تعبت من الغربة

[fati1988]

السلام عليكم ورحمة الله وبركاته



هادا اول موضوع ليا في المنتدى ,,, ولما بديتها بديت بمشاكل الله يعين

موضوعي مش مشكلة لكن نقدر نقول هيا فضفضة من اختكم الي في الغربة

نبدا بكلامي ونقول (ختكم تعبــبت مـــن الغـــربة) تقولولي وعلاش راكي مغتربة نقولكم من اجل دراستي و مستقبلي .... هادا 5 سنة وانا بعيدة عن اهلي الوقت صح فات و مع خويا مونسني و الحمدلله تخرجت و فرحت اهلي و كملت خطوة من خطوات لي كنت نطمح ليها ...زدت بعدها تحمست و تشجعت اني نكمل الماستر و الحمدلله بديت فيه وان شاء الله عن قريب راح نتخرج يااااااارب ولكن لكن صرت اقل عزيمة واقل تحمل للغربة من قبل صرت نفتقد لجو العايلة بزاف وصرت نتحسس بزاف على صحتي و لو اني من صغري متعودة على غربة بما اني ما عشتش في جزاير ولكن زدت بعد عن اهلي وهادا لي ولا صعب عليا مع كل وقت يمر انا دروك صرت في نص الطريق لازملي نواصل و نتخرج ونفرح اهلي وما وعارفة لو نبين لاهلي هاد الشي يقولولي خلاص رجعي لزاف عليكي هههههه بصح انا حابة نكمل و خاصة مش بسهولة تعب و مصاريف بابا عليا نخليه يروح هاكدا عليها راني نضغط على نفسي و ندعي ربي يعيني و يوفقني ... صدقوني الكلام راح يطووول بزاف وانا نفضفض هههههههه لانو من هادي 5 سنين تعلمت منهم و مازلت نتعلم و اهم حاجة اني قدرت نحافظ عن ديني وعن قيمي في بلاد تسهل فيها كل الامور والحمدلله الحمدلله راني على قد ثقة لي مدوهالي اهلي و هاد شي لي يفرحني بنفسي ويخليني نواصل ..

المهم نتمنى من اخواتي واخواني ولاد بلادي العزيزة ينصحوووني يدعوووولي ربي يوفقني والله محتاجة كل دعوة خير و نكون شاكرة ليكم بزااااف


و راني توحشت بلادي بزااااف وان شاء الله هاد الصيف نزورها يارب


وسمحولي اذا كلامي مش مرتب ... اختكم من ديار الغربة

[z.abdo]

أختي بارك الله فيك وربي وفقك وخصوصا لما تحافظي على دينك وشرفك وعفتك في ديار الغربة لكن انصحك ان تواصلي دراستك وبعد انشاء ترجعي لبلادك مرفوع لانك حافظتي على مبادئك على عكس البنات اللي هنا في الجزائر فقدو دينهم وشرفهم ودراستهم بسبب تتبعهم الشهوات
اختي بربي انشاء الله ندعيلك ربي بالتفيق ولا تنسي بان هذا امتحان من عند ربي
ربي معاك اختي

[oumi82]

و الله يا اختي الكريمة كلنا في الغربة نعاني حتى أنا مشتاقة لأهلي ولكن ما عسانا نفعل الا الصبر ....

[الواثق]

يا اختي انا نتكلم معاك بصراحة ..........سفر الرجل الى بلاد الكفر من اجل الدراسة وفيه عدة شروط .............بالمقارنة سفر المرأة في بلادها فقط لوحدها هذا فيه عدة شروط وعدت اقوال ...........................والمشكلة احنا حجتنا الدراسة ؟؟؟..........وشحال راه واحد يقرا برا كاشما دارو حاجة غير الزوخ والفوخ ويجي يعفس على ولادت بلادو .............مانيش نتكلم من فراغ لاني عايشت الكثير ..............................واحنا مسلمين والحمد لله وحياتنا هي دار اختبار ولن نسأل عن دراستنا او تمكنا بقدر السؤال عن معاصينا ومخالفاتنا .....................انا وحدة جارتي كانت تقرا معايا راهي في الصين تدرس ؟؟...........انا تفاجئت وهي تقول بحجة الدراسة وصدقيني اختصاصها مايحتاجو حتى واحد حاليا ............قالتلي انا نرفع بلادي ...........كيفاش واحد يرفع بلادو بالمعاصي ..............................تقلي انا الحمد لله شادة في ديني ....................والله ماني عارف ..............هوما يخمو لازم نطيحو في الكبائر باش نقلو اوف رانا اخطأنا ؟؟.................هاتولي فتوى بدليل تبيح سفر المرأة لوحدها الى الخارج ومن اي منهج ؟؟؟.......................اختي بارك الله فيك متزعفيش مني انا اغار عليك ومااحبه لاختي احبه لكي ..............لما الغربة ؟؟ ولقد رزقك الله بعائلة وبلد يعرف دينه .....................هل من اجل دراسة دنيوية تركتي هذا ؟؟؟..............فلارضا الا رضا الله عزوجل .......................................واعتذر منكي ان اخطأت الكلام ........................فانا لا ادري فنصف العلم لا ادري

[z.abdo]

المشاركة الأصلية كتبت بواسطة الواثق

يا اختي انا نتكلم معاك بصراحة ..........سفر الرجل الى بلاد الكفر من اجل الدراسة وفيه عدة شروط .............بالمقارنة سفر المرأة في بلادها فقط لوحدها هذا فيه عدة شروط وعدت اقوال ...........................والمشكلة احنا حجتنا الدراسة ؟؟؟..........وشحال راه واحد يقرا برا كاشما دارو حاجة غير الزوخ والفوخ ويجي يعفس على ولادت بلادو .............مانيش نتكلم من فراغ لاني عايشت الكثير ..............................واحنا مسلمين والحمد لله وحياتنا هي دار اختبار ولن نسأل عن دراستنا او تمكنا بقدر السؤال عن معاصينا ومخالفاتنا .....................انا وحدة جارتي كانت تقرا معايا راهي في الصين تدرس ؟؟...........انا تفاجئت وهي تقول بحجة الدراسة وصدقيني اختصاصها مايحتاجو حتى واحد حاليا ............قالتلي انا نرفع بلادي ...........كيفاش واحد يرفع بلادو بالمعاصي ..............................تقلي انا الحمد لله شادة في ديني ....................والله ماني عارف ..............هوما يخمو لازم نطيحو في الكبائر باش نقلو اوف رانا اخطأنا ؟؟.................هاتولي فتوى بدليل تبيح سفر المرأة لوحدها الى الخارج ومن اي منهج ؟؟؟.......................اختي بارك الله فيك متزعفيش مني انا اغار عليك ومااحبه لاختي احبه لكي ..............لما الغربة ؟؟ ولقد رزقك الله بعائلة وبلد يعرف دينه .....................هل من اجل دراسة دنيوية تركتي هذا ؟؟؟..............فلارضا الا رضا الله عزوجل .......................................واعتذر منكي ان اخطأت الكلام ........................فانا لا ادري فنصف العلم لا ادري

خويا حبيت نوضحلك عن هاته الاخت انا بالعكس نشجعها وننصحك انت باش تقرى مليح واش كتبت هذه الأخت لأنها قالت أنها مع أخيها وليس لوحدها يعني راها مسافرة مع محرم مش كيما قلت انت يعني ماكش فاهم قصتها مليح خويا واسمحلي خويا

[z.abdo]

ونعطيم الدليل باللي قالت رها مع خوها إليك الدليل
هادا 5 سنة وانا بعيدة عن اهلي الوقت صح فات و مع خويا مونسني

[nilly]

حتى لو كان راحت وحدها فهذا من اجل العلم . ليس به ضرر
مثلا اذا وحدت مكنش تخصص علمها هنا بالجزائر عادي انها تسافر من اجل قضاء حاجتها بالعلم واذا كانت ايضا لم يسمح لها باكمال دراستها هنا بالجزائر عادي ايضا انها تسافر من اجل العلم . وشرف البنت يعود الى تربيتها ومبادئها اليغرسونها والديها منذ صغر . فالتي عندها استعداد على الحرام فراح تسويه حتى لو كانت بمكة المكرمة ولعودها ثابت ومستقيم حتى لو راحت لنيويورك حتبقى دوما ثابتة ومستقيمة.
والحديث الثابت هو ما رواه ابن ماجة من حديث أنس بْنِ مَالِكٍ قَالَ : قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ ( طَلَبُ الْعِلْمِ فَرِيضَةٌ عَلَى كُلِّ مُسْلِمٍ ) ( 220 ) وصححه الألباني في صحيح سنن ابن ماجة . والمقصود بالعلم هنا هو العلم الشرعي . قال الثوري : هو العلم الذي لا يُعذر العبد في الجهل به ، والله أعلم .

[z.abdo]

المشاركة الأصلية كتبت بواسطة nilly

حتى لو كان راحت وحدها فهذا من اجل العلم . ليس به ضرر
مثلا اذا وحدت مكنش تخصص علمها هنا بالجزائر عادي انها تسافر من اجل قضاء حاجتها بالعلم واذا كانت ايضا لم يسمح لها باكمال دراستها هنا بالجزائر عادي ايضا انها تسافر من اجل العلم . وشرف البنت يعود الى تربيتها ومبادئها اليغرسونها والديها منذ صغر . فالتي عندها استعداد على الحرام فراح تسويه حتى لو كانت بمكة المكرمة ولعودها ثابت ومستقيم حتى لو راحت لنيويورك حتبقى دوما ثابتة ومستقيمة.
والحديث الثابت هو ما رواه ابن ماجة من حديث أنس بْنِ مَالِكٍ قَالَ : قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ ( طَلَبُ الْعِلْمِ فَرِيضَةٌ عَلَى كُلِّ مُسْلِمٍ ) ( 220 ) وصححه الألباني في صحيح سنن ابن ماجة . والمقصود بالعلم هنا هو العلم الشرعي . قال الثوري : هو العلم الذي لا يُعذر العبد في الجهل به ، والله أعلم .

اسمحلي يا اخي واش راك قاعد تفتي واش بيك خويا
ياك علابالك لا يحل للمرأة أن تخرج من البيت من دون محرم
فمابالك ان تذهب للدراسة في فرنسا خويا راك افتيت بعكس ما يقوله الفقهاء غير استغفر ربي وما تهدرش بالمنطق وتثقول المتربية التربية في الصغر علاش انت تعرف خير من الرسول والله راك عكس ما قال الرسول خويا .
نسالك سؤال خويا هل المراة تقدر تروح للحج بدون محرم
الجواب شرعا لا يجوز اذا كيف المرأة تطلب العلم خارج وطنها بدون محرم راك غالط بزاف بزاف خويا
وعن ابن عمر عن النبي صلى الله عليه وسلم قال [لا تسافر المرأة ثلاثًا إلا ومعها ذو محرم]( ورواه أحمد والبخاري ومسلم ).

[الواثق]

المشاركة الأصلية كتبت بواسطة z.abdo

خويا حبيت نوضحلك عن هاته الاخت انا بالعكس نشجعها وننصحك انت باش تقرى مليح واش كتبت هذه الأخت لأنها قالت أنها مع أخيها وليس لوحدها يعني راها مسافرة مع محرم مش كيما قلت انت يعني ماكش فاهم قصتها مليح خويا واسمحلي خويا

اخي بارك الله فيك على التنبيه................انا طرحت الامر بشكل عام.................لانو كاينة اللي تروح مع خوها او لا لا تروح تروح ............حتى وان تكون مع محرم فالسكن في بلاد الكفر راهم العلماء تكلمو عليه كثيرا وامر خطير ماشي ساهل..........................وافترض ان كل العائلة مثلا في فرنسا ؟؟؟؟......................راك فهمتني ؟؟؟.......والله اعلم بالصواب

[fati1988]

المشاركة الأصلية كتبت بواسطة z.abdo

أختي بارك الله فيك وربي وفقك وخصوصا لما تحافظي على دينك وشرفك وعفتك في ديار الغربة لكن انصحك ان تواصلي دراستك وبعد انشاء ترجعي لبلادك مرفوع لانك حافظتي على مبادئك على عكس البنات اللي هنا في الجزائر فقدو دينهم وشرفهم ودراستهم بسبب تتبعهم الشهوات
اختي بربي انشاء الله ندعيلك ربي بالتفيق ولا تنسي بان هذا امتحان من عند ربي
ربي معاك اختي

بارك الله فيك اخي والله يجزيك خير عالدعوة والنصيحة

وان شاء الله نرجع لاهلي بشهادة لي تمنوها واكيييد براسي

[fati1988]

المشاركة الأصلية كتبت بواسطة oumi82

و الله يا اختي الكريمة كلنا في الغربة نعاني حتى أنا مشتاقة لأهلي ولكن ما عسانا نفعل الا الصبر ....

حاسة فيك اختي وعارفة الغربة صعيبة... الله يسهل عالجميع ياااااااارب

[fati1988]

المشاركة الأصلية كتبت بواسطة الواثق

يا اختي انا نتكلم معاك بصراحة ..........سفر الرجل الى بلاد الكفر من اجل الدراسة وفيه عدة شروط .............بالمقارنة سفر المرأة في بلادها فقط لوحدها هذا فيه عدة شروط وعدت اقوال ...........................والمشكلة احنا حجتنا الدراسة ؟؟؟..........وشحال راه واحد يقرا برا كاشما دارو حاجة غير الزوخ والفوخ ويجي يعفس على ولادت بلادو .............مانيش نتكلم من فراغ لاني عايشت الكثير ..............................واحنا مسلمين والحمد لله وحياتنا هي دار اختبار ولن نسأل عن دراستنا او تمكنا بقدر السؤال عن معاصينا ومخالفاتنا .....................انا وحدة جارتي كانت تقرا معايا راهي في الصين تدرس ؟؟...........انا تفاجئت وهي تقول بحجة الدراسة وصدقيني اختصاصها مايحتاجو حتى واحد حاليا ............قالتلي انا نرفع بلادي ...........كيفاش واحد يرفع بلادو بالمعاصي ..............................تقلي انا الحمد لله شادة في ديني ....................والله ماني عارف ..............هوما يخمو لازم نطيحو في الكبائر باش نقلو اوف رانا اخطأنا ؟؟.................هاتولي فتوى بدليل تبيح سفر المرأة لوحدها الى الخارج ومن اي منهج ؟؟؟.......................اختي بارك الله فيك متزعفيش مني انا اغار عليك ومااحبه لاختي احبه لكي ..............لما الغربة ؟؟ ولقد رزقك الله بعائلة وبلد يعرف دينه .....................هل من اجل دراسة دنيوية تركتي هذا ؟؟؟..............فلارضا الا رضا الله عزوجل .......................................واعتذر منكي ان اخطأت الكلام ........................فانا لا ادري فنصف العلم لا ادري

بالعكس اخي ردك لم يزعجني ولكن في سوء فهم مثل ما وضحلك الاخ من قبل

يا اخي كون متاكد انو اهلي ما رسلونيش نقرا برا الا هما واثقيين في بنتهم و الله مازلني حتى الان وبعد مرور اكثر من 4 سنين نتذكر توصية ابي لي و نصيحته وقالي بالحرف الواحد (البنت عندها غير شرفها وانا راسلك لهدف واحد تقراي و تتخرجي وترجعينا ان شاء الله بشهادة تفرحنا )و الله في لحظتها حسيت بحجم المسؤولية لي وضعها ابي فيني .... وانا مش مغتربة في بلد الكفر ولكن تتشبه كثيرا بالغرب في كل شي ( قبرص التركية)

وبالنسبة انو القراية حاجة دنيوية .. لا يااخي بالعكس لازم الواحد يقرا ويتعلم وتكون لي شهادة .. الي بهادي شهادة يكون ليك مستقبل و انا مقتنعة في هاد الوقت ولات حاجة ضرورية سواء للبنت او الولد ...

[fati 17]

مساء النور اختي فرجي عن نفسك وافرحي والديك ومجتمعك بشهادتك

[fati1988]

المشاركة الأصلية كتبت بواسطة fati 17

مساء النور اختي فرجي عن نفسك وافرحي والديك ومجتمعك بشهادتك

يااااااااارب اختي يااااارب ... والله ضاقت عليا بصح نقول الحمدلله على كل شي ,,, انا لي مقلقني ماكنتش هاكدا كنت اكثر تحمل و قوة بصح جاتني فترة نقول خلااااااااااص تعبت وراني نستنى وينتى نكمل ونرجع لاهلي ان شاء الله

دعــواتك لي اخـــتي

[oum rahma]

السلام عليكم

اختي اليك تحياتي ، واضح جدا كم انت متعبة ، وهو أمر طبيعي لمن يبتعد عن الوطن والأهل

لأن الإغتراب ليس بالأمر الهين ، نسأل الله الصبر الحمد لله على ثباتك أحييك على هذا * كم هو مفرح *

أتمنى لك النجاح لكي تفرحي وتفرحي داركم وخاصة لُميمة ، فقط لا تيأسي وتوكلي على الله و قدما الى الأمام

مضى الكثير ولم يبق إلا القليل ، ثقي بالله طالما انك متمسكة بطريقه ومحافظة على دينك

وما أسرع الوقت سيمضي كلمح البصر لتعودي الى الوطن الحبيب ودفء العائلة

موفقة بإذن الله

اسمحي لي بهذه الملاحظة واذا احببت حذفتها " أتمنى أن لايخرج الموضوع عن ما وضع له ....

فالعنوان تعبت من الغربة وليس افتوني في الغربة "

يعني الأخت لجأت الينا لكي نرفع معنوياتها ونؤنسها ونخفف عنها وجع الغربة بالكلمة الطيبة .