مقالة مضمونة في بكاوريا الفلسفة ... جربو و شوفو

omniaa1 · 2012-04-04, 11:23

بسم الله الرحمن الرحيم

السلام عليكم ......هاذي ليكم ياللي تخافو من الفلسفة ...... بون انا منطولش عليكم بالهدرة ... غير نقولكم على وحد الطريقة (وحد الخدعة) بيناتنا .. روحو جيبو بكالوريات الفلسفة 2008-2009-2010-2011... ابداو ب باك 2008 و شوفو الموضوع 3 اي تحليل نص واش تلقاو؟؟.زيدو اضربو طلة على باك 2009 تلقاو نفس موضوع تحليل النص جابوه على شكل مقالة.. زيدو شوفو تحليل نص لباك 2009 تلقاوه يحكي على الفلسفة و اهميتها.. مالا شوفو باك 2010 تلقاو مقالة على ضرورة الفلسفة يعني اهمية الفلسفة...زيدو شوفو تحليل نص باك 2010 جابولهم على المنطق الصوري (المنهج الاستقائي) في باك 2011 اللي هوا ديالي جابو مقالة دافع عن الراي القائل بان المنطق الصوري.....و في تحليل نص جابولهم عن الحرية و المسؤولية اللي رايحين يجيبوها كالعادة في باك 2012 و انا بصدد نعاود معاكم الباك و رايحة ندير واش درت العام اللي فات حفضت غير درس المنطق الصوري و طريقة الاستقصاء بالوضع و جبت 16 في الفلسفة .......عفسة باهية باش ماتعمروش ريسانكم بالفلسفة .
و ان شاء الله تجربوها ب تشوفو واش قلتلكم بعينيكم ... انا هاذ العفسة ما جيت نفيقلها العام اللي فات اييييييييه ..المهم

ربي يوفقكم

zedtelkem 7aja....elli y7ab ya7fd elma9alat aw mayodmench 3alama bahya ..lazem tefahmouw ta7afdou 3anassir eddarss ..kima fel 7ouriya lazem tefahmou ma3naha ww ma3na elmassouliya w kifach elfalassifa fahminha ..apres ta3rfou el3ala9a li bine el7ourriya welmassouliya ...(chart aw machrout
(
w tzidou ta7afdou wach 9alou elfalassifa 3la el7ouriya walmasouliya....
et je suis tres désolée puisq j'ai pas de la langue arab ici car jen suis pas chez moi pour l'instant ....
betawfiiii9 incha2alah

minoucha22 · 2012-04-04, 11:51

oh merciiiiiiiiiiiiiiiiiiiiiii mais chekit ma3adnech zhar ni khayfa ybedlo l3a9lyaa

ramilo29 · 2012-04-04, 17:05

merciiiiiiiiiiiiiii

amine 2012 · 2012-04-04, 17:16

واش شعبتك أنت

راجـيـة الفـردوس · 2012-04-04, 17:44

ايييييه صح عندك الحق هذي قالهالنا استاذ الفلسفة لعام لي فات ....بصح في 2011 موضوع تحليل النص على الحرية و المسؤولية و منظنش يلحقولها هاذ العام

omniaa1 · 2012-04-04, 17:56

انا شعبتي علوم تجريبية ... و اختي اللي قلتي مايلحقولهاش ..( ماتقوليليش باللي تامني بالعتبة ؟؟مازلتي تامني بالغول؟؟؟؟؟).مانعرف انا مانوثقش في هاذي العفسة تاع العتبة نقولك وعلاه ’؟؟؟ بالرغم من الاضرابات اللي درناها في 2011 قالونا العتية و بلا بلا و في شهر ماي كي خرجولنا العتبة لقينا رواحنا روطار و قرينا لالاسترة و الدوال الاصلية في 2 ساعتين و بقالنا للباك غير 15 يوم ؟؟المهم و المفيد ...بيناتنا انا نركز على الحرية والمسؤولية . و الرياضيات كمقالة ثانوية ..

listoma · 2012-04-04, 18:10

اقتباس:

المشاركة الأصلية كتبت بواسطة omniaa1

انا شعبتي علوم تجريبية ... و اختي اللي قلتي مايلحقولهاش ..( ماتقوليليش باللي تامني بالعتبة ؟؟مازلتي تامني بالغول؟؟؟؟؟).مانعرف انا مانوثقش في هاذي العفسة تاع العتبة نقولك وعلاه ’؟؟؟ بالرغم من الاضرابات اللي درناها في 2011 قالونا العتية و بلا بلا و في شهر ماي كي خرجولنا العتبة لقينا رواحنا روطار و قرينا لالاسترة و الدوال الاصلية في 2 ساعتين و بقالنا للباك غير 15 يوم ؟؟المهم و المفيد ...بيناتنا انا نركز على الحرية والمسؤولية . و الرياضيات كمقالة ثانوية ..

السلام عليـــــــــكم ..
مممم. .. كنت نسمع بزااف على هذي الظاهرة . تاع يعااودو المووضوع اللي جا في النص على شكل سؤاال عادي .. في البااكـ اللي مورااه .. مي مازالت ما شفتش .. و صح حسااب القول تاعكـ .. صح .. أني شافي للمواضيع اللي جات فتحليل النص ..
المهم .. حبيت نسقسيكــــــي عآآش ذكـــــرتي .. أنو تظـــــــني بللي الرياضياات قاادرة تجي .. على شكل مقاالة ثانوية .. ؟ .. مجرد توقع؟؟ ..
++ أنا نظـــــــــن تقصدي الريااضياات و المطلقيـــــــــة .. ( اليقين الرياضي .. ) .؟؟ .. و هــــــــل تستبعي أصل الريااضياات تماما .. ؟؟ .. ولا .. ؟؟
++ تعيشي .. إلى تقدري تقوليلي .. المقاالات الرئيسية .. الموجوودة في كل من .. الوحدتين .. الشعور بالأنا و الغير .. و .. وحدة .الحرية و المسؤوليــــــــة .. ؟؟
اسمحيلي يظهرلي شوية كترت عليــــــــكـي ..
++ تبانيلي مترشحــــــــة حـــــــــرة. . ؟؟ ..
بالتوفيــق .
في اماان الله

أسمـاء · 2012-04-04, 20:19

وماذا عن شعبة لغات
أجنبية

؟؟؟؟؟؟؟؟؟؟؟؟؟؟؟؟؟

omniaa1 · 2012-04-04, 21:01

السلام عليكم....
خويا lestomac اييه انا مترشحة حرة ...شعبة علوم تجريبية...بالنسبة لمقالة الرياضيات كون يجيبوها راح تكون باذن الله على المفاهيم الرياضياة لاكان عقلية ام تجريبية ... و اما الحرية و المسؤولية تكون في صيغة ..علاقة الحرية بالمسؤولية هل الحرية اساس المسؤولية ام العكس....... الشعور بالانا و الغير جابوه في 2009 مانظنش يجيبوه هذا العام حتى لل 2014 باش يخممو يعاودوه..
شكرا و بالتوفيق

omniaa1 · 2012-04-04, 21:07

حبيت نسقسيكم درتيو موضوع عن الفرضية و قيمتها ....؟؟؟؟؟؟

omniaa1 · 2012-04-04, 21:25

السلام عليكم

اقتباس:

المشاركة الأصلية كتبت بواسطة أسمـاء

وماذا عن شعبة لغات
أجنبية

؟؟؟؟؟؟؟؟؟؟؟؟؟؟؟؟؟

اختي مانيش عارفة مي تقدري تتاكدي لوكان تضربي طلة على الباكالوريات السابقة و قارني بعينيك ..المقالات اللي جازو مارايحينش يتعاودو و خصوصا من 2009-2011 ... بالتوفيق
و شكرا على المرور

غـاني · 2012-04-04, 21:30

شكرا اختي .......

omniaa1 · 2012-04-04, 21:40

السلام عليكم

العفو اخ مينو

la jolie · 2012-04-04, 21:47

شكرا لك اختي نشاء الله حنركز على زوج مقالات لي قولتيهوم

omniaa1 · 2012-04-09, 18:56

العفو ....