إمرأة بين نارين ..........

غنوشة · 2012-01-21, 09:30

وبعد .
كلامتني إحدا معارفي ،وهي تبكي بشدة وتقول.ساعدين من فظلك فأنا بين نارين ،
قلت لها خير إن شاء الله ما هو الموضوع ،قالت
أخدني زوجي عند أهلي لقضاء أيام عندهم ،وتفقنا على الوقت الذي يأتي ويأخدني فيه ،وإذا به يأتي ويأخدني قبل الموعد ،فجنا جنون أبي وأقسم بأن لا أذهب معه (أي زوجي ) فثار زوجي وعانده وأقسم هو الآخر .إذا لم أذهب معه فأنا طالق .عانده أبي مرة أخرى .وقال لي لوذهبتي فأنتي لست بنتي ولا أريد رأيتكي مرة أخرى فماذا أفعل ؟

هذا السؤال جاءني صعب ،فأردت أن أستشيركم .لأنكم بمثابة العائلة . فلو حصل لأحدكم لا قدر الله مثل هذا الموقف ،فما هو تسرفكم ،وجزاكم الله كل الخير ...

z.abdo · 2012-01-21, 10:12

يجب أن تكلم زوجها هاتفيا وتشرح له الامر وتقول له يجب ان تفهم ابي انه متعصب واني والله اريد الذهاب معك لكن ابي غلق علي الباب بالقوة كيف افعل مع ابي وتقول له الحل لديك انت زوجي ولست انا ويجب ان تفعل شيء ماء لكن بحكمة دون الغضب ولا التسرع لأني انا كذالك اريد الذهاب معك وتقول له انها منزعجزة من تصرف ابي
حتى يفهم انها غير راضية وليست انها موافقة على تصرف ابيها
والله اعلم

blackTears · 2012-01-21, 12:05

نعرف وحدة هذه الأيام حدثلها نفس المشكل
بصح على جال إلى تروح للعرس و لا لالا
الوالد يقول تروح و الزوج يقول متروحش
راهي صادة عندها وقت
و مدة الزواج تاعها 6 أشهر
أنا نلوم الأب يكبر قلبو شوي
ممكن راني غالطة
ما أجمل المفاهمة و نطرحو المشكل بعقلانية تهدر مع الزوج تاعها و و الوالد تاعها بطريقة مهذبة برك.........

~~الوليـــــد~~ · 2012-01-21, 12:33

الغلطة واضحة وضوح الشمس فهي من الوالد, لأن الزوجة تحت ولاية زوجها و ليس ابيها.

*ملاك الليل* · 2012-01-21, 13:10

انا نظن تروح مع زوجها
اكيد للاب مكانته الخاصة لكن مهما كان الحال ستبقى دوما ابنته

*ملاك الليل* · 2012-01-21, 13:13

نعرف وحدة كانت بين نارين
زوجها قلها ارتدي الجلباب كامل
وابوها قلها علاه تلبسي جلباب وتغطي حتى عينيك
الاب قلها لوكان اديري الجلباب راه محرمة عليك داركم وماتزيديش تدخلي عندي
وهي خمت مليح
دارت الجلباب وتبعت راي زوجها
و حقيقة بقاة سنوات مادخلتش لدارهم
بعد مدة الاب هداه ربي ورجع يحوس على بنتو و يطلب منها السماح
والان تقريبا كل اسبوع تروح لدار باباها

كنزة2 · 2012-01-21, 13:14

هنا الوالد هو لي غالط

البنت راها في عصمة زوجها وهو لي يقرر

لكن لو احد الطرفين كان لازم يتنازلكان افضل

الاب متعصب والزوج عنيد وارواح حلها

جزايريين .................................................. ............

ربي يكون في عون البنت مسكينة

الباديسي · 2012-01-21, 13:23

عليها طاعة زوجها اما الاب سيرضى باذن الله لان مرضاة الزوج من رضا الله
شكرا لك

سامو نور · 2012-01-21, 13:32

الطاعة للزوج.....

النجمة القطبية · 2012-01-21, 13:48

الحكاية راهى باينة تقبل راس ابوها وتعتذر منه وتطلب منه السماح وتروح مع زوجها
والسبب هنا لعدة اعتبارات
المهم كى تروح لدارها تتكلم مع زوجها فى الموضوع وتشرح له خاصة اذا كان متفهم
اما الاب مستحيل ينسى بنتو مهما قال والاب عامة يكون احن على البنت وسيتفهم
ونسال الله ان يهدينا ويصفى القلوب

فتـ حييةـاة · 2012-01-21, 16:25

كلمة الطلاق كي ساهلة بلخف يجبدوها ما نعرف علاش؟؟؟؟ قاللها تروحي وباباها قالللها بقيي معانا بلاك راه متحوش بنته تقول لراجلها بقا معايا هاذ النهار مين بابا راه حابني نبقى اذا وافق اوك يبقى معاها اذا ماوافقش تقول للباباها اسمحلي لازم نروح وفرات
بصراحة للاثنين اخطاو
الزوج:علاش يجبد كلمة الطلاق لاتفه الاسباب؟؟؟؟؟؟
الاب:وعلاش ماراكي بنتي ماراني والدك ؟؟؟؟؟؟ علاش شا دارت حابة تروح لبيتها ومع زوجها

nouna-12 · 2012-01-21, 17:33

الاغلطة الاولي غلطة الاب
ماشي من حقه يمنع بنته تروح لبيتها
و ثاني راجلها كان اعطاها مدة علي الاقل يحترمها
و الضحيية شكون البنت مسكيينة
انا نقول شوفو ناس كبار من عايلتها و عايلة الزوج يحاولو ا يصلحوا العلاقة بينهم
و ربي يجييب الخيير

غنوشة · 2012-01-21, 22:36

اقتباس:

المشاركة الأصلية كتبت بواسطة z.abdo

يجب أن تكلم زوجها هاتفيا وتشرح له الامر وتقول له يجب ان تفهم ابي انه متعصب واني والله اريد الذهاب معك لكن ابي غلق علي الباب بالقوة كيف افعل مع ابي وتقول له الحل لديك انت زوجي ولست انا ويجب ان تفعل شيء ماء لكن بحكمة دون الغضب ولا التسرع لأني انا كذالك اريد الذهاب معك وتقول له انها منزعجزة من تصرف ابي
حتى يفهم انها غير راضية وليست انها موافقة على تصرف ابيها
والله اعلم

شكرا أخي على مرورك وإقتراحك ،ولكن الزوج كان معها في بيت أبيها .كيف تكلمه بالهاتف ،وهويعلم بأن البنت تريد الذهب معه وفي نفس الوقت لا تريد إغضاب أبيها .شكرا مرة أخرى

غنوشة · 2012-01-21, 22:43

اقتباس:

المشاركة الأصلية كتبت بواسطة blacktears

نعرف وحدة هذه الأيام حدثلها نفس المشكل
بصح على جال إلى تروح للعرس و لا لالا
الوالد يقول تروح و الزوج يقول متروحش
راهي صادة عندها وقت
و مدة الزواج تاعها 6 أشهر
أنا نلوم الأب يكبر قلبو شوي
ممكن راني غالطة
ما أجمل المفاهمة و نطرحو المشكل بعقلانية تهدر مع الزوج تاعها و و الوالد تاعها بطريقة مهذبة برك.........

شكرا لكي أختي على هذه الإضافة ،وأنت لست غالطة ، أكيد المخطئ هو الأب لأنها خرجت من عصمة أبيها

غنوشة · 2012-01-21, 22:46

اقتباس:

المشاركة الأصلية كتبت بواسطة الوليـــــد

الغلطة واضحة وضوح الشمس فهي من الوالد, لأن الزوجة تحت ولاية زوجها و ليس ابيها.

أنت محق يأخي حتى أنا قلتلها هذا الكلام ،شكرا مرورك أسعدني