالي انا راني برا ونرف واش يسوا من بعد تقدملي تاجر وخويا قالي هذا هو الاحسن وكان عندو حق والحمد لله